Jôel 1:12 - Sră Goh 2018

¹² Tòm ño neh ro: tòm chi ƀal neh pă; tòm chi lừu, tòm chi gòl tơô, tòm chi tăo mơ jơh ală tòm chi tòm ƀlàng neh ro jơh. Ngan la bơta hòn chò kòn mơnus di ò gam tai.

Jôel 1:12 Mawu Ofanana

Đơs Crih 4:7

Yàng lơh nùs añ in hòn chò oă rlau mơ bol khai, Tòm tŭ bol khai gơs oă kòi mi mơ tơrnòm ño tơngkah tơngkañ.

Đơs Crih 92:12

Cau song ring geh bơtào tơngguh be chi gòl, Gơlik dờng be chi pơnàng hơđang Liban.

Đơs Chò 2:3

Be tòm chi sa plai digùl ală chi tòm brê, behơ̆ sơl cau kòñ gơboh añ ơm digùl ală cau pơnu, Añ chò nùs ơm nggui tòm mƀur khai dê; plai khai bơkah lơngồt tòm lơmpiat añ in.

Đơs Chò 4:13

Ală chi hòn tòm suơn hàng mơnĕ, gơs plai lừu mơ ală plai bơkah, bơkào phùng tien mơ chi krĕ;

Esai 16:10

Bơta chò hòp chò hòn neh tă tơlik bơh ală suơn sa plai; mơ tòm suơn ño ò gơs cau lơi đơs chò hala driau chò; ò gơs cau lơi pơrjă plai ño tòm tiah mpal pat tơrnòm, bơh Añ neh pơndut jơnau driau chò ală cau pơrjă ño dê.

Esai 24:11

Gơs cau hòi driau tòm gùng bơh siơ̆u tơrnòm; jơh ală bơta chò hòp gơlik bơta moat jrùng; jơh ală bơta hòn chò hơđang plai ù gơkòl sang lòi.

Esai 24:7

Tơrnòm neh soat jơh, tòm ño neh ro jrùh jơh; ală nùs hòn chò gơlik pơt wòl.

Esai 9:3

Yàng neh pò ơnàng làng bol do mơ neh bơtơl bơta chò hòp bol khai in; bol khai hòn chò di đap Yàng kung be hòn chò tòm ngai toès kòi, be cau hòn chò tòm tŭ tòmpà phan tòmpìt geh.

Jeremi 48:3

Gơs jơnau hòi driau bơh Hôrônaim lah: ‘Bơta tơrlah tơrlơm mơ bơta roh gơprah dờng ngan!’

Jeremi 48:33

Bơta chò hòp mơ hòn chò tă ngài, Tòm sre mơ ù tiah niam Môap dê; Añ neh pơndut tơrnòm bơh cơnòng pat ño; Bol khai rơp ò driau chò mơ pat ño tai; Bơta driau dờng bol khai dê ò di la driau chò.

Jôel 1:10

Ală ƀlàng sre gơkòl phà tơnroh, ù tiah rañ rsơh, kòi mbo gơkòl tơnroh, tơrnòm pa neh soat, mơ mơñà neh jơh.

Jôel 1:16

Phan sa ò di neh tă jơh di đap mat bol he, bơta hòn chò hừh hơh ò di neh ò gam tai tòm hìu Yàng Tom Trồ bol he dê ơ?

Jôna 4:7

Mơya tòm àng drim ngai tơnơ̆, Yàng Tom Trồ rcang dô nơm tu kap che hơ̆, lơh gơ in ro.

Sră Age 2:19

Gam gơs gar sơntìl lơi tòm đam sơl? Jơl tus di tŭ do, tòm ño, tòm chi ƀal, tòm chi lừu, mơ tòm chi ôlibe òhềt gơs plai ơ? Mơya bơh ngai do jơl hìng nau, Añ rơp ai lơngai lơngò bol mê in.’”

Malaci 3:11

Añ rơp lah pơrhơng srah nting nàng gơ ò sa tơnroh ală plai đo bơh ù bol mê dê; mơ ală tòm ño tòm ală suơn bol mê dê rơp ò rung plai gơ dê lài mơ tŭ tus kơnhai pic plai,” Yàng Jehôwa Gơnap Gơnoar Dờng Làm Jơh đơs behơ̆.

Khà Làng Bol 13:23

Tòm tŭ bol khai tus hơ thòng Eskol, bol khai koh dô nơm ntê gơs mìng dô dơrkum plai ño. Bàr nă tòm bol khai tùng gơ hơđang dô nơm gai bal mơ ală plai lừu mơ plai chi ƀal.