Jeremi 9:10 - Sră Goh 2018

¹⁰ Añ rơp ñìm rac pơt wòl bơh ală mơnơm, mơ ñìm rac ròc moat jrùng bơh ƀlàng ñhơt ƀlàng ngềt ngơt dê, Tài bơh gơ neh kong sang lòi srau gòi, tian gơs ò gơs cau lơi lòt gan, mơ ò gam kơno sap kơnrồ, Sềm trồ bal mơ phan poan jơng neh dô lik jơh.

Jeremi 9:10 Mawu Ofanana

Esai 41:15

Do, Añ rơp lơh mê in gơlik gơs phan pòng kòi, pa mơ sơmplàñ gơs oă sề. Mê rơp gì ală mơnơm mơ tơnlề gơ, lơh ală dòr gơlik gơs kung be nsiap kòi.

Esai 49:19

Bulah mê neh gơprah gơpring mơ kòl sang ngềt ngơt, mơ lơgar mê dê gơkòl lòi srau gòi, tŭ do mê rơp gơlik gơs hat hal làng bol mê in, mơ ală cau neh sa loan mê rơp ơm ngài bơh di mê.

Jeremi 12:10

Oă cau ê belàt neh tơnroh suơn ño Añ jê, Jă trơm pơnah sre brê Añ jê, Lơh pơnah ù tiah Añ kòñ gơboh Gơlik gơs dô bă tiah srau gòi ngềt ngơt.

Jeremi 12:11

Bol khai neh lơh gơ in gơlik tiah lòi srau, rhàng ngềt ngơt, Gơ pơt wòl di đap Añ. Jơh lơgar neh gơlik srau gòi, Mơya ò gơs cau lơi ơn nùs di gơ.

Jeremi 12:4

Nđò jŏ tòm lơgar kong moat jrùng, mơ ñhơt tòm ƀlàng sre ro jrùh taih? Tài bơh làng bol iơh bơsak ơm tềng hơ̆, Gen tàng ală jơi phan poan jơng mơ jơi sềm kòl pơs jơh. Bơh bol khai đơs lah: “Yàng Tom Trồ rơp ò gŏ gùng dà bol he lơh.”

Jeremi 14:6

Ală alàng brê ntào hơđang ală dòr kơlờl, Bol gơtă nhơm bòl kung be ală so rhau, mat bol gơ dê lu li Bơh ò gơs ñhơt.”

Jeremi 2:15

Ală klìu triă neh ơluh ơhùm tòmdră mơ khai, Bol gơ ơluh ơhùm dờng ngan, Mơ gơlơh ù tiah khai dê gơlik gơs ngềt ngơt. Ală ƀòn dờng khai gơkòl tơnroh gơprah, ò gơs cau ơm.

Jeremi 2:6

Bol khai ò tŭ lơi lùp: ‘Ntềng đah Yàng Jehôwa taih? La Bơtau neh cèng bol hi lik bơh lơgar Ejiptơ, Bơtau neh lam bol hi tòm ƀlàng ngềt ngơt, Tòm dô bă tiah ƀlàng bràs mơ ală trồm tơrluh, Tòm dô bă tiah ro rañ mơ klam jơngo cik, Tòm dô bă tiah ò gơs dô nă cau lơi lòt gan, tiah ò gơs dô nă cau lơi ơm?’

Jeremi 23:10

Tòm lơgar bềng lìu ală cau rềs àr bơrnàn; Tài bơh bơta srat sơntơm gen ù tiah gơlik moat jrùng; Ală ƀlàng ñhơt tòm ƀlàng ngềt ngơt ro rañ. Cau gơnoar hwơr lòt jat gùng iơh, ngui gơnoar bol khai tòm bơta ò song ring;

Jeremi 50:3

Bơh gơs dô làng bol tus bơh đah đang tòmdră mơ gơ, lơh lơgar gơ dê gơlik gơs ngềt ngơt, ò gơs làng bol ơm tai; cau mơ phan poan jơng rơp dô pleh jơh.”

Jeremi 7:29

Siat tĕ sŏ mơ sơrbì gơ ngài; Ai sap ñìm rac hơđang ală dòr kơlờl! Bơh Yàng Jehôwa neh pơndang sang mơ sang lòi jơi bơtiàn do, La jơi bơtiàn neh bơrcek bơta gơjrañ Kơnràñ dê.’”

Jeremi 8:18

Bơta hòn chò añ jê neh roh, bơta moat jrùng jê sồt ơm hơđang añ! Nùs añ kòp jê!

Ñìm Rac 1:16

Behơ̆ tàng añ ñìm rac; mat añ gơhòr dà mat; Bơh cau pơndòm pơniang neh ngài bơh añ, ò gơs cau lơi ai wơl bơta khin cha añ in. Kòn sau añ kong ơm is, bơh cau sò tơm neh pha rlau.

