Jeremi 8:12 - Sră Goh 2018

¹² Bol khai neh lơh broă ƀàssìl ngan, bol khai tìs bơta cù kìr, mơya bol khai ò git ƀàssìl ƀàsso bol khai ò gơlơh dum mat sơl. Behơ̆ gen tàng, bol khai rơp gơpừ bal mơ ală cau gơtup pừ. Tus di ngai Añ lơh glài bol khai, bol khai rơp kong tuh tơlup.’” Yàng Jehôwa đơs behơ̆.

Jeremi 8:12 Mawu Ofanana

Sơnròp Gơlik Gơs 19:34

Ngai hìng bi đơs mơ oh lah: “Do, mang ti añ neh bic mơ bèp rau, mang do he tơñô tơrnòm bèp in tai, gen ai lòt bic tĕ bal mơ khai nàng lòi gơs sơntìl bèp dê.”

Đơs Crih 52:1

Ơ cau gơs gơnoar pràn, ñchi bơh tài mê jòng is să he tòm bơta lơh iơh gơwèt mơ cau duh rngòt di Yàng taih? Jơh ngai mho mê kơlôi rcang bơta tơnroh.

Đơs Crih 52:7

“Sền ne, la cau ò bài kơnòm di Yàng Tom Trồ lơh gơs tiah kìng crŭ khai dê, Mơya kơnòm di bơta pas gơs lìu làc khai dê, Kìng crŭ să he tòm bơta pas sơm khai dê!”

Esai 24:2

Tŭ hơ̆ jơh tơl nă cau rơp gơlik gơs ndròm bal, ală cau gơnoar ơn phan duh khoai kung be làng bol, cau klau tòm kung be cau klau duh broă, cau ùr tòm kung be cau ùr duh broă, cau tac kung be cau blơi, cau càn kung be cau ai càn, cau kòl dồs kung be cau tòm dồs.

Esai 3:9

Muh mat bol khai lơh cơng tòmdră wơl mơ bol khai; bol khai ràng tơlik tồi glài bol khai dê be Sôdôm neh lơh; bol khai ò rgơi pồn gơ. Bòl glar bol khai in! Bơh bol khai neh cèng bơta rung rài hơđang să tòm bol khai.

Jeremi 10:15

Bol gơ ò kwơ, mìng la bơta blac pơrlồm; Tòm ngai lơh glài bol gơ rơp kong roh rui.

Jeremi 14:15

Gen tàng, Yàng Jehôwa đơs be do bơh ală cau gơnoar hwơr ai sơnđan Añ mơ đơs hwơr, bulah Añ òhềt sồr, mơ bol khai đơs lah: “Đào tà mơ bơta jơgloh rung rơp ò tus hơđang tiah do.” Să tòm ală cau gơnoar hwơr hơ̆ rơp kong tơnroh bơh đào tà mơ bơta jơgloh rung.

Jeremi 23:12

Gen tàng gùng bol khai Rơp kung be tiah ntiar tòm klam jơngo, Rơp kong bơtrơh mơ gơtup gơpừ, Bơh Añ rơp tơndùh bơta rung rài hơđang bol khai, Di sơnam lơh glài bol khai dê.” Yàng Jehôwa đơs behơ̆.

Jeremi 3:3

Behơ̆ tàng mìu nhàc neh kòl krơ̆ wơl, mơ mìu bồ sơnam kung ò tus. Mơya mê gam pò bìng liang kung be cau ùr dri tơlàr; Ò git ƀàssìl.

Jeremi 44:10

Bol khai ò tơnliah să jơl tus ngai do, ò duh rngòt, ò lòt jat bơta boh lam gơnoar sồr Añ neh ơn di đap bol mê mơ ồng pàng bol mê dê.’

Jeremi 6:15

Bol khai lơh broă bềng bơta ƀàssìl, mơ tìs glài iơh rmơh; Mơya bol khai ò git ƀàssìl. Bol khai ò dum mat ƀàssìl dô êt lơi. Gen tàng bol khai rơp gơpừ digùl ală cau gơpừ. Di di tŭ Añ lơh glài bol khai, bol khai rơp kong tuh tơlup.” Yàng Jehôwa đơs behơ̆.

Jeremi 6:21

Gen tàng Yàng Jehôwa đơs be do: “Ne, Añ rơp ơn di đap làng bol do; Pơnai lŭ gơtup pừ tòmdră lơh bol khai in gơtup pừ. Mè bèp mơ ală kòn dô bă bal; Cau gơp ƀòn mơ cau bơyô gen roh rui.”

Ejekiel 23:18

Tòm tŭ khai lơh gơs ùr dri dô bă loh làng behơ̆ mơ ràng tơlik să kuh khai dê, añ kung pơrlac sang khai tòm bơta gơjrañ mañ kung be añ neh pơrlac sang bi ùr khai dê behơ̆ sơl.

Sră Ôse 5:9

Epraim rơp gơlik gơs tiah ngềt ngơt tòm ngai bơta lơh glài. Digùl ală jơi bơtiàn Israel dê, Añ yal tơnggit ală bơta rơp gơlik gơs nền cê ngan.

Sôphôni 3:5

Yàng Jehôwa ơm digùl gơ la song ring, Kơnràñ ò lơh bơta lơi tìs. Kòp àng drim Kơnràñ cahrña song ring Kơnràñ dê, kòp rìng àng kư̆ dòn song, mơya cau ò song ring ò git ƀàssìl.

Yal Wơl 32:35

Bơta sal tê gơrê mơ Añ, Añ rơp tơm wơl, bơh tŭ jơng bol khai rơp ntiar; tài bơh ngai rung rài bol khai dê neh tus rềp, mơ khà lơh nền rài kis bol khai dê neh tus mhar.”

Philip 3:19

Bơta lồi dut bol khai dê la bơta roh rui, yàng bol khai dê la kơndul, bơta gơklŏ bol khai dê hơ̆ la bơta ƀàssìl ƀàsso bol khai dê, bol khai mìng kơlôi bơh broă dunnia dê lơm.