Jeremi 7:33 - Sră Goh 2018

³³ Ală ƀồc làng bol do rơp lơh gơs phan sa ală sềm trồ mơ phan poan jơng tòm ù in, ò gơs cau lơi bơtrơh tơrngòt bol gơ.

Jeremi 7:33 Mawu Ofanana

Esai 18:6

Bol khai jơh tơl nă rơp kong sang lòi ală sềm sa poac tòm mơnơm, mơ ală jơi phan poan jơng tòm brê in; ală sềm rơp sa bol khai tòm jơh kơnhai prang, mơ ală jơi phan poan jơng tòm ù rơp sa bol khai tòm jơh kơnhai noat mrềt.”

Jeremi 12:9

Bơh sre brê Añ la be grơt jròk sa, gơs ală sềm sa poac gơrwàng gùt dar gơ ơ? Lòt tĕ pơjum ală jơi phan poan jơng wơl tòm brê, ai bol gơ in sa loan khai!

Jeremi 14:16

Ală cau mơ bol khai yal jơnau đơs hwơr hơ̆ in, bal mơ bau ùr, kòn klau, kòn ùr bol khai rơp gơkòl sơrbì tòm gùng ƀòn dờng Jerusalem dê kong đào tà mơ jơgloh rung. Tềng hơ̆ ò gơs cau lơi tơp bol khai, să tòm bol khai, ală bau ùr bol khai dê, ală kòn klau mơ ală kòn ùr bol khai dê. Añ rơp tuh bơta iơh bol khai dê hơđang bol khai!

Jeremi 15:3

Yàng Jehôwa đơs: “Añ rơp bơtào hơđang bol khai poan bơta rung rài: đào nàng tơnchơt, so nàng kap crè, sềm trồ mơ phan poan jơng hơđang ù nàng sa loan mơ tơnroh.

Jeremi 16:4

“Bol khai rơp kong pluh plàng mơ chơt; bol khai rơp ò gơs cau ñìm ƀồc mơ kung ò gơs cau tơp; ƀồc bol khai gam wơl kung be phan jă brê hơđang ù. Bol khai rơp kong tơnroh bơh pềs tà mơ jơgloh rung; ƀồc bol khai dê rơp lơh gơs phan sa sềm trồ mơ jơi phan poan jơng hơđang ù in.”

Jeremi 19:7

Tòm tiah do Añ rơp lơh roh bơta rơndap Juda dê mơ Jerusalem dê. Añ rơp lơh bol khai in gơpừ bơh đào di đap cau sò tơm, mơ bơh tê ală cau kòñ tơnroh bơta kis bol khai dê; Añ rơp phi ƀồc bol khai ală sềm trồ mơ jơi phan poan jơng tòm ù lơh gơs phan sa.

Jeremi 22:19

Khai rơp kong tơp kung be dô nơm alàng; Rơp kong hwài mơ sang tơlik bơh di mpồng Jerusalem dê.

Jeremi 25:33

Ală cau mơ Yàng Jehôwa neh tơnchơt tòm ngai hơ̆, rơp bềng hơđang ù bơh bồ tus di lồi plai ù; Bol khai rơp ò gơs cau ñìm, ò gơs cau tơrgòm, hala tơp, bol khai rơp gơlik gơs phan pơnđồm ù!

Jeremi 34:20

Añ rơp phi bol khai tòm tê cau sò tơm, cau kòñ lơh iơh di bơta kis bol khai; ƀồc chơt bol khai rơp lơh gơs phan sa sềm trồ mơ phan poan jơng tòm ù in.

Jeremi 9:21

Bơh bơta chơt neh tus di mpồng dềt bol he dê, gơ neh mut tòm ală gơlang bol he dê, Tơnchơt ală kòn dềt tòm ală gùng, Mơ cau pơnu ơruh digùl hìu drà.

Jeremi 9:22

Đơs tĕ: “Yàng Jehôwa đơs be do: ‘Ƀồc cau chơt rơp gơpừ Kung be phan pơnđồm tòm ƀlàng sre, Mơ be sơnđùng kòi neh rung bơh ngkòi cau toès; mơ ò gơs cau lơi dòñ bol gơ wơl!’”

Ejekiel 29:5

Añ rơp sơrbì mê tòm ƀlàng bràs, mê bal mơ jơh ală ka tòm ală hiòng dà mê dê. Mê rơp gơpừ hơđang ƀlàng dờng mơ rơp ò geh tơrgòm wơl hala dòñ wơl. Añ rơp lơh mê in gơlik gơs phan sa ală jơi phan poan jơng hơđang ù mơ jơi sềm par tòm pah gòi.

Ejekiel 39:4

Mê rơp gơpừ hơđang ală mơnơm Israel dê, mê bal mơ jơh ală mpồl ling mê dê, mơ jơh ală làng bol lòt jat mê tai sơl. Añ rơp phi mê lơh gơs phan sa jơh ală jơi sềm sa poac mơ jơi phan poan jơng tòm brê.

Yal Wơl 28:26

Ƀồc chơt bol mê dê rơp gơlik gơs phan sa jơh ală sềm in tòm pah gòi mơ ală phan poan jơng in tòm ù, mơ rơp ò gơs cau lơi ting bơtrơh bol gơ.

Yal Wơl 8:20

Kung be ală làng bol neh kong Yàng Jehôwa tơnroh di đap bol mê gen bol mê kung rơp kong tơnroh behơ̆ sơl bơh ò dòn bơr Jehôwa Yàng Tom Trồ bol mê dê.