Ñìm Rac 2:11

Mat añ siar roh bơh hòr dà mat, klung añ gơ nggồr; Klung klòm añ gơtuh tơlik tòm ù, tài bơh bơta tơnroh làng bol añ jê. Ală cau kơnòm dềt mơ kòn se, bòl glar òsô tòm ală gùng tòm ƀòn dờng.

Ñìm Rac 5:18

Tài bơh mơnơm Siôn neh gơlik gơs tiah ngềt ngơt, so rhau lòt kơp mòc hơđang hơ̆.

Ejekiel 14:15

“Hala dilah Añ sồr phan poan jơng tòm brê tus tòm làm lơgar, nàng tơnroh lơgar, lơh gơ in gơlik gơs tiah srau gòi mơ ò gơs cau lơi lòt gan, tài bơh ală phan poan jơng,

Ejekiel 27:2

“Ơ kòn mơnus, lơh tĕ dô bơta đơs crih pơt wòl bơh Tirơ.

Ejekiel 29:11

Ò gơs mpàng jơng kòn mơnus hala mpàng jơng phan poan jơng dê rơp lòt gan gơ, ò gơs cau lơi rơp ơm tềng hơ̆ tòm poan jơt sơnam.

Ejekiel 33:28

Añ rơp lơh lơgar in gơlik tiah srau gòi, bơta pràn kơldang mơ bol khai jòng să rơp roh thit, mơ ală mơnơm Israel dê rơp gơlik gơs ngềt ngơt tian gơs ò gơs dô nă cau lơi lòt gan tềng hơ̆ tai.

Ejekiel 6:6

Bulah bol mê ơm tiah lơi, gen ală ƀòn dờng rơp kong sang lòi srau gòi, ală tiah jơnhoa rơp kong tơnroh, gen tàng ală cơnòng duh khoai bol mê dê rơp kong sang gòi mơ roh rui, ală rùp ràk bol mê dê rơp kong pòng bơcah mơ kong tơnroh, ală cơnòng chu kơlhô bol mê dê rơp kong pòng pă lề, mơ ală broă lơh bol mê rơp pơs tơlik jơh hir.

Sră Ôse 4:3

Behơ̆ tàng, lơgar rac ròc, làng bol chơt roh, ală phan poan jơng tòm brê mơ ală sềm hơđang trồ, bal mơ ală ka tòm dàlềng kung roh rui sơl.

Jôel 1:13

Ơ ală cau gơnoar ơn phan duh khoai, soh tĕ ào bài sơnò kiat mơ ñìm rac. Ơ bol mê la cau duh broă di đap cơnòng duh khoai, ñìm rac ròc tĕ. Ơ bol mê la cau duh broă di đap Yàng Tom Trồ añ jê, tus tĕ soh ào bài sơnò kiat mang àng, bơh phan ơn mơ kòi mbo bal mơ phan ơn ñô ò gam tai tòm hìu Yàng Tom Trồ bol mê dê.

Jôel 1:19

Ơ Yàng Jehôwa, añ hòi dan mơ Kơnràñ, bơh ồs neh sa jơh ală ƀlàng ñhơt tòm brê, lơmpiat ồs neh sa jơh ală chi che tòm ƀlàng.

Amôs 5:1

Ơ hìu Israel, iat tĕ jơnau do, la jơnau añ ñìm rac tài bơh bol mê:

Amôs 5:16

Gen tàng, Jehôwa, Yàng Tom Trồ Gơnap Gơnoar Dờng Làm Jơh đơs be do: “Rơp gơs jơnau ñìm rac tòm ƀlàng jơnum gùng ƀòn dờng, mơ jơnau driau moat jrùng tòm kòp nơm gùng. Bol khai rơp hòi ală cau lơh mìr sre ñìm ƀồc, mơ ală cau chài ñìm rac rơp pơt wòl.

Mice 2:4

Tòm ngai hơ̆, bol khai rơp ñŏ tơnhial di bol mê bơh dô jơnau đơs crih tòmdră mơ bol mê; mơ ñìm rac pơt wòl lah, Bol he kong tơnroh jơh hir; Yàng Jehôwa tòmgơl jơh sre brê làng bol añ jê, Kơnràñ tă ai gơ bơh di añ, Kơnràñ ai ù tiah he dê ală cau tòmdră in.”

Mice 3:12

Gen tàng, tài bơh bol mê Siôn rơp kong troă kung be ƀlàng sre; Jerusalem rơp gơlik gơs dô gơnru lề lac, mơ mơnơm hìu duh khoai dê rơp gơlik brê dơr.