Jeremi 9:16 - Sră Goh 2018

¹⁶ Añ rơp rsìh bol khai digùl ală làng bol mơ bol khai mơ ồng pàng bol khai dê òhềt git; Añ rơp sồr đào ting jat, jơl tus di tŭ neh tơnroh jơh bol khai.”

Jeremi 9:16 Mawu Ofanana

Nehemi 1:8

Dan kah jơnau Kơnràñ neh sồr Môise, dĭ gơna Kơnràñ dê lah: ‘Dilah bol mê ò dòn song, gen Añ rơp rsìh bol mê digùl ală làng bol.

Đơs Crih 106:27

Lơh jơi bơtiàn bol khai dê gơprah gơpring digùl ală làng bol, Mơ lơh nrah nring bol khai tòm ală lơgar.

Cau Bơto 12:5

Cau rngòt rngơt tòm tŭ guh hơđang tiah jơnhoa, mơ kìr rngòt tòm tŭ lòt gùng; tŭ hơ̆ chi gus gơlik bơkào, srah nting cơnđòa lòt kơnjơ̆ kơnjut, mơ bơta kơp kòñ ò gam tai; Tài bơh jơh tơl nă cau pal lòt tus hơ hìu gam sùm sùm bol khai dê, ai ală cau ñìm ƀồc lòt gùt dar tòm gùng.

Jeremi 13:24

Behơ̆ gen Añ rơp rsìh bol ai be nsiap Kong càl tòm ƀlàng bràs khồm pơrdô thit.

Jeremi 24:10

Añ rơp sồr pềs tà, jơgloh rung, pluh plàng tus hơđang bol khai, jơl tus di tŭ bol khai kong tơnroh jơh hir bơh lơgar Añ neh ai bol khai in bal mơ ồng pàng bol khai dê.’”

Jeremi 25:27

“Mê pal đơs mơ bol khai lah: Yàng Jehôwa Gơnap Gơnoar, Yàng Tom Trồ Israel dê, đơs be do: ‘Ñô tĕ, bơñul tĕ, tuh hă tĕ, gơpừ tĕ, bañ guh tai, tài bơh pềs tà mơ Añ rơp sồr tus digùl bol mê!’

Jeremi 29:17

Behơ̆, do la jơnau Yàng Jehôwa Gơnap Gơnoar đơs: “Ngan, Añ rơp sồr pềs tà, jơgloh rung, mơ pluh plàng tus hơđang bol khai, rơp lơh bol khai in tòm toh be ală plai chi ƀal ồm, tian gơs cau ò rgơi sa.

Jeremi 44:27

Añ rơp drơng kơp nàng tơndùh bơta rung rài bol khai in mơ ò tơndùh bơta lơngai; kòp nă cau Juda ơm tòm lơgar Ejiptơ rơp kong tơnroh bơh pềs tà mơ jơgloh rung jơl tus neh tơnroh jơh.

Jeremi 7:29

Siat tĕ sŏ mơ sơrbì gơ ngài; Ai sap ñìm rac hơđang ală dòr kơlờl! Bơh Yàng Jehôwa neh pơndang sang mơ sang lòi jơi bơtiàn do, La jơi bơtiàn neh bơrcek bơta gơjrañ Kơnràñ dê.’”

Jeremi 8:19

Iat tĕ! Jơnau driau nggà làng bol nđàc sơngit añ jê, bơh ală tiah ngài ngan tòm lơgar, lah: “Yàng Jehôwa ò gam ơm tòm Siôn ơ? Bơtau khai dê ò gam ơm mơ khai ơ?” “Ñchi bơh tài bol khai bơrcek Añ gơjrañ, mơ rùp pac sềr bol khai dê Mơ rùp ràk làng bơdìh dê taih?”

Ejekiel 11:17

Behơ̆ gen, đơs tĕ lah: ‘Yàng Jehôwa đơs be do: Añ rơp pơjum bol mê wơl bơh digùl ală làng bol, Añ rơp cèng bol mê rê wơl bơh di ală lơgar mơ bol mê neh kong nrah nring, mơ Añ rơp ai wơl bol mê in lơgar Israel.

Ejekiel 12:15

Tòm tŭ Añ lơh gơprah bol khai digùl ală làng bol, mơ rsìh bol khai tòm ală lơgar, bol khai rơp git Añ la Yàng Jehôwa.

Ejekiel 14:17

Hala dilah Añ sồr đào tus hơđang lơgar, mơ đơs lah: ‘Lòi tĕ pềs đào lòt gan lơgar, mơ Añ tơnchơt ală kòn mơnus mơ ală phan poan jơng bol khai dê,’

Ejekiel 20:23

Añ kung neh pò tê srat să mơ bol khai tòm ƀlàng ngềt ngơt lah Añ rơp lơh bol khai in gơprah gơpring digùl ală làng bol mơ nrah nring tòm ală lơgar,

Ejekiel 27:2

“Ơ kòn mơnus, lơh tĕ dô bơta đơs crih pơt wòl bơh Tirơ.

