Jeremi 9:21 - Sră Goh 2018

²¹ Bơh bơta chơt neh tus di mpồng dềt bol he dê, gơ neh mut tòm ală gơlang bol he dê, Tơnchơt ală kòn dềt tòm ală gùng, Mơ cau pơnu ơruh digùl hìu drà.

Jeremi 9:21 Mawu Ofanana

II Yal Yau 36:17

Gen tàng Kơnràñ cèng bơtau Babilôn guh tòmdră mơ bol khai, khai ai đào sreh tơnchơt ală cau pơnu bol khai dê, tòm hìu sàng goh bol khai dê, mơ ò nđàc sơngit di cau pơnu hala cau ơruh, cau kra hala cau ryŭ ryơm; mơ Kơnràñ jào jơh ală phan hơ̆ tòm tê Nebukatnessar.

Esai 40:30

Bulah ơruh pơnu rơp bòl rơp glar, bulah ală klau pơnu rơp gơtup pừ.

Jeremi 15:7

Añ neh ai đồng nggum bol khai Di ală mpồng ƀòn dờng tòm lơgar do. Añ neh tă cèng bol khai mơ tơnroh làng bol Añ, bol khai neh ò pleh bơh gùng dà bol khai dê.

Jeremi 18:21

Behơ̆ gen, dan Kơnràñ phi tĕ ală kòn bol khai dê tòm bơta jơgloh rung, Sơrbì bol khai tòm gơnoar pềs tà dê. Lòi bau ùr bol khai dê roh kòn mơ gơlik gơs ùr bơnrau, Lòi bau klau bol khai dê kong chơt pluh, Ai ală cau klau pơnu bol khai dê kong sreh mơ đào tòm tiah tòmlơh.

Jeremi 44:7

Tŭ do Jehôwa, Yàng Tom Trồ Gơnap Gơnoar, Yàng Tom Trồ Israel dê, đơs be do: ‘Ñchi bơh tài bol mê lơh bơta iơh dờng behơ̆ tòmdră mơ bơta kis să tòm bol mê, tian gơs ală cau klau, cau ùr, cau kòn, kòn dềt gam pô, kong tơnroh bơh digùl Juda ò gam wơl dô êt lơi;

Jeremi 50:30

Gen tàng, ală cau pơnu gơ rơp gơplơ̆ hơđang ală jơnum gùng ƀòn, mơ tòm ngai hơ̆, ală cau ling gơ dê rơp gơkòl tơnroh,” Yàng Jehôwa đơs behơ̆.

Jeremi 6:11

Mơya Añ bềng bơta gơjrañ Yàng Jehôwa dê, Añ bòl glar bơh gơ ơm tòm Añ. “Tuh tơlik tĕ gơ hơđang ală kòn dềt tòm gùng, mơ hơđang ală cau pơnu tơrgòm bal di sơl; jơh bau klau mơ bau ùr rơp gơkòl kup cèng, cau kra mơ ală cau jòng sơnam.

Jeremi 6:21

Gen tàng Yàng Jehôwa đơs be do: “Ne, Añ rơp ơn di đap làng bol do; Pơnai lŭ gơtup pừ tòmdră lơh bol khai in gơtup pừ. Mè bèp mơ ală kòn dô bă bal; Cau gơp ƀòn mơ cau bơyô gen roh rui.”

Jeremi 7:33

Ală ƀồc làng bol do rơp lơh gơs phan sa ală sềm trồ mơ phan poan jơng tòm ù in, ò gơs cau lơi bơtrơh tơrngòt bol gơ.

Jeremi 8:2

Cau rơp pràng ală ntìng ƀồc hơ̆ hơđơm mattơngai, mat kơnhai, mơ ală sơmañ hơđang trồ, hơ̆ la ală phan mơ bol khai kòñ gơboh, duh broă; la phan bol khai lòt jat, jòi jat mơ duh khoai. Gơ rơp ò geh tơrgòm wơl hala tơp bồr, gơ rơp kung be è hơđang ù.

Jôel 2:9

Bol gơ brồ tus hơđang ƀòn dờng, ntoat hơđang ală dơrñang, bol gơhào mut tòm ală hìu, bol gơ mut bơh di mpồng dềt kung be ală cau kơñau.

Amôs 5:2

“Kòn ơruh Israel dê neh gơpừ, ò gơs tŭ lơi guh tai, gơkòl sang lòi tòm lơgar tòm khai dê, rơp ò gơs cau lơi yò khai guh.”

Amôs 6:9

Dilah tòm dô nơm hìu gam wơl jơt nă, gen bol khai kung rơp chơt jơh.

Sôphôni 1:17

Añ rơp cèng bơta rung rài hơđang kòn mơnus, bol khai rơp lòt kung be cau jơngo mat, tài bơh bol khai neh tìs glài tòmdră mơ Yàng Jehôwa. Mhàm bol khai rơp tuh tơlik kung be thul, mơ poac bol khai kung be è.