Jeremi 7:25 - Sră Goh 2018

²⁵ Bơh ngai ồng pàng bol mê dê lik bơh lơgar Ejiptơ jơl tus di ngai do, Añ neh kong sồr ală cau duh broă Añ jê la ală cau gơnoar hwơr, lòt tus mơ bol khai; kòp ngai Añ guh gòñ sồr bol khai tus.

Jeremi 7:25 Mawu Ofanana

II Yal Yau 24:19

Bulah Yàng Jehôwa sồr ală cau gơnoar hwơr lòt tus hơ làng bol nàng cèng bol khai rê wơl hơ Kơnràñ, mơ bulah bol khai lơh cơng tòmdră mơ làng bol, mơya làng bol ò bài iat.

II Yal Yau 36:15

Jehôwa Yàng Tom Trồ ală ồng pàng bol khai dê neh kong ơt di bol khai mơ kơnòm di ală cau kong sồr Kơnràñ dê, tài bơh Kơnràñ kòñ nđàc hơđang làng bol Kơnràñ dê, mơ hơđang tiah ơm sùm Kơnràñ dê.

Ejra 9:7

Bơh tòm ală ngai ồng pàng bol hi dê jơl tus di ngai do, bol hi neh ndơp tòm bơta tồi glài, mơ bơh ală bơta tồi glài bol hi, mơ ală cau bơtau, mơ ală cau gơnoar ơn phan duh khoai bol hi dê neh kong jào ală bơtau tòm lơgar in, tơnroh mơ đào mơ kong kup cèng, kong cau phà kơñau mơ kong ƀàssìl be neh gơs ngai do.

Nehemi 9:26

Bulah behơ̆, bol khai ò dòn bơr, sòdră di Kơnràñ, sang lòi bơta boh lam Kơnràñ dê, tơnchơt ală cau gơnoar hwơr Kơnràñ dê, la ală cau neh yal tơnggit bol khai in, nàng lam bol khai rê wơl hơ Kơnràñ. Bol khai neh lơh oă bơta tràl sơrbil.

Nehemi 9:30

Kơnràñ kong bol khai tòm oă nam, mơ hwềng Kơnràñ dê ơm hơđang ală cau gơnoar hwơr nàng lah pơrhơng bol khai; mơya bol khai ò bài wèt tồr iat. Gen tàng Kơnràñ neh jào bol khai tòm tê ală làng bol gùt dar dê.

Esai 5:4

Ñchi Añ rơp lơh tai suơn ño Añ in mơ Añ ò lơh gơ in taih? Tòm tŭ Añ kơp gơn plai ño niam, ñchi bơh tài gơlik plai ño brê behơ̆ taih?

Jeremi 11:7

Añ neh kràñ cê bơto tơngkah ồng pàng bol mê, tòm tŭ Añ cèng bol khai lik bơh lơgar Ejiptơ jơl tus ngai do. Añ neh kơ̆ nùs bơto tơngkah bol khai lah: ‘Lơh jat tĕ jơnau Añ!’

Jeremi 25:3

“Neh bàr jơt pe nam, bơh nam dơ̆ jơt pe rài Jôsia, kòn klau Ammôn, bơtau Juda dê, jơl tus di ngai do jơnau Yàng Jehôwa dê neh đơs mơ añ. Añ neh ò dơh đơs mơ oh mi; mơya oh mi ò bài iat añ.

Jeremi 25:4

Yàng Jehôwa neh kong ơt sồr ală dĭ gơna Kơnràñ, la ală cau gơnoar hwơr, mơya oh mi ò bài iat jơnau, ò ơn tồr iat.

Jeremi 29:19

Yàng Jehôwa đơs: “Hơ̆ la tài bơh bol khai ò iat jơnau Añ, tŭ Añ neh kong ơt mơ sồr dĭ gơna Añ, la ală cau gơnoar hwơr, ai jơnau hơ̆ lòt tus mơ bol khai; mơya bol mê ò bài iat,” Yàng Jehôwa đơs behơ̆.