Ejekiel 5:12

Dô pơnah pe làng bol mê dê rơp chơt pluh, hala roh rui bơh bơta jơgloh rung tòm mê; dô pơnah pe rơp pừ bơh đào gùt dar mê; mơ dô pơnah pe tai Añ rsìh tòm kòp nơm càl, mơ tă đào bơh sơmprồm ting jat bơh ngkòi.

Ejekiel 5:2

Tòm tŭ ală ngai gơrwàng gùt dar mê dê neh tơl, mê rơp chu dô pơnah pe sŏ hơ̆ tòm dơlam ƀòn dờng. Ai tĕ dô pơnah pe sŏ ndai mơ koh sreh gơ mơ đào gùt dar ƀòn. Lồc behơ̆, rsìh dô pơnah pe sŏ gam wơl tòm càl, mơ Añ rơp tă đào bơh đah ngkòi bol gơ.

Lebi 26:33

Añ rơp rsìh bol mê tòm gùl ală làng bol mơ Añ rơp tă đào ting jat bol mê. Lơgar bol mê dê rơp gơkòl sang lòi srau gòi, mơ ală ƀòn dờng bol mê dê rơp kong tơnroh.

Amôs 5:16

Gen tàng, Jehôwa, Yàng Tom Trồ Gơnap Gơnoar Dờng Làm Jơh đơs be do: “Rơp gơs jơnau ñìm rac tòm ƀlàng jơnum gùng ƀòn dờng, mơ jơnau driau moat jrùng tòm kòp nơm gùng. Bol khai rơp hòi ală cau lơh mìr sre ñìm ƀồc, mơ ală cau chài ñìm rac rơp pơt wòl.

Mice 2:4

Tòm ngai hơ̆, bol khai rơp ñŏ tơnhial di bol mê bơh dô jơnau đơs crih tòmdră mơ bol mê; mơ ñìm rac pơt wòl lah, Bol he kong tơnroh jơh hir; Yàng Jehôwa tòmgơl jơh sre brê làng bol añ jê, Kơnràñ tă ai gơ bơh di añ, Kơnràñ ai ù tiah he dê ală cau tòmdră in.”

Sacari 7:14

Mơ Añ neh rsìh bol khai bơh dô nơm càl wac brồng digùl ală lơgar mơ bol khai òhềt tŭ lơi git. Ù tiah bol khai lòi wơl rơp gơkòl sang lòi ngềt ngơt tian gơs ò gơs cau lơi rgơi lòt rê, mơ dô nơm lơgar niam mơnĕ neh gơlik gơs lơgar sang lòi ngềt ngơt.”

Yal Wơl 28:25

Yàng Jehôwa rơp lòi bol mê kong alah di đap ală cau sò tơm bol mê dê. Bol mê rơp bơh dô đah brồ lơh bol khai mơya rơp ntoat dô tòm poh đah, mơ bol mê rơp gơlik gơs dô nơm phan cù kìr di đap jơh ală lơgar hơđang ù.

Yal Wơl 28:36

Yàng Jehôwa rơp ting bơtrơh bol mê mơ cau bơtau mơ bol mê neh bơtào hơđang bol mê tus di dô nơm lơgar mơ bol mê bal mơ ală ồng pàng bol mê dê òhềt git. Tềng hơ̆ bol mê rơp duh khoai ală yàng ndai, la ală yàng mơ chi mơ lŭ.

Yal Wơl 28:64

Gen Yàng Jehôwa rơp rsìh bol mê digùl jơh ală làng bol, bơh jơng trồ do tus hơ jơng trồ ne. Tềng hơ̆ bol mê rơp duh khoai ală yàng ndai, la ală yàng mơ chi mơ lŭ mơ bol mê hala ală ồng pàng bol mê dê kung ò tŭ lơi git.

Yal Wơl 32:26

Añ neh đơs lah Añ rơp rsìh bol khai mơ jùt sang bơta kirsơnre bol khai dê bơh di jơi kòn mơnus,

Yal Wơl 4:27

Yàng Jehôwa rơp rsìh bol mê digùl ală làng bol, mơ mìng dô pơnah dềt tòm bol mê rơp gam kis digùl ală làng bol mơ Yàng Jehôwa rơp cèng bol mê tus.

Jakơ 1:1

Jakơ, dĭ gơna Yàng Tom Trồ mơ Yàng Jesu Krist dê, pơyoa jơnau còp să jơt bàr jơi bơtiàn ơm nrah nring làm bă tiah.