Jeremi 9:24 - Sră Goh 2018

²⁴ Mơya cau lơi jòng să la jòng să tòm bơta do, hơ̆ la bol khai wă wơng mơ đal git Añ la Yàng Jehôwa, Añ lơh broă mơ bơta kòñ gơboh kơ̆ dơn, Song ngan, mơ song ring hơđang plai ù; Bơh Añ kòñ gơboh ală bơta hơ̆.” Yàng Jehôwa đơs behơ̆.

Jeremi 9:24 Mawu Ofanana

Đơs Crih 20:7

Cau do kơnòm di rơndeh, cau ndai kơnòm di ơseh; Mơya bol hi kơnòm di sơnđan Yàng Jehôwa, la Yàng Tom Trồ bol hi dê.

Đơs Crih 34:2

Hwềng soàn añ jòng să tòm Yàng Jehôwa; Lòi ală cau pơndêt să kơno mơ chò hòp.

Đơs Crih 34:3

Jòng ro duh khoai tĕ Yàng Jehôwa bal mơ añ, Bol he dô nùs bal tĕ yò tơngguh sơnđan Kơnràñ dê.

Đơs Crih 44:8

Bol hi neh jòng să he sùm tòm Yàng Tom Trồ, Mơ bol hi rơp ưnngài sơnđan Kơnràñ sùm sùm. (Selah)

Đơs Crih 44:9

Bulah behơ̆ Yàng neh sang bol hi, lòi bol hi kong ƀàssìl, Kơnràñ ò tai lik lòt bal mơ mpồl ling bol hi dê.

Đơs Crih 51:1

Ơ Yàng Tom Trồ, dan kòñ nđàc di añ jat nùs kòñ gơboh kơ̆ dơn Kơnràñ dê; Dan jùt jơh ală bơta tìs glài añ jê, jat bơta kòñ nđàc dờng ơnàng Yàng dê.

Đơs Crih 91:14

Yàng Tom Trồ đơs lah: “Tài bơh khai kòñ gơboh đềt mềr dê Añ, gen tàng Añ rơp dong tă khai; Añ rơp sền gàr khai bơh khai git sơnđan Añ.

Đơs Crih 99:4

Ơ Bơtau at bồ gơs gơnap gơnoar, la Bơtau kòñ gơboh di bơta song ngan, Kơnràñ neh bơtào kơ̆ bơta ring bal; Kơnràñ neh lơh jat bơta song ngan mơ bơta song ring tòm Jakôp.

Esai 20:5

Mơ bol khai rơp rngòt rngơt mơ roh gơn kơnòm tài bơh bol khai gơn kơnòm di Ethiôpi mơ jòng să bơh Ejiptơ.

Esai 41:16

Mê rơp tòmpơr gơ, càl rơp cèng pơrdô gơ, càl rbut dờng rơp rsìh bol gơ roh jơh. Mơya mê rơp hòn chò tòm Yàng Jehôwa, geh gơklŏ tòm Bơtau Sàng Goh Israel dê.

Esai 45:25

Mơya tòm Yàng Jehôwa, jơh ală kòn sau Israel dê rơp geh pha lin mơ gơklŏ.

Esai 61:8

Bơh Añ, Yàng Jehôwa, Añ kòñ gơboh bơta song ring, Añ gơjrañ di bơta ntung kơñau mơ lơh bơta tìs glài. Bơh bơta dòn song Añ jê, Añ rơp ai phan ƀàn bol khai in mơ bơt bơtào dô bơta ho bal gam sùm sùm mơ bol khai.

Jeremi 22:16

Khai neh cahrña song cau rƀah mơ cau siơ̆u siar in, Gen tàng gơlik niam khai in. Yàng Jehôwa đơs: ‘Behơ̆ ngan ò di la neh git Añ ò ơ?

Jeremi 4:2

Mơ dilah mê srat să ‘Kung be Yàng Jehôwa kis sùm!’ Tòm jơnau song, tòm bơta song ring, mơ song ngan, Gen ală lơgar rơp geh lơngai bơh Kơnràñ, Mơ bơh Kơnràñ bol khai jòng să.”

