Jeremi 9:8 - Sră Goh 2018

⁸ Lơmpiat bol khai la kam bih khih, Đơs tơlik jơnau blac chừt bơh bơr. Bol khai jơh tơl nă đơs jơnau niam mơ cau gơp ƀòn he, Mơya tòm nùs bol khai bơyai rcang pơt dô nơm dă.”

Jeremi 9:8 Mawu Ofanana

II Samuel 3:27

Tòm tŭ Apner neh rê wơl hơ Hebrôn, Jôap cèng khai is dô đah tòm mpồng ƀòn dờng dê, khai lơh be kòñ đơs is mơ khai. Mơ tềng hơ̆ Jôap srơp khai di kơndul mơ tơnchơt tơn, nàng sal tê bơh mhàm Asael, oh Jôap dê.

Đơs Crih 12:2

Kòp nă đơs jơnau blac chừt bal mơ gơp; Bol khai ai sơndồi rơmhòc mơ bàr đah nùs bol khai đơs.

Đơs Crih 12:3

Dan Yàng Jehôwa tơnroh jơh ală sơndồi rơmhòc, Mơ lơmpiat jak đơs pơnhừ să.

Đơs Crih 120:3

Ơ lơmpiat blac pơrlồm, ñchi cau ai mê in taih? Mơ ñchi bơta cau lơh tai mê in taih?

Đơs Crih 28:3

Dan bañ tă sang añ bal mơ ală cau iơh bơsak, La ală cau lơh bơta iơh bơsak; Bol khai đơs ring lơngai mơ cau gơp ƀòn he, Mơya tòm nùs gơs bơta blac pơrlồm.

Đơs Crih 35:20

Bơh bol khai ò đơs jơnau ring lơngai, Mơya bol khai bơyai blac pơrlồm tòmsò di ală cau ơm lơngai tòm ƀòn lơgar.

Đơs Crih 55:21

Jơnau đơs khai dê ntiar rlau mơ dơngi dà toh, Mơya tòm nùs gơs bơta kơlìn gơtoă; Ală jơnau khai dê lơbơn rlau mơ mơñà, Mơya ngan la đào rlai.

Đơs Crih 57:4

Añ bic digùl ală klìu triă, Hơ̆ la phan sa loan poac kòn mơnus; Bol gơ gơs sề be ală tà mơ ală kam, Mơ lơmpiat bol gơ be đào sồt.

Đơs Crih 62:5

Hwềng soàn añ rlô lơngap lơngai mìng tòm Yàng Tom Trồ lơm; Bơta gơn kơp añ jê tus bơh Kơnràñ.

Đơs Crih 64:8

Kơnràñ rơp lơh bol khai kong roh rui, tài bơh lơmpiat bol khai dê tòmdră mơ bol khai. Jơh ală cau lơi gŏ bol khai gen rơp rtơs bồ bơh bơta cù kìr.

Jơnau Pơnđik 25:18

Cau lơi đơs jơnau lơh cơng blac di cau ơm rềp he, ò gơkrơi be dô nơm mut, dô nơm đào, dô nơm kam sơmplàñ.

Jeremi 5:26

Bơh digùl làng bol Añ jê gơs ală cau iơh; Bol khai kơp mòc kung be cau pơndòm sềm, Pơt dă nàng kup cau.

Jeremi 5:9

Añ rơp ò lơh glài bơh ală bơta hơ̆ ơ? mơ Añ rơp ò cèng bơta sal tê lơh glài, hơđang dô nơm lơgar behơ̆ ơ? Yàng Jehôwa đơs behơ̆.

Jeremi 9:3

“Bol khai bơt lơmpiat bol khai be àtak, Bol khai hòn dờng tòm lơgar bơh bơta blac pơrlồm. Ò di bơh jơnau song; Bol khai ntoat tơngguh bơh bơta iơh do tus bơta iơh ndai, Mơ bol khai ò đal git Añ,” Yàng Jehôwa đơs behơ̆.

Jeremi 9:4

Kơrhia tĕ bơh cau gơp ƀòn he, Bañ dòn kơnòm di dô nă cau lơi tòm oh mi he; Bơh kòp nă oh mi la cau pơrlồm, Mơ kòp nă cau gơp ƀòn lòt gùt dar be cau yă blac.

Jeremi 9:5

Bol khai jơh tơl nă pơrlồm cau gơp ƀòn he, mơ ò gơs dô nă cau lơi đơs jơnau song. Bol khai bơto lơmpiat bol khai đơs blac, Pơnđơl pràn lơh bơta iơh, mơ kalke nàng gơjrañ sang glài.

Mice 6:12

Ală cau pas gơs bol mê dê bềng bơta jàñ bơsak; làng bol bol mê dê la ală cau đơs blac, lơmpiat blac pơrlồm tòm ală bơr bol khai dê.