Jeremi 9:5 - Sră Goh 2018

⁵ Bol khai jơh tơl nă pơrlồm cau gơp ƀòn he, mơ ò gơs dô nă cau lơi đơs jơnau song. Bol khai bơto lơmpiat bol khai đơs blac, Pơnđơl pràn lơh bơta iơh, mơ kalke nàng gơjrañ sang glài.

Jeremi 9:5 Mawu Ofanana

Sơnròp Gơlik Gơs 19:11

mơ lơh jơngo mat làng bol ơm đah bơdìh mpồng bơh cau kơnòm tus di cau kra, gen bol khai jòi mpồng glar tơn mơ ò gŏ.

Sră Jop 11:3

Ală jơnau đơs be kòn se ồng dê rơp lơh cau in ơm mŏ mŏ ơ? Mơ tòm tŭ ồng bơrsèl tơnhial, ò gơs cau lơi rơp lơh ồng in ƀàssìl ơ?

Sră Jop 15:5

Bơh tồi glài ồng dê bơto bơr ồng dê, Mơ ồng sac rwah lơmpiat cau lac lèo dê.

Đơs Crih 140:3

Bol khai gơs lơmpiat sơmplàñ be lơmpiat bơs; Tòm sơndồi bol khai dê gơs bih khih bơs tur dê.

Đơs Crih 50:19

Mê lòi bơr mê đơs iơh dô bă khat gơboh, Lơmpiat mê ò rngòt đơs bơta blac pơrlồm.

Đơs Crih 52:3

Mê gơboh bơta iơh rlau mơ bơta niam, Kòñ đơs blac rlau mơ đơs jơnau song. (Selah)

Đơs Crih 64:3

Bol khai tồl lơmpiat bol khai dê be cau tồl đào, Pơmong jơnau sràt bơtang be ală kam,

Đơs Crih 7:14

Ne, kung be cau ùr bun bơta iơh, Cau iơh bơsak bun bơta tồi glài iơh bơsak, mơ deh bơta blac chừt.

Jơnau Pơnđik 12:5

Bơta kơlôi sơnơng cau song ring dê la di pal; Mơya bơta kơlôi bơyai cau iơh la ma blac.

Jơnau Pơnđik 4:16

Bơh dilah bol khai ò lơh tìs, gen ò rgơi bic; Dilah bol khai ò lơh dô nă cau in gơtup tìs, gen bơta bic mat kong tă tơlik bơh di bol khai.

Esai 5:18

Bòl glar ală cau in ai bơta ma blac lơh gơs kung be ală che nàng hwài bơta tồi glài mơ bol khai hwài tồi glài kung be hwài rơndeh;

Esai 57:10

Bol mê neh bòl glar bơh lòt gùng ngài, mơya bol mê neh ò đơs lah: “Hơ̆ la ò kwơ.” Bol mê neh bàn wơl bơta kơp kòñ bol mê dê, behơ̆ tàng bol mê rơp ò gơkòl lơbơn lơño.

Jeremi 12:13

Bol khai neh sih gar kòi mi mơ toès ală tòm lò, Bol khai kong bòl glar mơya ò dòp geh phan lơi. Bol mê rơp ƀàssìl bơh kơnhai toès bol khai dê, Bơh bơta gơhào gơjrañ dờng ngan Yàng Jehôwa dê!”

Jeremi 12:6

Să tòm oh mi mê mơ hìu bèp mê Ơm tòmdră mơ mê, Bol khai kung driau dờng sòdră đah ngkòi mê tai sơl. Bulah bol khai đơs ală jơnau niam, Mê kung bañ dòn bol khai!

Jeremi 13:23

Cau Ethiôpi rgơi tòmgơl gơltau, Hala klìu sơmañ rgơi tòmgơl sơnràng gơ dê sơl? Dilah rgơi gen bol ai la cau neh mòng lơh iơh rau, Kung rgơi lơh niam sơl.

