Jeremi 9:18 - Sră Goh 2018

¹⁸ Lòi bol khai mhar ñìm ƀồc bol he in, Nàng mat bol he gơhòr dà mat, Sơmbir mat bol he hòr bềng dà mat!

Jeremi 9:18 Mawu Ofanana

Đơs Crih 119:136

Añ hòr dà mat oă ngan, Tài bơh kòn mơnus ò bài prap gàr bơta boh lam Yàng dê.

Esai 22:4

Gen tàng añ đơs lah: “Pleh mat tĕ bơh añ, lòi añ ñìm rac ròc sràt bơtang. Bañ pơnđơl nàng pơndòm pơniang añ, tài bơh bơta tơnroh cau kòñ gơboh làng bol añ jê.”

Jeremi 13:17

Mơya dilah bol mê ò bài iat, Hwềng soàn añ rơp ñìm òm bơh bơta jòng să bol mê dê. Mat añ rơp ñìm rac sràt bơtang, mơ dà mat añ gơhòr sùm, Bơh mpồl belàt Yàng Jehôwa dê neh kong kup cèng gơs dĭ.

Jeremi 14:17

Mê yal tĕ bol khai in jơnau do: “Lòi mat añ gơhòr dà mat mang mơ ngai ò dơh; Bơh kòn ơruh làng bol añ jê kong pù lơh lề lac, Sồt rmàñ kơnjơ̆ ngan.

Jeremi 3:24

Mơya bơh tŭ bol hi gam kơnòm să, Rùp ràk ƀàssìl neh loan jơh ală phan mơna ồng pàng bol hi dê kong lơh broă bòl glar, Mpồl belàt, mpồl kơnrồ, Kòn klau, kòn ùr bol khai dê.

Jeremi 3:25

Lòi bol hi bic tòm bơta ƀàssìl bol hi dê, mơ lòi bơta bơrsèl tơnhial jơm bol hi! Bơh bol hi bal mơ ồng pàng bol hi dê Neh tìs glài mơ Jehôwa Yàng Tom Trồ bol hi dê, Bơh tŭ gam kơnòm jơl tus di ngai do; Bol hi ò lơh jat jơnau Jehôwa Yàng Tom Trồ bol hi dê.”

Jeremi 4:20

Bơta rung rài ting bàn bơta rung rài, jơh tòm lơgar kong srau gòi; Nisơna ală sàl añ jê neh kong tơnroh, Ală bài kơrnìng añ jê gơcrè tòm dô ơthoa lơm!

Jeremi 6:26

Ơ làng bol nđàc sơngit Añ jê, soh tĕ bài sơnò kiat, Mơ pơrlac să tòm bùh. Ñìm ƀồc tĕ kung be neh roh kòn dùl nă, Ñìm rac tĕ dô bă sràt bơtang; Bơh cau phà tơnroh nisơna, rơp tus hơđang bol he.

Jeremi 7:29

Siat tĕ sŏ mơ sơrbì gơ ngài; Ai sap ñìm rac hơđang ală dòr kơlờl! Bơh Yàng Jehôwa neh pơndang sang mơ sang lòi jơi bơtiàn do, La jơi bơtiàn neh bơrcek bơta gơjrañ Kơnràñ dê.’”

Jeremi 9:1

Ôih! Kơp kòñ bồ añ la dô nơm croh dà, Mat añ la dô nơm tồ dà cat dà mat! Nàng añ in ñìm sùm mang mơ ngai Bơh làng bol añ jê gơkòl tơnchơt.

Jeremi 9:10

Añ rơp ñìm rac pơt wòl bơh ală mơnơm, mơ ñìm rac ròc moat jrùng bơh ƀlàng ñhơt ƀlàng ngềt ngơt dê, Tài bơh gơ neh kong sang lòi srau gòi, tian gơs ò gơs cau lơi lòt gan, mơ ò gam kơno sap kơnrồ, Sềm trồ bal mơ phan poan jơng neh dô lik jơh.

Jeremi 9:20

Ơ ală cau ùr, iat tĕ jơnau Yàng Jehôwa, Lòi tĕ tồr bol ai dòp jơnau bơr Kơnràñ đơs. Bơto tĕ ală kòn ùr bol ai in dô bơta ñìm rac; Kòp nă bơto tĕ cau gơp ƀòn he rac ròc!

Ñìm Rac 1:2

Khai ñìm rac sràt bơtang tòm trồ mang, dà mat hòr hơđang tơrmồ khai dê. Digùl ală cau khai kòñ gơboh ò gơs cau lơi pơndòm pơniang khai. Jơh ală cau bơyô khai dê tòmdră wơl mơ khai, bol khai gơlik gơs ală cau sò tơm khai dê.

Ñìm Rac 2:11

Mat añ siar roh bơh hòr dà mat, klung añ gơ nggồr; Klung klòm añ gơtuh tơlik tòm ù, tài bơh bơta tơnroh làng bol añ jê. Ală cau kơnòm dềt mơ kòn se, bòl glar òsô tòm ală gùng tòm ƀòn dờng.

Ñìm Rac 2:13

Ñchi Añ rgơi đơs mơ ai taih? Ai bơta lơi nàng pơndròm mơ ai taih? Ơ kòn ùr Jerusalem? Añ ai ñchi nàng pơndròm mơ ai, nàng Añ pơndòm pơniang ai? Ơ kòn ơruh dềt Siôn dê? Bơta roh rui ai kung be dàlềng, Ñcau rgơi sơm ai in taih?

Ñìm Rac 2:18

Driau dờng tĕ tus hơ Yàng Jehôwa, Ơ dơrñang kòn ùr Siôn dê, lòi dà mat gơhòr be hiòng hòr pràn ngai mơ mang. Să tòm ai bañ ơm rlô; mat ai ò ơm dơh wơl.

Ñìm Rac 3:48

Mat añ gơhòr dà mat be hiòng, tài bơh bơta tơnroh làng bol añ jê.

Amôs 5:16

Gen tàng, Jehôwa, Yàng Tom Trồ Gơnap Gơnoar Dờng Làm Jơh đơs be do: “Rơp gơs jơnau ñìm rac tòm ƀlàng jơnum gùng ƀòn dờng, mơ jơnau driau moat jrùng tòm kòp nơm gùng. Bol khai rơp hòi ală cau lơh mìr sre ñìm ƀồc, mơ ală cau chài ñìm rac rơp pơt wòl.

Luka 19:41

Tòm tŭ Kơnràñ tus rềp, gŏ ƀòn dờng Jerusalem gen ñìm bơh gơ,