Jeremi 8:13 - Sră Goh 2018

¹³ Yàng Jehôwa đơs: “Tòm tŭ Añ kòñ tơrgòm bol khai wơl. Ò gam plai ño hơđang chi ño; Ò gam plai ƀal hơđang chi ƀal; Tian gơs ală nha kung rơp ro jrùh; Mơ ală bơta Añ neh ai bol khai in, rơp kòl tă tơlik jơh bơh bol khai!”

Jeremi 8:13 Mawu Ofanana

Esai 5:10

Dô nơm suơn ño jơt lồ, mìng pat geh dô thùng tơrnòm ño; dô ôme gar sih; mìng toès geh dô epha kòi.”

Jeremi 14:12

Bulah bol khai ơt sa, Añ rơp ò iat jơnau hòi dan bol khai dê; tŭ bol khai ơn phan ơn chu mơ phan ơn kòi mbo, Añ ò dòp bol khai sơl; mơya Añ rơp tơnroh bol khai mơ đào, jơgloh rung, mơ pluh plàng.”

Jeremi 14:15

Gen tàng, Yàng Jehôwa đơs be do bơh ală cau gơnoar hwơr ai sơnđan Añ mơ đơs hwơr, bulah Añ òhềt sồr, mơ bol khai đơs lah: “Đào tà mơ bơta jơgloh rung rơp ò tus hơđang tiah do.” Să tòm ală cau gơnoar hwơr hơ̆ rơp kong tơnroh bơh đào tà mơ bơta jơgloh rung.

Jeremi 17:8

Khai kung be chi tam di gah croh dà, Sro ryas jat gùng dà hòr; Gơ rơp ò rngòt tŭ bơta duh trơàl tus Mơ nha kư̆ tơlir niam sùm. Di sơnam prang jòng kung ò kơlôi rngòt, Kư̆ gơlik plai sùm ò dơh.

Jeremi 5:17

Bol khai rơp sa loan plai đo mơ ƀañ mê dê, Bol khai rơp sa kòn klau kòn ùr mê; Bol khai rơp sa mpồl belàt mơ mpồl kơnrồ mê, bol khai rơp sa chi ño mơ chi ƀal mê dê. Bol khai rơp ai đào tơnroh ală ƀòn dờng kơ̆ cê mê dê, la tiah mơ mê gơn kơnòm!”

Jeremi 7:20

Gen tàng Jehôwa Yàng Tom Trồ đơs be do: “Bơta gơjrañ mơ bơta gơhào gơjrañ dờng Añ jê rơp tuh hơđang lơgar do, hơđang jơi kòn mơnus mơ phan poan jơng, hơđang chi che tòm ƀlàng mơ plai bơkào ù tiah dê, gơ rơp chu pơrguc mơ ò tŭ lơi đơp chơt.”

Ejekiel 22:31

Gen tàng Añ tuh bơta gơjrañ dờng añ jê hơđang bol khai, ngui ồs bơta gơjrañ Añ jê nàng sa roh bol khai, tuh wơl hơđang bồ bol khai jơh ală bơta bol khai neh lơh, Jehôwa Yàng Tom Trồ đơs behơ̆.’”

Sră Ôse 2:12

Añ rơp tơnroh ală chi ño mơ chi ƀal khai dê, mơ khai đơs lah: ‘Ală chi do la jền tơngai mơ ală cau añ kòñ gơboh neh ai añ in.’ Añ rơp lơh ală chi hơ̆ gơlik be chi tòm dơr brê, mơ ală phan brê rơp sa loan gơ.

Jôel 1:7

Gơ neh sa tơrging ală tòm ño Añ jê, mơ koh rpot rpet ală chi ƀal Añ jê. Gơ neh klò kơmhò ală chi hơ̆ mơ sang sơrbì jơh, ală ntê gơ gơlik bò luh.

Lebi 26:20

Bơta pràn kơldang bol mê dê gơlik gơs ò kwơ tài bơh ù tiah rơp ò gơlik cồng nha gơ dê, ală chi tòm lơgar kung ò gơlik plai gơ dê.

Habakuk 3:17

Bulah chi ƀal rơp ò cat sơmbut mơ rơp ò gơs plai hơđang ntê ño; bulah chi ôlibe ò gơlik plai mơ ƀlàng sre ò tơnggơs phan sa; bulah ò gơs belàt tòm ƀlàng mơ ò gơs kơnrồ tòm wàng,

Sră Age 1:11

Añ neh sồr tus dô bơta ro rañ hơđang ală ƀlàng sre mơ hơđang ală mơnơm, hơđang kòi mbo, hơđang tơrnòm pa, hơđang mơñà mơ hơđang ală phan ù tiah tơnggơs, hơđang jơi kòn mơnus mơ hơđang jơi phan poan jơng, mơ hơđang ală broă bòl glar bol mê neh lơh.’”

Sră Age 2:17

‘Añ neh ngui bơta ro rañ, but bơsềt, mơ mìu piar nàng lơh glài jơh ală broă tê bol mê lơh, bulah behơ̆ bol mê ò rê wơl mơ Añ, Yàng Jehôwa đơs behơ̆.

Malaci 3:11

Añ rơp lah pơrhơng srah nting nàng gơ ò sa tơnroh ală plai đo bơh ù bol mê dê; mơ ală tòm ño tòm ală suơn bol mê dê rơp ò rung plai gơ dê lài mơ tŭ tus kơnhai pic plai,” Yàng Jehôwa Gơnap Gơnoar Dờng Làm Jơh đơs behơ̆.

Mathiơ 21:19

Kơnràñ gŏ dô tòm chi ƀal di gah gùng, lòt tus rềp mơya ò gŏ plai lơi, mìng nha lơm, gen Kơnràñ đơs mơ gơ lah: “Bơh do jơl hìng nau mê ò gơs tŭ lơi gơlik plai tai ò!” Tŭ hơ̆ chi ƀal ro mo.

Jakơ 1:11

Mattơngai lik, duh trơàl, gơlơh ñhơt ro, bơkào jrùh, bơta hàng mơnĕ gơ dê roh rui jơh. Cau pas gơs kung rơp ro jrùh tòm tŭ khai gam lơh lòt tòm rài kis khai dê behơ̆ sơl.