Jeremi 8:21 - Sră Goh 2018

²¹ Bơh bơta jê sồt làng bol añ jê, añ kung jê sồt; Añ moat jrùng jê sồt mơ rngòt rngơt sơmbat kup añ.

Jeremi 8:21 Mawu Ofanana

Nehemi 2:3

Gen añ đơs mơ bơtau lah: Dan bơtau in kis sùm sùm! Mbe rgơi muh mat añ ò moat jrùng, tòm tŭ ƀòn dờng la tiah gơs bơtô ƀồc ồng pàng añ ơm srau gòi mơ ală mpồng gơ dê neh kòl tơnroh bơh ồs taih?

Jeremi 14:17

Mê yal tĕ bol khai in jơnau do: “Lòi mat añ gơhòr dà mat mang mơ ngai ò dơh; Bơh kòn ơruh làng bol añ jê kong pù lơh lề lac, Sồt rmàñ kơnjơ̆ ngan.

Jeremi 14:2

Juda ơm moat jrùng jê sồt, Ală mpồng ƀòn khai dê lơbơn òsô, Bol khai nggui jê sồt tòm ù; mơ sap nggà ñìm Jerusalem dê nggồr.

Jeremi 17:16

Ai añ, añ ò sang gơnoar broă ê gàr tòm bơta duh broă Kơnràñ. Añ kung ò kơp gơn tơngai bòl glar, Kơnràñ ngan neh git. Jơnau lik bơh bơr añ jê.

Jeremi 4:19

Bơta jê sồt añ jê! Bơta jê sồt añ jê! Bơta jê sồt tơryoat añ; Plai nùs añ gơpiah pràn ngan. Añ ò rgơi ơm mŏ; Bơh añ neh kơno ntas kơlwòk, Jơnau yal tơnggit bơh bơta kơlìn tòmlơh.

Jeremi 8:20

“Kơnhai toès neh rlau, kơnhai prang neh lồi, Mơ bol hi òhềt geh dong klàs!”

Jeremi 9:1

Ôih! Kơp kòñ bồ añ la dô nơm croh dà, Mat añ la dô nơm tồ dà cat dà mat! Nàng añ in ñìm sùm mang mơ ngai Bơh làng bol añ jê gơkòl tơnchơt.

Ñìm Rac 3:1

Añ la cau neh gŏ bơta bòl glar jê sồt hơđơm gai bơta gơjrañ dờng Yàng Tom Trồ dê.

Jôel 2:6

Di đap bol gơ làng bol dơrcul rngòt, muh mat jơh kòp nă gơlik pàl.

Nahum 2:10

Gơ neh kong phà tơnroh, sang lòi ngềt ngơt, tơrlah tơrling! Ală plai nùs bòl glar mơ ală gơltang gơ ơrơm, jơh ală but wañ lơnggơh, jơh ală muh mat gơlik pàl.

Luka 19:41

Tòm tŭ Kơnràñ tus rềp, gŏ ƀòn dờng Jerusalem gen ñìm bơh gơ,