Jeremi 8:8 - Sră Goh 2018

⁸ Mbe bol mê rgơi đơs lah: “Bol he la àng jak, mơ bơta boh lam Yàng Jehôwa ơm bal mơ bol hi,” Mơya, gai cih ma blac ală cau gơnoar cih dê Neh lơh bơta boh lam hơ̆ gơlik bơta đơs blac!

Jeremi 8:8 Mawu Ofanana

Sră Jop 11:12

Mơya dô nă cau bơrngơl gơla rơp gơs bơta git wă, tòm tŭ dô nơm alàng brê geh deh be kòn mơnus.

Sră Jop 12:20

Kơnràñ tă tơlik cau chài đơs la ală cau geh dòn kơnòm; Mơ tă tơlik bơta dòp git ală cau kwang kra dê.

Đơs Crih 147:19

Yàng yal loh jơnau Kơnràñ dê Jakôp in, Hơ̆ la ală bơta lơh nền mơ gơnoar sồr Israel in.

Jơnau Pơnđik 17:6

Sơgơn bơtau ồng kra dê, hơ̆ la kòn sau; Ai bơta gơklŏ kòn sau dê hơ̆ la ồng pàng.

Esai 43:27

Pàng yau sơnròp mê dê neh tìs glài, ală cau yal tơlik jơnau đơs mê dê neh sơrlèt rlau tòmdră wơl mơ Añ.

Jeremi 18:18

Gen bol khai đơs lah: “Tus tĕ, bol he bơtào tĕ kai nàng tòmdră mơ Jeremi; bơh cau gơnoar ơn phan duh khoai ò siơ̆u bơta boh lam, cau jak chài ò siơ̆u bơta cri bơyai, cau gơnoar hwơr ò siơ̆u jơnau đơs hwơr. Bol he tus tĕ, ai jơnau đơs bol he tòmdră mơ khai, bañ ơn tồr iat jơnau khai dô êt lơi.”

Jeremi 19:7

Tòm tiah do Añ rơp lơh roh bơta rơndap Juda dê mơ Jerusalem dê. Añ rơp lơh bol khai in gơpừ bơh đào di đap cau sò tơm, mơ bơh tê ală cau kòñ tơnroh bơta kis bol khai dê; Añ rơp phi ƀồc bol khai ală sềm trồ mơ jơi phan poan jơng tòm ù lơh gơs phan sa.

Jeremi 2:8

Ală cau gơnoar ơn phan duh khoai kung ò lùp: ‘Ntềng đah Yàng Jehôwa taih?’ Ală cau bơto bơta boh lam kung ò git Añ. Ală cau ê gàr neh pơrlơ̆ dră di Añ. Ală cau gơnoar hwơr ai sơnđan Baal mơ đơs hwơr, mơ lòt jat ală bơta ò gơs kwơ.”

Jeremi 4:22

“Bơh làng bol Añ jê tùl gơla, Bol khai ò đal git Añ. Bol khai la kòn sau bơrngơl gơla, Bol khai ò gơs bơta git wă, Bol khai chài rgơi lơh bơta iơh, Mơya ò git mbe lơi lơh bơta niam.”

Jeremi 48:14

Mbe bol mê rgơi đơs lah: ‘Bol hi la cau khin cha, la cau pràn kơldang tòm tiah tòmlơh’?

Sră Ôse 8:12

Bulah Añ neh cih khai in bơtơl oă bơta nting sồr Añ jê, mơya khai sền gơ kung be dô nơm phan crih mat.

Mathiơ 15:6

Behơ̆ bol mê neh lơh gơnoar sồr Yàng Tom Trồ dê gơlik ò kwơ tài bơh jơnau òs yau bol mê dê.

Jang 9:41

Yàng Jesu ho lah: “Dilah bol mê la cau jơngo, gen ò gơs tồi glài ò; mơya tài bơh bol mê đơs: ‘Bol hi gŏ,’ gen tàng tồi glài bol mê dê gam wơl.”

Rôma 1:22

Bol khai sơnđan is să he la jak chài, mơya gơlik gơs tùl gơla.