Jeremi 7:34 - Sră Goh 2018

³⁴ Mơ Añ rơp tơnlồi sap bơta chò hòp mơ bơta hòn chò, sap cau bơrtơu pa mơ ƀan pa tòm ală ƀòn dờng Juda dê mơ tòm ală gùng ƀòn dờng Jerusalem dê, bơh lơgar do rơp gơlik gơs tiah lòi srau gòi.”

Jeremi 7:34 Mawu Ofanana

Sră Jop 3:7

Ngan, lòi mang hơ̆ gơlik gơs be cau ùr kơnền, Bañ lòi jơnau driau chò geh kơno tòm mang hơ̆!

Đơs Crih 78:63

Ồs chu pơrguc ală cau pơnu bol khai dê, Ai ală cau ơruh bol khai dê ò gơs bơta đơs chò tòmbau.

Esai 1:7

Lơgar bol mê dê kong sang lòi ngềt ngơt, ală ƀòn dờng bol mê dê kong chu mơ ồs; di đap mat bol mê cau lơgar bơdìh tòmpìt ù tiah bol mê dê, gơkòl sang lòi ngềt ngơt be tòm tŭ ală cau làng bol bơdìh lơh gơprah gơpring.

Esai 3:26

Ală mpồng Siôn dê rơp ñìm rac mơ pơt wòl; Khai rơp be dô nă cau ùr nggui tòm ù ngềt ngơt.

Esai 6:11

Gen añ đơs lah: “Khoai Yàng Jehôwa, jơl tus di tŭ lơi taih?” Mơ Kơnràñ ho lah: “Jơl tus di tŭ ală ƀòn dờng sang srau gòi, ò gơs cau ơm, mơ ală hìu ò gơs cau ơm, mơ ù tiah gơlik ngềt ngơt;

Jeremi 16:9

Bơh Yàng Jehôwa Gơnap Gơnoar, Yàng Tom Trồ Israel dê, đơs be do: ‘Do, di đap bol mê, tòm rài bol mê, Añ rơp tă tơlik bơh lơgar do ală sap chò hòp mơ hòn chò, ò gam kơno sap cau bơrtơu mơ cau ƀan dê.’

Jeremi 22:6

Do la jơnau Yàng Jehôwa đơs bơh gơlang bơtau Juda dê: ‘Añ sền mê kung be Galaat, Kung be bồ mơnơm Liban, Mơya Añ srat să lah Añ rơp lơh mê in gơlik gơs ƀlàng bràs, gơlik gơs dô nơm ƀòn dờng ò gơs cau ơm.

Jeremi 25:10

Rlau mơ hơ̆, añ rơp tă bơh mpồl bol khai jơh sap driau chò mơ hòn chò, jơh sap bơrtơu pa mơ ƀan pa, jơh jơnau ntas mpal piah mơ bơta àng ồs đèng dê.

Jeremi 27:17

Bañ iat bol khai. Duh broă tĕ bơtau Babilôn, gen geh kis. Ñchi bơh tài lòi ƀòn do gơlik gơs tiah sang lòi ngềt ngơt?

Jeremi 33:10

Yàng Jehôwa đơs be do: ‘Tòm tiah do bol mê neh đơs: “Hơ̆ la dô bă tiah srau gòi; ò gam gơs cau ơm, kung ò gơs phan poan jơng;” tòm ală ƀòn cau Juda, mơ ală gùng ƀòn dờng Jerusalem dê, hơ̆ la ală tiah neh kong sang lòi ngềt ngơt, ò gơs cau ơm, ò gơs làng bol ơm, kung ò gơs phan poan jơng,

Jeremi 33:11

gen cau rơp kơno sap driau chò mơ hòn chò, sap cau bơrtơu pa mơ sap cau ƀan pa, sap ală cau đơs chò kung be bol khai cèng phan ơn pơdơng tòm hìu Yàng Jehôwa dê: “Ưnngài tĕ Yàng Jehôwa Gơnap Gơnoar, Bơh Yàng Jehôwa la niam, Bơta kòñ gơboh kơ̆ dơn Kơnràñ dê gam sùm sùm!” Bơh Añ rơp bơtào wơl lơgar do in be lài òr,’ Yàng Jehôwa đơs behơ̆.

Jeremi 4:26

Añ sền gŏ sre niam gơlik gơs ƀlàng ngềt ngơt, jơh ală ƀòn dờng gơ dê neh gơprah gơpring, di đap Yàng Jehôwa, bơh bơta gơhào gơjrañ dờng Kơnràñ dê.

Jeremi 4:27

Bơh Yàng Jehôwa đơs be do: “Jơh lơgar rơp kòl sang srau gòi, Mơya Añ ò tơnroh jơh.

Jeremi 44:6

Gen tàng bơta gơjrañ mơ bơta gơjrañ dờng Añ jê neh tuh tơlik kung be ồs chu ală ƀòn Juda dê mơ ală gùng ƀòn dờng Jerusalem dê; mơ bol gơ kong phà tơrlah ngềt ngơt jơl tus ngai do.

Ñìm Rac 5:14

Ală cau dờng cau kra ò gam nggui di mpồng ƀòn, Mpồl pơnu ò gam lơh kơñi đơs chò.

Ejekiel 26:13

Añ rơp lơh ngềt ngơt jơnau đơs chò mê dê, mơ cau rơp ò tai kơno ntas ală kơñi pĕ mê dê tai.

Ejekiel 7:11

Bơta jàñ bơsak neh hòn dờng mơ gơlik gơs gai lồng nàng lơh glài bơta iơh bơsak; ò gơs dô nă cau lơi tòm làng bol gam wơl, ò gam dô nă cau lơi tòm mpồl bol khai dê, ò gam phan mơna, ò gam phan lơi kas màng.

Sră Ôse 2:11

Añ rơp pơndut jơh ală bơta pơjum chò hòp khai dê, ală ngai pơjum sa kòp nam, ală ngai Dùl lik, ală ngai Saƀat, mơ jơh ală ngai pơjum sa ndai jat be neh lơh nền.

Sră Ôse 2:13

Añ rơp lơh glài khai bơh ală ngai mơ khai neh chu kơlhô ală rùp ràk Baal in, khai bơka să mơ bơno tồr bal mơ ală lŭ màng, khai lòt jat ală cau khai tòmtir, ai Añ gen khai neh lòi hŭi.” Yàng Jehôwa đơs behơ̆.

Lebi 26:33

Añ rơp rsìh bol mê tòm gùl ală làng bol mơ Añ rơp tă đào ting jat bol mê. Lơgar bol mê dê rơp gơkòl sang lòi srau gòi, mơ ală ƀòn dờng bol mê dê rơp kong tơnroh.

Mice 7:13

Mơya plai ù rơp gơlik gơs tiah sang lòi ngềt ngơt tài bơh ală cau ơm tòm hơ̆, mơ bơh cồng nha broă lơh bol khai dê.

Yal Tơlik 18:23

Bơta àng ồs đèng ò gơs tŭ lơi pơnđàng sòl tai di tiah ai dê; tềng hơ̆ ò gơs tŭ lơi kơno tai jơnau đơs cau bơrtơu mơ ƀan dê. Bơh ală cau neh kă bro di tiah ai dê la ală cau dờng ryŭ tòm ù; jơh ală làng bol neh kòl pơrlồm tài bơh bơta juh proh pơlìn ai dê.