Jeremi 7:26 - Sră Goh 2018

²⁶ Mơya bol khai ò iat Añ, ò ơn tồr kơno, mơya lơh ngko bol khai kră kơldang. Bol khai lơh bơta iơh rmơh oă rlau mơ ồng pàng bol khai neh lơh.”

Jeremi 7:26 Mawu Ofanana

I Ală Bơtau 14:22

Cau Juda lơh bơta iơh di đap Yàng Jehôwa; bol khai bơrcek lơh Yàng Jehôwa in ƀoah pơrñat, bơh tồi glài bol khai neh tìs rlau mơ ală ồng pàng bol khai dê neh lơh.

I Ală Bơtau 14:9

mơya mê neh lơh bơta iơh rlau mơ ală cau lài mơ mê, mơ bơtào mê in ală yàng ndai mơ lơh rùp ràk pac sềr nàng bơrcek Añ gơjrañ, mơ tơlo Añ hơ đah ngkòi mê dê.

II Ală Bơtau 17:14

Mơya bol khai ò bài iat, bol khai kư̆ kơldang bồ, be ală ồng pàng bol khai dê ò dòn di Jehôwa Yàng Tom Trồ bol khai dê.

II Ală Bơtau 17:15

Bol khai sền òsơp ală bơta boh lam mơ bơta ho bal Kơnràñ neh bơtào mơ ồng pàng bol khai dê, mơ ală jơnau yal tơnggit mơ Kơnràñ neh ai bol khai in. Bol khai lòt jat ală rùp ràk ma blac, mơ bol khai gơlik gơs ma blac, bol khai đòm krơh ală làng bol ơm gùt dar, bơh ală làng bol hơ̆ mơ Yàng Jehôwa neh ai gơnoar sồr bol khai lah bañ đòm jat krơh bol khai dê.

II Yal Yau 30:8

Bañ lơh kơldang bồ kơldang ngko be ală ồng pàng bol mê dê, wèt tĕ să tòm bol mê hơ Yàng Jehôwa. Lòt tus tĕ hơ Tiah Sàng Goh mơ Kơnràñ neh ơn is sàng goh gam sùm sùm. Duh tĕ broă Jehôwa Yàng Tom Trồ bol mê dê, tồ bơta gơjrañ dờng Kơnràñ dê rơp pleh ngài bơh bol mê.

II Yal Yau 33:10

Yàng Jehôwa neh đơs mơ Manase mơ làng bol khai dê, mơya bol khai ò ơn tồr iat.

II Yal Yau 33:23

Mơya khai ò tơnliah să khai di đap Yàng Jehôwa kung be bèp khai neh lơh; mơya tòm bơta do Ammôn sơlo tìs glài bơtơl tai.

Nehemi 9:29

Kơnràñ kung neh pơrhơng nàng lam bol khai rê wơl hơ bơta boh lam Kơnràñ dê. Bulah behơ̆, bol khai neh lơh lòt dô bă pơnhừ să, ò lơh jat ală gơnoar sồr Kơnràñ dê, tìs glài mơ bơta sồr lam mơ dilah cau lơi lơh jat bơta hơ̆ gen khai geh kis. Bol khai kơldang nùs wèt ngkòi hơ Kơnràñ, kơldang bồ mơ ò bài dòn bơr.

Jơnau Pơnđik 29:1

Cau lơi kong lah pơrhơng sùm, gam kơldang bồ, rơp kong roh gơcoh nisơna, ò rgơi geh sơmbòi.

Esai 48:4

Bơh Añ neh git mê kơldang nùs la kàr lơi; mơ ară ngko mê dê la lòs, bìng liang mê dê la kòng.

Esai 5:4

Ñchi Añ rơp lơh tai suơn ño Añ in mơ Añ ò lơh gơ in taih? Tòm tŭ Añ kơp gơn plai ño niam, ñchi bơh tài gơlik plai ño brê behơ̆ taih?

Jeremi 11:8

Mơya bol khai ò dòn bơr, ò ơn tồr iat; mơ kòp nă kư̆ jat bơta kră kơldang nùs kòñ iơh he dê. Tài behơ̆ tàng Añ neh cèng hơđang bol khai jơh ală jơnau tòm bơta ho bal do dê, la bơta Añ neh nting sồr bol khai lơh jat mơya bol khai ò lơh jat.”

Jeremi 16:12

Ai bol mê lơh bơta iơh rlau mơ ồng pàng bol mê dê; mơ do, bol mê kòp nă lơh jat nùs iơh kră kơldang bol mê dê, ò bài iat Añ.

Jeremi 17:23

Mơya, bol khai ò bài iat, ò bài ơn tồr kơno; bol khai kơldang ngko mơ ò bài iat Añ mơ ò bài dòp jơnau nting sồr.’

