Jeremi 9:25 - Sră Goh 2018

²⁵ Yàng Jehôwa đơs: “Nền cê ngan, ngai rơp tus, tòm tŭ Añ rơp lơh glài kòp nă cau geh siat gơltau đah bơdìh:

Jeremi 9:25 Mawu Ofanana

Jeremi 25:23

Dedan, Thema, Bus, ală cau koah sŏ gùt dar bồ;

Jeremi 4:4

Ơ bol mê, la cau Juda mơ làng bol ơm tòm Jerusalem, Siat gơltau tĕ să tòm he Yàng Jehôwa in, Mơ siat gơltau nùs bol mê dê! Dilah ò behơ̆, bơta gơjrañ Añ rơp hơng kung be ồs, Chu pơrguc bol mê, mơ ò gơs cau lơi đơp chơt gơ ò, Tài bơh ală bơta iơh bol mê neh lơh.”

Jeremi 49:32

Ală làkđa bol khai rơp lơh gơs phan phà kup, Mpồl phan poan jơng bol khai rơp lơh gơs phan tòmpìt ai. Añ rơp lơh gơprah gơpring hơ ală jơng trồ Ală cau koah sŏ bìng liang; Añ rơp cèng bơta rung rài bơh làm bă tiah tus hơđang bol khai.” Yàng Jehôwa đơs behơ̆.

Ejekiel 28:10

Mê rơp chơt bơh tê cau lơgar bơdìh, be bơta chơt cau ò geh siat gơltau. Jehôwa Yàng Tom Trồ đơs lah: Añ neh đơs behơ̆.’”

Ejekiel 31:18

Chi lơi tòm ală chi tòm Eden la ndròm be mê tòm bơta gơklŏ mơ dờng ryŭ taih? Tŭ do, mê rơp kong cèng tơmù bal mơ ală chi Eden dê tus hơđơm plai ù; mê rơp bic digùl ală cau ò kong siat gơltau, bal mơ ală cau neh kong tơnchơt bơh đào. Hơ̆ la Pharaôn mơ jơh làng bol khai dê, Jehôwa Yàng Tom Trồ đơs behơ̆.”

Ejekiel 44:7

Tòm bơta bơtơl làng bol bơdìh ò siat gơltau tòm nùs mơ tòm poac să, neh gơs tòm tiah sàng goh Añ jê, lơh ƀơ̆ ƀơl hìu duh khoai Añ jê tòm tŭ bol mê ơn pơdơng, phan sa Añ in, dơngi mơ mhàm. Bol mê sang lòi bơta ho bal Añ jê bal mơ jơh ală broă cù kìr bol mê dê.

Lebi 19:27

Bañ koh sŏ di bàr đah bìng liang bol mê dê hala koh cồng sơnò tềp bol mê dê.

Lebi 26:41

la ală bơta neh lơh Añ in sòdră di bol khai tian gơs Añ neh sang lòi bol khai tòm lơgar ală cau sò tơm di bol khai, gen tòm tŭ bol khai tơnliah nùs ò siat gơltau bol khai dê mơ kong dòp bơta lơh glài,

Amôs 3:2

“Añ mìng git bol mê lơm bơh di jơh ală hìu nhă hơđang plai ù; behơ̆ tàng Añ rơp lơh glài bol mê bơh jơh ală bơta tồi glài bol mê dê.”

Rôma 2:28

Bơh cau lơi la cau Juda đah bơdìh, gen ò di la cau Juda ngan, ai bơta siat gơltau di poac să đah bơdìh, kung ò di la bơta siat gơltau ngan.

Rôma 2:29

Mìng cau Juda đah dơlam sồng la cau Juda ngan, bơta siat gơltau tòm nùs sồng la bơta siat gơltau ngan, ơm tòm hwềng nùs bơh Yàng Hwềng. Cau hơ̆ geh jòng ro ngan, ò di bơh kòn mơnus mơya bơh Yàng Tom Trồ.

I Samuel 14:6

Jônathan đơs mơ cau ling àñ phan tòmlơh khai dê lah: “Tus tĕ, bol he lòt hơ tiah ơm kơp gàr ală cau ò siat gơltau hơ̆ dê mơ lòi bol khai sền gŏ he. Digơlan Yàng Jehôwa rơp lơh broă ala bol he in. Ò gơs bơta lơi rgơi kơryan Yàng Jehôwa tòm bơta dong tă, bơh oă cau hala bơh dô êt cau.”

I Samuel 17:26

Gen Dabit lùp ală cau ơm rềp mơ khai lah: “Ñchi rơp lơh di cau rgơi tơnchơt cau Philistin do mơ tă sang bơta ƀàssìl bơh Israel? Cau Philistin ò siat gơltau do la ñcau mơ khin đơs pơrlòng ală mpồl ling Yàng Tom Trồ kis sùm sùm dê taih?”