Mice 6:8

Ơ kòn mơnus, Kơnràñ neh yal mê in bơta lơi la niam; Bơta mơ Yàng Jehôwa jòi lùp mê. Hơ̆ ò di la lơh bơta song ring, gơboh bơta lơbơn niam, mơ cơnđoà lòt dô bă pơndêt să mơ Yàng Tom Trồ ò ơ?

Mice 7:18

Ñcau la Yàng Tom Trồ tòm toh be Kơnràñ, ò kòp tồi glài mơ toh bơta tìs nrah làng bol gam wơl la sre brê Kơnràñ. Kơnràñ ò prap bơta gơjrañ sùm sùm, tài bơh Kơnràñ niam nùs yal tơlik bơta kòñ nđàc.

Mathiơ 11:27

Bèp Añ neh jào jơh ală bơta Añ in; rlau mơ Bèp, ò gơs cau lơi git Kòn. Rlau mơ Kòn, cau lơi Kòn kòñ yal tơlik, kung ò gơs cau lơi git Bèp.

Luka 10:22

Bèp Añ jào jơh ală bơta Añ in; rlau mơ Bèp ò gơs cau lơi git Kòn la ñcau; rlau mơ Kòn mơ cau lơi Kòn kòñ yal tơlik gen kung ò gơs cau lơi git Bèp la ñcau sơl.”

Jang 17:3

Bơta kis gam sùm sùm la dòp git Bèp, la Yàng Tom Trồ song ngan mơ gơs mìng dô nă lơm, bal mơ Jesu Krist mơ Bèp neh sồr lòt tus.

Rôma 5:11

Ò di mìng behơ̆ lơm, mơya bol he kung hòn chò tòm Yàng Tom Trồ la bơh Yàng Jesu Krist bol he dê, bơh Kơnràñ mơ bol he gơlik gơs bơyô Yàng Tom Trồ dê.

I Kôrintô 1:31

Jat be jơnau Sră Goh neh cih lah: “Cau lơi jòng să, gen jòng să tĕ tòm Yàng.”

II Kôrintô 10:17

Mơya be jơnau Sră Goh neh đơs lah: “Behơ̆ cau lơi jòng să, gen jòng să tĕ bơh broă Yàng neh lơh.”

II Kôrintô 4:6

Bơh Yàng Tom Trồ la Bơtau neh đơs lah: “Bơta àng pal pơnđàng sòl tòm bơta klam jơngo,” kung neh pơnđàng sòl tòm nùs bol hi, nàng bơh bol hi mơ pơnđàng sòl bơta git wă bơh bơta gơklŏ Yàng Tom Trồ dê tòm muh mat Yàng Jesu Krist dê.

Galati 6:14

Đah mơ añ, ngan añ ò bài jòng să, mìng jòng să bơh chi pơng Yàng Jesu Krist bol he dê lơm; bơh chi pơng hơ̆, dunnia gơwèt mơ añ neh kòl pơng đìn, añ gơwèt mơ dunnia kung behơ̆ sơl!

Philip 3:3

Bơh să tòm bol he la cau kong siat gơltau ngan, la cau kơnòm di Yàng Hwềng Yàng Tom Trồ dê mơ duh khoai, jòng să tòm Yàng Krist Jesu, mơ ò dòn kơnòm dê poac să.

I Jang 5:20

Bol he git lah Kòn Yàng Tom Trồ dê neh lòt tus, Kơnràñ neh ai bơta git wă bol he in nàng bol he in dòp git Bơtau song ngan, mơ bol he ơm tòm Bơtau song ngan, la ơm tòm Yàng Jesu Krist, Kòn Kơnràñ dê. Hơ̆ la Yàng Tom Trồ Bơtau song ngan mơ la bơta kis gam sùm sùm.

I Samuel 15:22

Mơya Samuel đơs lah: “Yàng Jehôwa niam nùs di ală phan ơn chu pơrguc mơ ală phan ơn duh khoai kung be niam nùs di bơta lơh jat jơnau đơs Yàng Jehôwa dê sơl ơ? Bơta dòn bơr la niam rlau mơ phan ơn duh khoai, mơ bơta iat jơnau la niam rlau mơ dơngi ală belàt dam.