Jeremi 19:15

“Yàng Jehôwa Gơnap Gơnoar, Yàng Tom Trồ Israel dê đơs be do: ‘Do, Añ rơp cèng bơta rung rài mơ Añ neh yal lài ƀòn dờng do in mơ ală ƀòn gơrê bal mơ gơ, bơh bol khai neh lơh ngko bol khai gơlik kơldang, ò bài iat ală jơnau Añ.’”

Jeremi 22:21

Añ neh đơs mơ mê tòm tŭ mê ơm tòm bơta bơtoah bơtoài; mơya mê đơs lah: ‘Añ ò bài iat.’ Do la gùng dà mê bơh tŭ kơnòm să, Mê neh ò dòn jơnau Añ.

Jeremi 25:3

“Neh bàr jơt pe nam, bơh nam dơ̆ jơt pe rài Jôsia, kòn klau Ammôn, bơtau Juda dê, jơl tus di ngai do jơnau Yàng Jehôwa dê neh đơs mơ añ. Añ neh ò dơh đơs mơ oh mi; mơya oh mi ò bài iat añ.

Jeremi 25:7

Yàng Jehôwa đơs: ‘Mơya bol mê ò iat Añ, mơ ai broă lơh bơh tê bol mê bơrcek Añ gơjrañ, mơ toès wơl bơta rung rài he in.’

Jeremi 26:5

Ò iat jơnau ală dĭ gơna Añ jê, la ală cau gơnoar hwơr Añ sồr tus mơ bol mê jal ngan, mơya bol mê ò bài iat bol khai,

Jeremi 29:19

Yàng Jehôwa đơs: “Hơ̆ la tài bơh bol khai ò iat jơnau Añ, tŭ Añ neh kong ơt mơ sồr dĭ gơna Añ, la ală cau gơnoar hwơr, ai jơnau hơ̆ lòt tus mơ bol khai; mơya bol mê ò bài iat,” Yàng Jehôwa đơs behơ̆.

Jeremi 3:13

‘Mìng mê pal dòp git tồi glài mê dê, Mê neh pơrlơ̆ dră mơ Jehôwa Yàng Tom Trồ mê dê; Mê neh lòt nrah nring digùl ală yàng ndai hơđơm kòp nơm chi tơlir, Mơ ò lơh jat jơnau Añ.’” Yàng Jehôwa đơs behơ̆.

Jeremi 32:23

Bol khai neh mut ai lơgar do lơh gơs sre brê, mơya bol khai ò dòn bơr Kơnràñ, ò lòt jat bơta boh lam Kơnràñ dê, ò lơh jat dô bơta lơi tòm ală bơta Kơnràñ neh nting sồr pal lơh jat. Tài behơ̆ tàng Kơnràñ neh dùh ală bơta rung rài do hơđang bol khai.

Jeremi 34:14

‘Tŭ neh jơh poh sơnam, tòm ală bol mê kòp nă pal hồ toh oh mi he, la cau Hebrơ, neh tac bol mê in mơ neh duh broă bol mê prau sơnam rau, mê pal hồ tơlik khai nàng geh khat gơboh.’ Mơya ồng pàng bol mê dê ò bài iat Añ, kung ò ơn tồr kơlôi sơnơng.

Jeremi 35:15

Añ kung neh sồr jơh ală dĭ gơna Añ jê, hơ̆ la ală cau gơnoar hwơr lòt tus đơs mơ bol mê: “Kòp nă tòm bol mê sang tĕ gùng iơh bơsak, mơ lơh niam wơl broă lơh bol mê dê. Bañ lòt jat nàng duh broă ală yàng ndai, gen bol mê rơp ơm tòm ù tiah mơ Añ neh ai bol mê mơ ồng pàng bol mê in.” Mơya bol mê ò ai tồr nàng iat, mơ ò bài dòn bơr Añ.

Jeremi 35:17

Gen tàng, Jehôwa Yàng Tom Trồ Gơnap Gơnoar, Yàng Tom Trồ Israel dê, đơs be do: ‘Do, Añ rơp dùh hơđang Juda mơ jơh làng bol Jerusalem in ală bơta rung rài mơ Añ neh yal lài tòmdră mơ bol khai; bơh Añ đơs mơ bol khai ò bài iat, Añ hòi mơ bol khai ò ho wơl.’”

Jeremi 44:16

“Bơh bơta ồng ai sơnđan Yàng Jehôwa đơs mơ bol hi, gen bol hi ò bài iat ò.

Jeremi 5:3

Ơ Yàng Jehôwa, mat Kơnràñ ò di wèt sền bơta song ngan ơ? Kơnràñ neh pù lơh bol khai, Mơya bol khai ò gŏ jê sồt, Kơnràñ lơh tơnroh bol khai, Mơya bol khai kung ò bài dòp bơta bơto sồr. Bol khai lơh muh mat bol khai kră rlau mơ lŭ, bol khai ò bài rê wơl.