Jeremi 4:22

“Bơh làng bol Añ jê tùl gơla, Bol khai ò đal git Añ. Bol khai la kòn sau bơrngơl gơla, Bol khai ò gơs bơta git wă, Bol khai chài rgơi lơh bơta iơh, Mơya ò git mbe lơi lơh bơta niam.”

Jeremi 51:58

Yàng Jehôwa Gơnap Gơnoar đơs be do: “Dơrñang theng Babilôn bulah kơ̆ cê ngan, Rơp kòl pơnring tus di ù, Mpồng gơ dê bulah jơnhoa ngan, Rơp kong ồs sa jơh, Behơ̆ gen, ală làng bol kong bòl glar mơ ò geh ñchi lơi, Ală lơgar lơh broă ồs in, mơ gơkòl lơgah lơgañ.”

Jeremi 51:64

mơ đơs tĕ lah: ‘Babilôn rơp gơkram behơ̆! Gơ rơp ò bơtào guh wơl, tài bơh bơta rung rài mơ Añ rơp tơndùh hơđang gơ.’” Jơnau Jeremi tus tềng do la jơh.

Jeremi 7:28

Mê pal yal bol khai in lah: ‘Do la làng bol ò iat jơnau Jehôwa Yàng Tom Trồ bol khai dê, mơ ò bài dòp bơta bơto pơnniam. Bơta song ngan neh roh rau, neh tă tơlik bơh bơr bol khai.

Jeremi 9:3

“Bol khai bơt lơmpiat bol khai be àtak, Bol khai hòn dờng tòm lơgar bơh bơta blac pơrlồm. Ò di bơh jơnau song; Bol khai ntoat tơngguh bơh bơta iơh do tus bơta iơh ndai, Mơ bol khai ò đal git Añ,” Yàng Jehôwa đơs behơ̆.

Jeremi 9:8

Lơmpiat bol khai la kam bih khih, Đơs tơlik jơnau blac chừt bơh bơr. Bol khai jơh tơl nă đơs jơnau niam mơ cau gơp ƀòn he, Mơya tòm nùs bol khai bơyai rcang pơt dô nơm dă.”

Ejekiel 24:12

Ngan bơta kơlôi rcang la ò kwơ; è sa lơut ngan ò rgơi tă, ơn tòm ồs bal mơ è sa gơ dê.

Mice 6:12

Ală cau pas gơs bol mê dê bềng bơta jàñ bơsak; làng bol bol mê dê la ală cau đơs blac, lơmpiat blac pơrlồm tòm ală bơr bol khai dê.

Mice 6:3

Ơ làng bol Añ jê, ñchi Añ neh lơh bol mê in taih? Ñchi bơta Añ neh lơh bòl glar bol mê in taih? Ho wơl tĕ Añ in!

Habakuk 2:13

Ò di la bơh Yàng Jehôwa Gơnap Gơnoar Dờng Làm Jơh neh lơh nền bơta bòl glar lơh broă làng bol dê mìng kung be lòng sing ồs, mơ ală lơgar kong bòl glar lơh broă ò kwơ ò ơ?

Malaci 2:10

Bol he jơh tơl nă ò di gơs dô nă Bèp ơ? Ò di dô nă Yàng Tom Trồ neh crơng gơs bol he ơ? Gen ñchi bơh tài bol he ò dòn song bal mơ gơp, lơh gơtup tìs di bơta ho bal mơ ală ồng pàng bol he dê taih?

Ephesô 4:25

Gen tàng, oh mi pal sang bơta ma blac, kòp nă pal đơs song mơ cau gơp ƀòn he, tài bơh bol he la pơnah să jan bal.

I Timôthe 4:2

bơh bơta ma blac cau đơs blac dê, ma blac cau gơs nùs tồr tul kră.

Ală Kwang Cahrña 2:10

Tơnơ̆ mơ tŭ jơh ală cau tòm rài hơ̆ neh chơt rê hơ ồng pàng bol khai dê rau; gen dô rài ndai geh tơngguh, bol khai ò git Yàng Jehôwa mơ kung ò git ală broă Kơnràñ neh lơh Israel in.