Jeremi 7:28 - Sră Goh 2018

²⁸ Mê pal yal bol khai in lah: ‘Do la làng bol ò iat jơnau Jehôwa Yàng Tom Trồ bol khai dê, mơ ò bài dòp bơta bơto pơnniam. Bơta song ngan neh roh rau, neh tă tơlik bơh bơr bol khai.

Jeremi 7:28 Mawu Ofanana

Đơs Crih 12:2

Kòp nă đơs jơnau blac chừt bal mơ gơp; Bol khai ai sơndồi rơmhòc mơ bàr đah nùs bol khai đơs.

Đơs Crih 50:17

Bơh mê gơjrañ kơuềng di bơta lơh glài tơmàl, Ală jơnau đơs Añ jê mê sang lòi đah ngkòi mê dê.

Jơnau Pơnđik 1:7

Bơta duh rngòt di Yàng Jehôwa la sơntòm bơta jak chài; Ai ală cau bơrngơl gơla sền òsơp bơta jak chài mơ jơnau bơto sồr.

Esai 30:9

Bơh bol khai la dô nơm làng bol jak tòmdră, kòn sau ò gơs bơta dòn, kòn sau ò bài iat jơnau bơto sồr Yàng Jehôwa dê.

Jeremi 11:10

Bol khai wèt wơl hơ tồi glài iơh bơsak ồng pàng bol khai dê bơh yau òr, la ală cau neh ò bài iat jơnau Añ; bol khai neh lòt jat ală yàng ndai mơ duh broă bol gơ. Hìu Israel mơ hìu Juda neh sang lòi bơta ho bal mơ Añ neh bơt bơtào bal mơ ồng pàng bol khai dê.

Jeremi 17:23

Mơya, bol khai ò bài iat, ò bài ơn tồr kơno; bol khai kơldang ngko mơ ò bài iat Añ mơ ò bài dòp jơnau nting sồr.’

Jeremi 2:30

“Añ neh pù lơh kòn sau bol mê dê la ò kwơ; Bol khai ò bài dòp bơta bơto sồr. Đào bol mê neh tơnroh ală cau gơnoar hwơr, Be klìu triă phà tơnroh.

Jeremi 32:33

Bol khai ò wèt mat mơ Añ, mơya wèt ngkòi. Bulah Añ neh bơto sồr bol khai, guh gòñ mơ bơto tơngkah, mơya bol khai ò bài iat, ò dòp bơta bơto sồr.

Jeremi 5:1

Ntoat mơ lòt yơng tĕ làm ală gùng ƀòn dờng Jerusalem, Sền gùt dar mơ kah prap. Jòi tĕ tòm ală hìu dờng jơnum mơ sền, Dilah mê rgơi jòi bàn dô nă cau, lơh bơta song ring, jòi bơta song ngan, Gen Añ rơp toh glài Jerusalem in.

Jeremi 5:3

Ơ Yàng Jehôwa, mat Kơnràñ ò di wèt sền bơta song ngan ơ? Kơnràñ neh pù lơh bol khai, Mơya bol khai ò gŏ jê sồt, Kơnràñ lơh tơnroh bol khai, Mơya bol khai kung ò bài dòp bơta bơto sồr. Bol khai lơh muh mat bol khai kră rlau mơ lŭ, bol khai ò bài rê wơl.

Jeremi 6:17

Añ kung neh bơtào ală cau kơp gàr bol mê in; ‘Ai tĕ tồr iat ntas kơlwòk!’ Mơya bol khai đơs lah: ‘Bol hi rơp ò ai tồr iat!’

Jeremi 6:28

Bol khai jơh tơl nă kơldang bồ mơ pơrlơ̆ dră, Lòt làm bă tiah đơs iơh, Kră be kòng, be lòs, jơh tơl nă bol khai lơh ală broă roh gơprah lơm.

Jeremi 6:8

Ơ Jerusalem, dòp tĕ bơta bơto tơnggit, hala Añ rơp sang lòi ai tòm ngkòr ngkàc, Mơ lơh ai in gơlik gơs tiah rhàng srau, dô bă tiah ò gơs cau ơm.”

Sră Ôse 4:1

Ơ làng bol Israel, iat tĕ jơnau Yàng Jehôwa dê, bơh Yàng Jehôwa lơh nền glài làng bol tòm lơgar do, tài bơh tòm lơgar do ò gơs bơta dòn song, ò gơs bơta kòñ gơboh, kung ò gơs bơta git wă Yàng Tom Trồ tòm tiah do.

Sôphôni 3:2

Gơ neh ò iat sap đơs lơi, gơ neh ò dòp bơta lơh niam wơl. Gơ neh ò dòn kơnòm di Yàng Jehôwa, gơ neh ò tus rềp mơ Yàng Tom Trồ gơ dê.

Sôphôni 3:7

Añ neh đơs is lah: “Ngan ƀòn dờng rơp duh rngòt di Añ, mơ gơ rơp dòp bơta bơto lơh niam wơl, tiah gơ dê rơp ò kong tơnroh, gơ rơp ò roh jơh ală bơta Añ neh cèng tus hơđang gơ.” Mơya bol khai sơlo lin rlau tai lơh ală bơta iơh rmơh.