Jeremi 6:10

Añ rơp đơs mơ ñcau, mơ sồr cau lơi kơrhia, Nàng bol khai rgơi kơno taih? Ne, tồr bol khai neh sềt, bol khai ò rgơi kơno. Jơnau Yàng Jehôwa dê gơwèt mơ bol khai be phan sền òsơp, Bol khai ò lơh niam nùs tòm gơ.

Jeremi 6:17

Añ kung neh bơtào ală cau kơp gàr bol mê in; ‘Ai tĕ tồr iat ntas kơlwòk!’ Mơya bol khai đơs lah: ‘Bol hi rơp ò ai tồr iat!’

Jeremi 7:24

Mơya bol khai ò dòn bơr, mơ ò ai tồr iat, kư̆ kơldang nùs tòm bơta iơh bơsak nùs kòñ bol khai dê, bol khai cơnđòa lòt tòm bơta kơlôi bơyai is bol khai dê, mơ tơnggòr hơ ngkòi, ò cơnđòa lòt hơđap.

Jeremi 9:13

Yàng Jehôwa đơs lah: “Hơ̆ la tài bơh bol khai sang lòi bơta boh lam Añ jê, mơ Añ neh ơn di đap bol khai; mơ neh ò dòn bơr Añ, mơ ò lơh lòt tòm toh.

Ejekiel 12:2

“Ơ kòn mơnus, mê ơm digùl dô nơm làng bol jak tòmdră. Bol khai gơs mat nàng sền mơya ò gŏ, gơs tồr nàng iat mơya ò kơno, bơh bol khai la dô nơm làng bol jak tòmdră.

Ejekiel 12:3

Behơ̆ gen, ơ kòn mơnus, mê rcang tĕ phan mơna ơn tòm kơldung nàng kong kup cèng mơ digùl ngai di đap bol khai, mê lik tĕ mơ lòt bơh di tiah mê ơm tus hơ dô bă tiah ndai di đap mat bol khai. Digơlan bol khai rơp git wă bulah bol khai la dô nơm làng bol jak tòmdră.

Ejekiel 20:30

“Behơ̆ gen, đơs tĕ mơ hìu Israel lah: ‘Jehôwa Yàng Tom Trồ đơs be do: Bol mê rơp lơh ƀơ̆ ƀơl is să tòm bol mê dê jat gùng ồng pàng bol mê neh lơh, mơ hàm kòñ ală rùp duh khoai cù kìr bol khai dê ơ?

Daniel 9:6

Bol hi neh ò iat jơnau ală cau duh broă Kơnràñ dê la ală cau gơnoar hwơr neh ai sơnđan Kơnràñ mơ đơs mơ ală cau bơtau, ală cau kwang at bồ, ală ồng pàng bol hi dê, bal mơ jơh làng bol tòm lơgar.

Sră Ôse 11:7

Làng bol Añ jê neh kun pơrlac ngài bơh Añ. Bulah bol khai hòi tus hơ Bơtau Hơđang Rlau Jơh; Mơya Kơnràñ kung ò yò bol khai guh.

Sacari 7:11

Mơya bol khai ò bài ơn nùs tồr, mơ wèt ngkòi kră kơldang, mơ sềt tồr ò bài iat.

Malaci 3:7

Bulah bơh di tŭ ală ngai ală ồng pàng bol mê dê tus di tŭ do, bol mê neh wèt sang ală bơta sồr lam Añ jê mơ ò prap gàr ală bơta hơ̆. Rê wơl tĕ mơ Añ gen Añ rơp rê wơl mơ bol mê,” Yàng Jehôwa Gơnap Gơnoar Dờng Làm Jơh đơs behơ̆. Mơya bol mê lùp lah: “Mbe bol hi rơp rê wơl taih?”

Mathiơ 21:38

Mơya dơ̆ bol lơh suơn gŏ kòn klau hơ̆ gen đơs bal lah: ‘Do la cau pơrdòn. Heh, tơnchơt tĕ khai mơ tòmpìt ai sre brê khai dê.’

Mathiơ 23:32

Gen lơh tĕ bềng lìu rnoas tồi glài ồng pàng bol mê dê.

Broă 7:51

Ơ ală cau kơldang bồ, nùs mơ tồr ò siat gơltau ne! Ală ồng tòmdră sùm mơ Yàng Hwềng Goh; ồng pàng ală ồng dê be lơi gen ală ồng kung behơ̆ sơl!

Rôma 2:5

Mơya nùs mê kră kơldang, ò bài gơjrañ sang glài, gen lơh is he in bơta gơhào gơjrañ tòm ngai gơjrañ dờng, tòm tŭ bơta cahrña song ring Yàng Tom Trồ dê geh ràng tơlik.

Yal Wơl 8:20

Kung be ală làng bol neh kong Yàng Jehôwa tơnroh di đap bol mê gen bol mê kung rơp kong tơnroh behơ̆ sơl bơh ò dòn bơr Jehôwa Yàng Tom Trồ bol mê dê.