Jeremi 9:15 - Sră Goh 2018

¹⁵ Behơ̆ gen tàng, Yàng Jehôwa Gơnap Gơnoar, Yàng Tom Trồ Israel dê, đơs be do: “Añ rơp ai làng bol do sa chi bơtang, mơ hùc dà gơs bih khih.

Jeremi 9:15 Mawu Ofanana

Đơs Crih 60:3

Kơnràñ neh lơh làng bol Kơnràñ in kong bơta jê sồt bòl glar, Yàng ai bol hi ñô tơrnòm mơ lơh bol hi in bơñul.

Đơs Crih 69:21

Bol khai ai añ in phan bih khih lơh gơs phan sa, Mơ tòm tŭ añ tơhìr, bol khai ai añ in hùc dà sràt.

Đơs Crih 75:8

Bơh tòm tê Yàng Jehôwa gơs mơngàn tơrnòm gơlik kơmbuh, Tơrnòm hơ̆ neh crài ring, Kơnràñ êt hòr lik bơh gơ, mơ jơh ală cau iơh bơsak tòm ù rơp ñô tơrnòm hơ̆ tus di but mơngàn.

Đơs Crih 80:5

Yàng neh ròng siam bol khai mơ dà mat be piang lă, Mơ ai bol khai in hùc dà mat dô bă bềng tơl.

Esai 2:17

Bơta pơnhừ să kòn mơnus dê rơp kong tơmù, mơ bơta jòng să ală cau dê rơp kong tơnliah; lòi mìng Yàng Jehôwa lơm rơp geh yò tơngguh tòm ngai hơ̆.

Esai 2:22

Bañ kơnòm di kòn mơnus, la jơi mìng gơs nhơm tă tòm trồm muh; bol khai gơs bơta kwơ màng kàr lơi taih?

Jeremi 23:15

Gen tàng, Yàng Jehôwa Gơnap Gơnoar đơs bơh ală cau gơnoar hwơr be do: “Añ rơp ai bol khai in sa crìu bơtang Mơ hùc dà bih khih; Bơh ală cau gơnoar hwơr ơm tòm Jerusalem Neh rsìh bơta ò duh rngòt tòm làm jơh lơgar.”

Jeremi 24:10

Añ rơp sồr pềs tà, jơgloh rung, pluh plàng tus hơđang bol khai, jơl tus di tŭ bol khai kong tơnroh jơh hir bơh lơgar Añ neh ai bol khai in bal mơ ồng pàng bol khai dê.’”

Jeremi 25:15

Jehôwa Yàng Tom Trồ Israel dê neh đơs mơ añ be do: “Ai tĕ mơngàn tơrnòm bơta gơjrañ lik bơh tê Añ, mơ ală làng bol mơ Añ neh sồr mê tus pal ñô gơ.

Jeremi 44:27

Añ rơp drơng kơp nàng tơndùh bơta rung rài bol khai in mơ ò tơndùh bơta lơngai; kòp nă cau Juda ơm tòm lơgar Ejiptơ rơp kong tơnroh bơh pềs tà mơ jơgloh rung jơl tus neh tơnroh jơh.

Jeremi 49:37

Añ rơp lơh cau Elam in rngòt rngơt di đap cau sò tơm mơ cau jòi bơta kis bol khai.” Yàng Jehôwa đơs: “Añ rơp cèng bơta sơbơng roh, hơ̆ la bơta gơhào gơjrañ dờng Añ jê, tuh hơđang bol khai; mơ sồr đào jat bơh ngkòi, jơl tus di tŭ Añ tơnroh jơh bol khai.”

Jeremi 8:14

Ñchi bơh tài bol he gam nggui taih? Pơjum tĕ bal mơ gơp, bol he mut lă tòm ală ƀòn kơ̆ cê, mơ kong roh rui tềng hơ̆! Bơh Jehôwa Yàng Tom Trồ bol he dê neh lơh nền bol he in kong roh rui, neh ai bol he in hùc dà bih khih, Bơh bol he neh tìs glài tòmdră mơ Yàng Jehôwa.

Ñìm Rac 3:15

Kơnràñ neh tơmbềng añ mơ bơta sràt bơtang, Kơnràñ ai añ in sa hòm sơnơm bơtang.

Ñìm Rac 3:19

Bơta kơlôi sơnơng bơh bơta bòl glar jê sồt mơ ò gơs hìu ơm añ jê, la nha sơnơm bơtang mơ plai bơtang.

Ejekiel 5:12

Dô pơnah pe làng bol mê dê rơp chơt pluh, hala roh rui bơh bơta jơgloh rung tòm mê; dô pơnah pe rơp pừ bơh đào gùt dar mê; mơ dô pơnah pe tai Añ rsìh tòm kòp nơm càl, mơ tă đào bơh sơmprồm ting jat bơh ngkòi.

Ejekiel 5:2

Tòm tŭ ală ngai gơrwàng gùt dar mê dê neh tơl, mê rơp chu dô pơnah pe sŏ hơ̆ tòm dơlam ƀòn dờng. Ai tĕ dô pơnah pe sŏ ndai mơ koh sreh gơ mơ đào gùt dar ƀòn. Lồc behơ̆, rsìh dô pơnah pe sŏ gam wơl tòm càl, mơ Añ rơp tă đào bơh đah ngkòi bol gơ.

Yal Wơl 28:36

Yàng Jehôwa rơp ting bơtrơh bol mê mơ cau bơtau mơ bol mê neh bơtào hơđang bol mê tus di dô nơm lơgar mơ bol mê bal mơ ală ồng pàng bol mê dê òhềt git. Tềng hơ̆ bol mê rơp duh khoai ală yàng ndai, la ală yàng mơ chi mơ lŭ.

Yal Wơl 29:18

Lơh nền tĕ tòm ngai do lah ò gơs cau klau hala cau ùr, hìu nhă hala jơi bơtiàn lơi digùl bol mê tòmgơl nùs, sang lòi Jehôwa Yàng Tom Trồ bol mê dê mơ lòt duh khoai ală yàng làng bol hơ̆ dê. Lơh nền tĕ nàng digùl bol mê ò gơs ryas gơtơnggơs phan bih khih mơ plai bơtang.

Yal Tơlik 8:11

Sơmañ hơ̆ sơnđan la Chi Bơtang. Dô pơnah pe ală dà gơlik gơs bơtang, mơ gơs oă cau chơt tài bơh dà gơlik bơtang.