Jeremi 8:19 - Sră Goh 2018

¹⁹ Iat tĕ! Jơnau driau nggà làng bol nđàc sơngit añ jê, bơh ală tiah ngài ngan tòm lơgar, lah: “Yàng Jehôwa ò gam ơm tòm Siôn ơ? Bơtau khai dê ò gam ơm mơ khai ơ?” “Ñchi bơh tài bol khai bơrcek Añ gơjrañ, mơ rùp pac sềr bol khai dê Mơ rùp ràk làng bơdìh dê taih?”

Jeremi 8:19 Mawu Ofanana

Đơs Crih 135:21

Bơh Siôn jòng ro tĕ Yàng Jehôwa, La Bơtau ơm tòm Jerusalem! Jòng ro Yàng Jehôwa!

Đơs Crih 137:1

Bol hi ơm nggui di gah ală hiòng tòm lơgar Babilôn, Mơ ñìm tòm tŭ kah wơl Siôn.

Đơs Crih 146:10

Yàng Jehôwa rơp at bồ sùm sùm; Ơ Siôn, Yàng Tom Trồ mê dê la Bơtau jơl jơh ală rài. Jòng ro Yàng Jehôwa!

Đơs Crih 149:2

Lòi Israel in hòn chò di Bơtau crơng gơs khai, Lòi kòn sau Siôn dê chò hòp di Bơtau at bồ bol khai dê!

Đơs Crih 31:6

Kơnràñ gơjrañ kơuềng di ală cau sền rmê di ală rùp ràk roh lơm, Mơya añ dòn kơnòm dê Yàng Jehôwa.

Esai 1:4

Ơ hơh! Lơgar lơi gơs bềng tồi glài, làng bol àñ kơnjơ̆ bơta tồi glài iơh bơsak, jơi bơtiàn lơh bơta iơh bơsak, ală kòn sau gơlềng gơlàng ne! Bol khai neh sang lòi Yàng Jehôwa, sền òsơp di Bơtau Sàng Goh Israel dê, bol khai neh gơlik be cau crih mat ngan.

Esai 12:6

Ơ làng bol Siôn, hòi driau dờng tĕ mơ đơs chò hòn chò! Bơh Bơtau Sàng Goh Israel dê la dờng digùl bol mê.”

Esai 13:5

Bol khai tus bơh lơgar ngài, bơh tiah lồi plai ù mơ dut trồ dê, Yàng Jehôwa mơ ală phan tòmlơh, bơta gơjrañ dờng Kơnràñ dê, nàng tơnroh jơh plai ù.

Esai 33:22

Bơh Yàng Jehôwa la Bơtau cahrña bol he dê, Yàng Jehôwa la Bơtau bol he, Yàng Jehôwa la Bơtau at bồ bol he dê; Kơnràñ rơp dong klàs bol he!

Esai 39:3

Gen cau gơnoar hwơr Esai tus mơ bơtau Ejekia mơ lùp lah: “Ñchi jơnau ală cau hơ̆ đơs, mơ bol khai tus bơh lơi taih?” Ejekia ho lah: “Bol khai tus mơ añ bơh lơgar ngài, bol khai tus bơh lơgar Babilôn.”

Esai 52:1

Ơ Siôn, kah rngal tĕ, kah rngal tĕ, soh tĕ bơta pràn ai dê. Ơ Jerusalem la ƀòn dờng sàng goh, soh tĕ ồi ào hàng mơnĕ ai dê. Cau ò siat gơltau mơ cau ƀơ̆ ƀơl rơp ò mut tòm tiah ai dê tai.

Jeremi 10:15

Bol gơ ò kwơ, mìng la bơta blac pơrlồm; Tòm ngai lơh glài bol gơ rơp kong roh rui.

Jeremi 14:19

Ngan, Kơnràñ neh sang jơh Juda ơ? Nùs Kơnràñ neh gơjrañ mañ di Siôn ơ? Ñchi bơh tài Kơnràñ pù lơh bol hi, tian gơs ò sơm bol hi in taih? Bol hi kơp gơn bơta lơngai mơ geh bơta iơh; Kơp gơn tŭ tơngai sơmbòi, mơya tìp bơta rngòt rơm să.

Jeremi 14:9

Ñchi bơh tài Kơnràñ kung be cau lơh sơlồng sơlàng, kung be cau ling pràn kơldang, ò rgơi dong kòl taih? Mơya, ơ Yàng, Kơnràñ gam ơm digùl bol hi, Bol hi geh hòi bơh sơnđan Kơnràñ, Dan bañ sang lòi bol hi!

Jeremi 2:5

Yàng Jehôwa đơs be do: “Ồng pàng bol mê neh gŏ bơta lơi ò song ring tòm Añ, tàng neh lòt ngài bơh di Añ; Neh lòt jat bơta roh lơm, Mơ gơlik gơs ò kwơ să tòm bol khai in?

Jeremi 27:10

Bơh bol khai đơs hwơr ma blac, nàng bol mê kong cèng pơrdô ngài bơh lơgar he, Añ rơp bơtrơh tơlik bol mê, mơ bol mê kong tơnroh.

