Jôel 1:11 - Sră Goh 2018

¹¹ Ơ cau lơh mìr lơh sre, gơdô nùs tĕ; Ơ cau tam ño, ñìm pơt wòl tĕ, moat jrùng tĕ bơh kòi mơ kòi pràng, tài bơh kơnhai toès tòm ƀlàng neh gơkòl tơnroh.

Jôel 1:11 Mawu Ofanana

Esai 17:11

bulah bol mê lơh gơ in hòn, tòm ngai bol mê tam gơ, mơ lơh gơ in cat sơmbut, tòm àng drim bol mê neh sih gơ; rơp ò gơs dô nơm plai lơi tòm kơnhai pic plai, mơya tòm ngai moat jrùng mơ jê sồt ò rgơi geh sơmbòi.

Jeremi 14:2

Juda ơm moat jrùng jê sồt, Ală mpồng ƀòn khai dê lơbơn òsô, Bol khai nggui jê sồt tòm ù; mơ sap nggà ñìm Jerusalem dê nggồr.

Jeremi 50:16

Tơnroh tĕ ală cau sih gar tòm Babilôn, Bal mơ cau at mơ̆ tòm kơnhai toès; Bơh rngòt đào cau tơnroh, gen tàng kòp nă rơp rê wơl hơ làng bol tòm he dê, kòp nă rơp rê wơl hơ lơgar tòm bol khai dê.

Jeremi 9:12

Cau lơi gơs tơl bơta jak chài nàng wă wơng ală bơta do? Mơ bơr Yàng Jehôwa đơs mơ ñcau, nàng bol khai rgơi yal tơnggit? Ñchi bơh tài lơgar do kong tơnroh kòl sang lòi kung be ƀlàng ngềt ngơt, tian gơs ò gơs cau lòt gan taih?

Ejekiel 30:2

“Ơ kòn mơnus, đơs hwơr tĕ lah: Jehôwa Yàng Tom Trồ đơs be do: ‘Ñìm rac tĕ! “Bòl glar ngan ngai hơ̆ in!”

Amôs 5:16

Gen tàng, Jehôwa, Yàng Tom Trồ Gơnap Gơnoar Dờng Làm Jơh đơs be do: “Rơp gơs jơnau ñìm rac tòm ƀlàng jơnum gùng ƀòn dờng, mơ jơnau driau moat jrùng tòm kòp nơm gùng. Bol khai rơp hòi ală cau lơh mìr sre ñìm ƀồc, mơ ală cau chài ñìm rac rơp pơt wòl.

Rôma 5:5

Mơ bơta gơn kơnòm ò lơh ƀàssìl, bơh bơta kòñ gơboh Yàng Tom Trồ dê neh tuh tòm nùs bol he la bơh Yàng Hwềng Goh la Bơtau mơ Yàng Tom Trồ neh ai gòi bol he in.