Jeremi 7:6 - Sră Goh 2018

⁶ dilah bol mê ò rồn bơklơn cau nac crih, cau kòn đòi, cau ùr bơnrau, mơ ò lơh gơtuh mhàm ò gơs glài tòm tiah do; kung ò lòt jat ală yàng ndai lơh iơh is să he,

Jeremi 7:6 Mawu Ofanana

II Ală Bơtau 21:6

Chu kòn klau he tòm ồs nàng duh khoai, bơtê ngui crìu, sền dà; bơtào ală cau gru bơjơu. Khai lơh bơta iơh di đap Yàng Jehôwa oă ngan, bơrcek bơta gơjrañ Kơnràñ sùm.

II Ală Bơtau 24:4

mơ kung tài bơh mhàm ò gơs glài mơ khai neh lơh gơtuh; bơh khai neh lơh Jerusalem in bềng mhàm ò gơs glài, gen Yàng Jehôwa ò toh glài khai in.

Đơs Crih 106:38

Bol khai lơh gơhòr mhàm cau ò gơs glài, Hơ̆ la mhàm kòn klau kòn ùr bol khai dê Mơ bol khai lơh gơs phan ơn duh khoai rùp ràk lơgar Kanaan dê, Gen tàng lơgar gơlik ƀơ̆ ƀơl bơh mhàm hơ̆.

Jơnau Pơnđik 23:10

Bañ ntròn ală jrong tềl nhàr yau, bañ mut tòm ƀlàng sre cau kòn đòi dê;

Esai 59:7

Jơng bol khai ntoat mhar tus hơ bơta iơh bơsak, bol khai sơrbac sơrbang lơh gơhòr mhàm ò gơs glài; Ală bơta kơlôi sơnơng bol khai dê la ală bơta kơlôi sơnơng bơh bơta iơh bơsak, bơta tơnroh mơ bơta phà tơrlah ơm tòm gùng dà bol khai dê.

Jeremi 13:10

Làng bol iơh do ò bài iat jơnau Añ, cơnđòa jat bơta kơldang nùs bol khai dê, jat ală yàng ndai duh broă mơ duh khoai bol gơ, gen rơp gơlik kung be che but do ò gam niam dô êt lơi.”

Jeremi 19:4

Tài bơh làng bol neh sang lòi Añ, neh lơh ƀơ̆ ƀơl tiah do tòm tŭ bol khai ơn phan duh khoai yàng ndai in tềng hơ̆, mơ bol khai hala ồng pàng bol khai dê, hala ală bơtau Juda dê kung òhềt git, mơ tài bơh bol khai neh lơh gơtuh bềng mhàm ò gơs glài tềng do.

Jeremi 2:30

“Añ neh pù lơh kòn sau bol mê dê la ò kwơ; Bol khai ò bài dòp bơta bơto sồr. Đào bol mê neh tơnroh ală cau gơnoar hwơr, Be klìu triă phà tơnroh.

Jeremi 2:34

Di tiang ào mê dê sơl kung gŏ mhàm ală cau rƀah ò gơs glài, bulah bol mê ò kup bol khai tò ƀlong hìu cau, mơya la tài bơh ală bơta iơh hơ̆.

Jeremi 26:15

Mơya pal git nền la dilah oh mi tơnchơt añ, gen oh mi bal mơ ƀòn do mơ làng bol gơ rơp àñ mhàm ò gơs glài. Bơh Yàng Jehôwa ngan neh sồr añ tus mơ oh mi, sồr đơs ală jơnau do tòm tồr oh mi dê.”

Jeremi 26:23

cèng Uria bơh Ejiptơ rê wơl hơ bơtau Jehôyakim. Bơtau sồr ngui đào sreh tơnchơt khai mơ cơm ƀồc khai tòm bơtô ƀồc cau òs dê.

Jeremi 35:15

Añ kung neh sồr jơh ală dĭ gơna Añ jê, hơ̆ la ală cau gơnoar hwơr lòt tus đơs mơ bol mê: “Kòp nă tòm bol mê sang tĕ gùng iơh bơsak, mơ lơh niam wơl broă lơh bol mê dê. Bañ lòt jat nàng duh broă ală yàng ndai, gen bol mê rơp ơm tòm ù tiah mơ Añ neh ai bol mê mơ ồng pàng bol mê in.” Mơya bol mê ò ai tồr nàng iat, mơ ò bài dòn bơr Añ.

Jeremi 5:28

Bol khai lơmă mơ gơlik dờng. Bol khai git ò gơs lơh nền nhàr bơta iơh bol khai dê. Bol khai ò cahrña song ring gơrê mơ kòn đòi, nàng geh kwơ! Bol khai ò dong tò bơta song ring ală cau siơ̆u siar in.”

