Jôel 1:10 - Sră Goh 2018

¹⁰ Ală ƀlàng sre gơkòl phà tơnroh, ù tiah rañ rsơh, kòi mbo gơkòl tơnroh, tơrnòm pa neh soat, mơ mơñà neh jơh.

Jôel 1:10 Mawu Ofanana

Sơnròp Gơlik Gơs 4:12

Tòm tŭ mê tùc tam phan, ù ò hòn niam mê in; mê rơp dô lòt nrah nring tòm ù.”

Esai 15:6

Ală dà tòm Nimrim neh soat jơh, ñhơt neh ro, ñhơt bơnung ò gam tai, ò gam chi tơlir tai.

Esai 24:11

Gơs cau hòi driau tòm gùng bơh siơ̆u tơrnòm; jơh ală bơta chò hòp gơlik bơta moat jrùng; jơh ală bơta hòn chò hơđang plai ù gơkòl sang lòi.

Esai 24:7

Tơrnòm neh soat jơh, tòm ño neh ro jrùh jơh; ală nùs hòn chò gơlik pơt wòl.

Jeremi 12:11

Bol khai neh lơh gơ in gơlik tiah lòi srau, rhàng ngềt ngơt, Gơ pơt wòl di đap Añ. Jơh lơgar neh gơlik srau gòi, Mơya ò gơs cau lơi ơn nùs di gơ.

Jeremi 12:4

Nđò jŏ tòm lơgar kong moat jrùng, mơ ñhơt tòm ƀlàng sre ro jrùh taih? Tài bơh làng bol iơh bơsak ơm tềng hơ̆, Gen tàng ală jơi phan poan jơng mơ jơi sềm kòl pơs jơh. Bơh bol khai đơs lah: “Yàng Tom Trồ rơp ò gŏ gùng dà bol he lơh.”

Jeremi 48:33

Bơta chò hòp mơ hòn chò tă ngài, Tòm sre mơ ù tiah niam Môap dê; Añ neh pơndut tơrnòm bơh cơnòng pat ño; Bol khai rơp ò driau chò mơ pat ño tai; Bơta driau dờng bol khai dê ò di la driau chò.

Sră Ôse 4:3

Behơ̆ tàng, lơgar rac ròc, làng bol chơt roh, ală phan poan jơng tòm brê mơ ală sềm hơđang trồ, bal mơ ală ka tòm dàlềng kung roh rui sơl.

Sră Ôse 9:2

Ală làn jă kòi mơ ală yang tơrnòm rơp ò ròng siam bol khai; tơrnòm pa rơp lơh bol khai in roh bơta gơn kơnòm.

Jôel 1:12

Tòm ño neh ro: tòm chi ƀal neh pă; tòm chi lừu, tòm chi gòl tơô, tòm chi tăo mơ jơh ală tòm chi tòm ƀlàng neh ro jơh. Ngan la bơta hòn chò kòn mơnus di ò gam tai.

Jôel 1:5

Ơ cau bơñul ñô, kah rngal tĕ mơ ñìm rac! Ơ jơh ală bol mê la cau jak ñô tơrnòm, ñìm rac tĕ bơh tơrnòm pa, bơh neh kong tă bơh di bơr bol mê dê.

Jôel 2:19

Yàng Jehôwa rơp ho wơl mơ bol khai lah: “Do, Añ rơp ai bol mê in: kòi mbo, tơrnòm pa, mơ mơñà, tơl nàng bol mê in geh hòm lai wil tơl; mơ Añ ò tai lơh bol mê in gơlik gơs dô jơnau cau dơñŏ tơnhial digùl ală làng bol.

Lebi 26:20

Bơta pràn kơldang bol mê dê gơlik gơs ò kwơ tài bơh ù tiah rơp ò gơlik cồng nha gơ dê, ală chi tòm lơgar kung ò gơlik plai gơ dê.

Habakuk 3:17

Bulah chi ƀal rơp ò cat sơmbut mơ rơp ò gơs plai hơđang ntê ño; bulah chi ôlibe ò gơlik plai mơ ƀlàng sre ò tơnggơs phan sa; bulah ò gơs belàt tòm ƀlàng mơ ò gơs kơnrồ tòm wàng,

Sră Age 1:11

Añ neh sồr tus dô bơta ro rañ hơđang ală ƀlàng sre mơ hơđang ală mơnơm, hơđang kòi mbo, hơđang tơrnòm pa, hơđang mơñà mơ hơđang ală phan ù tiah tơnggơs, hơđang jơi kòn mơnus mơ hơđang jơi phan poan jơng, mơ hơđang ală broă bòl glar bol mê neh lơh.’”

Malaci 2:3

Añ rơp lah pơrhơng kòn sau bol mê dê, rsìh è phan poan jơng hơđang muh mat bol mê dê, è ală phan ơn bol mê dê, mơ Añ rơp bơtrơh tơlik bol mê bơh di bơta gơs mat Añ jê.