Jeremi 7:27 - Sră Goh 2018

²⁷ “Behơ̆ mê rơp đơs jơh ală jơnau do bol khai in, mơya bol khai rơp ò iat mê. Mê rơp hòi, mơ bol khai rơp ò ho wơl.

Jeremi 7:27 Mawu Ofanana

Esai 50:2

Ñchi bơh tài tòm tŭ Añ tus, ò gơs dô nă cau lơi taih? Ñchi bơh tài tòm tŭ Añ hòi, ò gơs dô nă cau lơi ho wơl taih? Tơwòr tê Añ la liah ngan tian gơs ò rgơi tơwài bol mê sơl ơ? Añ ò tơl pràn nàng dong tă bol mê sơl ơ? Mìng bơh dô jơnau lah pơrhơng mơ Añ neh lơh soat dàlềng, Añ lơh ală hiòng dà gơlik gơs ƀlàng bràs; ka tòm dà gơ dê chơt ồm bơh siơ̆u dà, mơ chơt tơhìr dà.

Esai 65:12

Añ rơp lơh nền bol mê pal kong pềs tà, mơ bol mê jơh tơl nă pal kun să di đap cau sreh tơnchơt cau; bơh Añ neh hòi mơya bol mê ò ho wơl, Añ neh đơs mơya bol mê ò iat. Bol mê neh lơh bơta iơh di đap mat Añ, mơ neh sac rwah bơta ò niam nùs Añ.”

Jeremi 1:19

Bol khai rơp tòmlơh mơ mê, mơya ò geh pha mơ mê; bơh Añ ơm bal mơ mê nàng dong tă mê, Yàng Jehôwa đơs behơ̆.”

Jeremi 1:7

Mơ Yàng Jehôwa đơs tai: “Bañ đơs: Añ la kơnòm dềt; Bơh mê rơp lòt tus hơ ală cau lơi Añ sồr mê lòt, Mơ rơp đơs ală jơnau Añ sồr mê đơs.

Jeremi 26:2

Yàng Jehôwa đơs be do: “Ntào tĕ tòm rơng hìu Yàng Jehôwa, mơ đơs ală jơnau Añ sồr mê đơs mơ ală cau tòm ală ƀòn Juda neh tus nàng duh khoai tòm hìu Yàng Jehôwa dê; bañ pơndut dô jơnau lơi.

Sacari 7:13

Be tòm tŭ Añ hòi, bol khai ò bài iat, mơ tòm tŭ bol khai hòi, Añ kung ò bài iat, Yàng Jehôwa Gơnap Gơnoar Dờng Làm Jơh đơs behơ̆.

Broă 20:27

Bơh añ bơto yal oh mi in git jơh nùs kòñ Yàng Tom Trồ dê ò prap lòi bơta lơi.