Jeremi 31:6

Rơp gơs dô ngai, tòm tŭ ală cau kơp gàr rơp hòi Hơđang ƀòn dờng kơh mơnơm Epraim lah: ‘Tus tĕ, bol he lòt tĕ hơđang mơnơm Siôn, Tus hơ Jehôwa Yàng Tom Trồ bol he dê!’”

Jeremi 32:30

Mơ tai, kòn sau Israel mơ kòn sau Juda, bơh tŭ gam kơnòm să, mìng lơh bơta iơh bơsak di đap Añ; bơh kòn sau Israel mìng ai broă lơh tê he mơ bơrcek Añ gơjrañ, Yàng Jehôwa đơs behơ̆.

Jeremi 7:19

Yàng Jehôwa đơs: “Añ la cau bol khai bơrcek di sơl? Hơ̆ ò di să tòm bol khai, cèng wơl bơta jê sồt bol khai in ò ơ?”

Jeremi 8:20

“Kơnhai toès neh rlau, kơnhai prang neh lồi, Mơ bol hi òhềt geh dong klàs!”

Jeremi 9:16

Añ rơp rsìh bol khai digùl ală làng bol mơ bol khai mơ ồng pàng bol khai dê òhềt git; Añ rơp sồr đào ting jat, jơl tus di tŭ neh tơnroh jơh bol khai.”

Ejekiel 48:35

Jơh gùt dar ƀòn dờng rơp la jơt phàm rbô tal. Mơ sơnđan ƀòn dờng bơh di tŭ hơ̆ rơp la: “YÀNG JEHÔWA ƠM TỀNG HƠ̆.”

Jôel 2:32

Gen cau lơi hòi dan di sơnđan Yàng Jehôwa rơp geh dong klàs; bơh hơđang mơnơm Siôn mơ tòm Jerusalem rơp gơs ală cau geh dong tă, jat be jơnau Yàng Jehôwa neh đơs: mơ digùl ală cau gam wơl, bol khai la ală cau rơp geh Yàng Jehôwa hòi.

Jôel 3:21

Añ rơp sal wơl mhàm bol khai dê, mơ Añ rơp ò jùt glài iơh bơsak bol khai dê. Bơh Yàng Jehôwa ơm sùm tòm Siôn!

Apdia 1:17

Mơya hơđang mơnơm Siôn rơp gơs ală cau geh klàs, mơ gơ rơp la sàng goh; mơ hìu Jakôp dê rơp dòp geh sre brê bơh ală cau neh tă ai gơ.

Mice 4:9

Tŭ do ñchi bơh tài mê driau dờng behơ̆ taih? Mê ngan ò gơs cau bơtau at bồ ơ? Ală cau bơyai broă mê dê neh chơt roh, bơta jê sồt gơrwàng mê kung be cau ùr jê deh sơl ơ?

Sôphôni 3:15

Yàng Jehôwa neh tă sang bơta cahrña tòmdră di ai, Kơnràñ neh pơrlac ngài ală cau sò tơm ai dê. Yàng Jehôwa, Bơtau Israel dê ơm digùl mơ ai, ai rơp ò tŭ lơi rngòt rngơt di bơta rung rài tai.

Sacari 2:9

tŭ do, sền tĕ Añ rơp pò tê tòmdră mơ bol khai tian gơs bol khai rơp kong phà tơnroh bơh ală cau dĭ bol khai dê. Gen bol mê rơp git lah Yàng Jehôwa Gơnap Gơnoar Dờng Làm Jơh neh sồr añ lòt tus.”

Broă 14:15

“Ơ ală oh mi, ñchi bơh tài lơh bơta hơ̆ taih? Bol hi la kòn mơnus kung be ală oh mi sơl, bol hi bơto yal Jơnau Niam ală oh mi in, nàng oh mi wèt sang ală yàng roh lơm ne, mơ rê wơl hơ Yàng Tom Trồ gam kis sùm, la Bơtau neh crơng gơs trồ tiah, dàlềng mơ ală phan tòm hơ̆.

Yal Wơl 31:17

Tòm ngai hơ̆ Añ rơp gơhào gơjrañ di bol khai. Añ rơp sang lòi bol khai mơ Añ rơp pồn mat Añ bơh di bol khai; mơ bol khai rơp gơlik gơs phan ƀuơn kòl tơnroh, mơ oă bơta rung rài bòl glar kalke rơp tus hơđang bol khai. Tòm ngai hơ̆ bol khai rơp đơs lah: ‘Ò di ală bơta rung rài bòl glar kalke tus hơđang bol hi la tài bơh Yàng Tom Trồ bol he dê ò ơm bal mơ bol he ò ơ?’

Yal Tơlik 2:1

“Cih tĕ cau gơnrơh Hìu Jum Goh Ephesô in lah: Do la ală jơnau đơs Bơtau at poh nơm sơmañ tòm tê ma mơ lòt digùl poh nơm jơng ồs đèng mơ màh