Jeremi 35:14

Jơnau Jônadap, kòn klau Rekap, neh bơto sồr kòn sau khai lah bañ ñô tơrnòm, gen gơlik gơs di ngan; bol khai ò ñô tơrnòm jơl tus di ngai do, bơh neh dòn jat gơnoar sồr pàng he dê. Ai Añ, neh kong ơt đơs mơ bol mê, mơ bol mê ò bài iat Añ.

Jeremi 35:15

Añ kung neh sồr jơh ală dĭ gơna Añ jê, hơ̆ la ală cau gơnoar hwơr lòt tus đơs mơ bol mê: “Kòp nă tòm bol mê sang tĕ gùng iơh bơsak, mơ lơh niam wơl broă lơh bol mê dê. Bañ lòt jat nàng duh broă ală yàng ndai, gen bol mê rơp ơm tòm ù tiah mơ Añ neh ai bol mê mơ ồng pàng bol mê in.” Mơya bol mê ò ai tồr nàng iat, mơ ò bài dòn bơr Añ.

Jeremi 44:4

Ngan, Añ neh ơt ơl sồr ală dĭ gơna Añ la ală cau gơnoar hwơr, lòt tus mơ bol mê mơ đơs lah: ‘Bañ lơh bơta cù kìr mơ Añ gơjrañ hơ̆.’

Jeremi 7:13

Yàng Jehôwa đơs: ‘Mơ tŭ do, bơh bol mê neh lơh ală broă hơ̆, Añ neh guh gòñ bơh àng drim bơto sồr bol mê, mơya bol mê ò iat; mơ tòm tŭ Añ hòi bol mê, mơya bol mê ò ho wơl,

Ejekiel 2:3

Kơnràñ đơs lah: “Ơ kòn mơnus, Añ sồr mê lòt tus hơ làng bol Israel, tus hơ dô nơm làng bol jak tòmdră neh tòmdră di Añ; bol khai bal mơ ồng pàng bol khai dê neh tìs glài tòmdră mơ Añ jơl tus ngai do.

Sră Ôse 11:7

Làng bol Añ jê neh kun pơrlac ngài bơh Añ. Bulah bol khai hòi tus hơ Bơtau Hơđang Rlau Jơh; Mơya Kơnràñ kung ò yò bol khai guh.

Sră Ôse 12:10

Añ la Jehôwa Yàng Tom Trồ mê dê, la Bơtau neh cèng mê lik bơh lơgar Ejiptơ; Añ rơp lơh mê in ơm tai tòm ală sàl, kung be tòm ală ngai pơjum sa neh geh lơh nền.

Amôs 2:11

Añ kung neh tơngguh ală kòn sau bol mê dê gơlik gơs ală cau gơnoar hwơr, mơ ală cau pơnu bol mê dê gơlik gơs cau Nasire. Ò di ngan behơ̆ ò ơ, ơ làng bol Israel?” Yàng Jehôwa đơs behơ̆.

Malaci 3:7

Bulah bơh di tŭ ală ngai ală ồng pàng bol mê dê tus di tŭ do, bol mê neh wèt sang ală bơta sồr lam Añ jê mơ ò prap gàr ală bơta hơ̆. Rê wơl tĕ mơ Añ gen Añ rơp rê wơl mơ bol mê,” Yàng Jehôwa Gơnap Gơnoar Dờng Làm Jơh đơs behơ̆. Mơya bol mê lùp lah: “Mbe bol hi rơp rê wơl taih?”

Luka 11:49

Gen tàng bơta jak chài Yàng Tom Trồ dê kung neh đơs lah: ‘Añ rơp sồr ală cau gơnoar hwơr mơ ală cau gơnoar bơto dờng lòt tus hơ bol khai; bol khai rơp tơnchơt cau do, kup kơryan cau ne.’

Yal Wơl 9:7

Kah tĕ bơta do mơ bañ gơs tŭ lơi hŭi mbe bol mê neh bơrcek Jehôwa Yàng Tom Trồ bol mê dê gơhào gơjrañ tòm ƀlàng ngềt ngơt. Bơh di ngai bol mê lik bơh Ejiptơ jơl tus di tŭ bol mê tus hơ tiah do, bol mê kư̆ bơtào tòmdră mơ Yàng Jehôwa sùm.