Jeremi 7:5

Bơh dilah bol mê rcang wơl gùng dà mơ broă lơh bol mê dê, dilah ngan bol mê lơh broă dô bă song ring bal mơ gơp,

Jeremi 7:9

Bol mê ngan ò di ntung kơñau, tơnchơt cau, tìs glài rềs àr bơrnàn, srat să blac, chu kơlhô Baal in, lòt jat yàng ndai, la yàng bol mi ò git.

Ñìm Rac 4:13

Hơ̆ la tài bơh tồi glài ală cau gơnoar hwơr khai dê, mơ bơta iơh bơsak ală cau gơnoar ơn phan duh khoai khai dê. Bol khai neh lơh gơtuh mhàm ală cau song ring digùl ƀòn dờng khai dê.

Ejekiel 18:6

Dilah khai ò sa phan duh khoai hơđang mơnơm hala wèt sền di ală rùp ràk hìu Israel dê. Khai ò lơh ƀơ̆ ƀơl bau ùr cau gơp ƀòn khai dê hala bic mơ dô nă cau ùr tòm tŭ gơs kơnhai.

Ejekiel 22:7

Digùl ai, cau neh sền òsơp di mè bèp, digùl ai cau neh rồn bơklơn cau lơgar ndai; digùl ai cau gơwèt ò niam mơ cau kòn đòi bal mơ cau ùr bơnrau.

Lebi 19:33

Tòm tŭ cau làng bơdìh ơm bal mơ bol mê tòm lơgar, bañ lơh iơh di khai.

Lebi 25:17

Bañ sa kơrlơm bơh di oh mi he mơya rngòt tĕ di Yàng Tom Trồ. Añ la Jehôwa Yàng Tom Trồ bol mê dê.

Malaci 3:5

Gen, Añ rơp tus rềp mơ bol mê nàng cahrña. Añ rơp sơrbac sơrbang lơh cơng tòmdră mơ ală cau gru jơnang, ală cau rềs àr dri tơlàr mơ ală cau srat să ma blac, tòmdră mơ ală cau sa kơñau jền tơngai cau lơh broă ơpah dê, rồn bơklơn ală cau ùr bơnrau mơ cau kòn đòi, ò lơh song ring gơwèt mơ cau ơm tòp, mơ ò duh rngòt di Añ,” Yàng Jehôwa Gơnap Gơnoar Dờng Làm Jơh đơs behơ̆.

Mathiơ 27:25

Jơh làng bol ho lah: “Dan mhàm Khai tuh hơđang bol hi mơ kòn sau bol hi dê!”

Mathiơ 27:4

mơ đơs lah: “Añ neh tìs glài bơh neh bơtào mhàm ò gơs glài.” Mơya bol khai đơs lah: “Broă hơ̆ gơs ñchi gơkwă mơ bol hi taih? Kong mê dê!”

Yal Wơl 11:28

bơta srat sơntơm dilah bol mê ò dòn bơr lơh jat ală jơnau gơnoar sồr Jehôwa Yàng Tom Trồ bol mê dê, mơ wèt ngkòi wơl bơh di gùng mơ añ sồr bol mê lòt jat tòm ngai do mơ lòt jat ală yàng ndai mơ bol mê òhềt git.

Yal Wơl 24:17

Bañ gơwèt ò song ring mơ cau làng bơdìh hala cau kòn đòi, hala ai ào jrùh cau ùr bơnrau dê nàng lơh gơs phan cơng tàng.

Yal Wơl 27:19

‘Pal srat sơntơm cau lơi ò lơh bơta song ring gơwèt hơ cau làng bơdìh, cau kòn đòi hala cau ùr bơnrau.’ Gen jơh làng bol rơp đơs lah: ‘Amen!’

Yal Wơl 8:19

Dilah tŭ lơi bol mê lòi hŭi Jehôwa Yàng Tom Trồ bol mê dê mơ lòt jat ală yàng ndai, duh khoai mơ tơmbic să di đap bol gơ, añ yal tơnggit kràñ cê mơ bol mê tòm ngai do lah bol mê ngan rơp kong tơnroh.

Jakơ 1:27

Bơta dòn jơnau song sàng goh ò ƀơ̆ ƀơl di đap Yàng Tom Trồ la Bèp, hơ̆ la còp ală cau kòn đòi mơ ală cau ùr bơnrau tòm bơta dồn sa rƀah bol khai dê, mơ kơrmap gàr să he klàs bơh bơta roh rui dunnia dê.