Jeremi 7:23 - Sră Goh 2018

²³ Mơya, gơnoar sồr do Añ neh ai bol khai: ‘Iat tĕ jơnau Añ, gen Añ rơp lơh gơs Yàng Tom Trồ bol mê dê, bol mê rơp lơh gơs làng bol Añ jê; mìng lòt tĕ tòm gùng dà Añ neh sồr bol mê, nàng bol mê in geh lơngai lơngò.’

Jeremi 7:23 Mawu Ofanana

Sră Jop 36:11

Dilah bol khai iat mơ duh broă Kơnràñ, Gen bol khai dòp wil tơl bơta pas gơs lơngai lơngò tòm jơh rài kis bol khai dê, Mơ ală nam bol khai dê geh niam nùs.

Đơs Crih 119:3

Bol khai kung ò lơh tìs, Mơya lòt tòm ală gùng dà Kơnràñ dê.

Đơs Crih 40:6

Yàng ò kòñ phan ơn duh khoai mơ phan ơn, Mơya Kơnràñ neh pò tồr añ nàng kơno jơnau Yàng; Yàng ò sồr ơn phan ơn chu pơrguc, hala phan ơn tơwài glài.

Đơs Crih 81:13

Ô! Kơp kòñ làng bol Añ jê iat jơnau Añ, Kơp kòñ Israel lòt tòm ală gùng dà Añ jê!

Lik Ejiptơ 15:26

Kơnràñ đơs lah: “Dilah bol mê iat nền nền jơnau đơs Jehôwa Yàng Tom Trồ bol mê dê, mơ lơh bơta di ngan di đap Kơnràñ, dilah bol mê ơn nùs tồr di ală jơnau sồr Kơnràñ dê mơ prap gàr jơh ală bơta sồr lam Kơnràñ dê, gen Añ rơp ò đùh hơđang bol mê dô bơta kòp jê lơi tòm ală bơta kòp jê mơ Añ neh đùh hơđang cau Ejiptơ, bơh Añ la Yàng Jehôwa, Bơtau sơmbòi kòp jê bol mê in.”

Lik Ejiptơ 16:32

Môise đơs lah: “Do la jơnau Yàng Jehôwa neh sồr: ‘Ai tĕ dô ôme mana mơ prap lòi wơl ală rài tơnơ̆ in, tồ bol khai rgơi gŏ piang lă mơ Añ neh ai bol mê in nàng sa tòm ƀlàng ngềt ngơt tòm tŭ Añ tă cèng bol mê lik bơh lơgar Ejiptơ.’”

Esai 3:10

Yal tĕ cau ò gơs glài in git lah bơtoah ngan bol khai in, bơh bol khai rơp sa bơh cồng nha broă lơh bòl glar bol khai dê.

Jeremi 11:4

la bơta Añ neh sồr ồng pàng bol mê in, tòm tŭ Añ cèng bol khai lik bơh lơgar Ejiptơ, bơh di bơnhă gơm lòs, mơ đơs lah: Iat tĕ jơnau Añ, mơ lơh jat tĕ jơh bơta Añ sồr bol mê. Behơ̆ bol mê rơp lơh gơs làng bol Añ jê, Añ rơp lơh gơs Yàng Tom Trồ bol mê dê;

Jeremi 11:7

Añ neh kràñ cê bơto tơngkah ồng pàng bol mê, tòm tŭ Añ cèng bol khai lik bơh lơgar Ejiptơ jơl tus ngai do. Añ neh kơ̆ nùs bơto tơngkah bol khai lah: ‘Lơh jat tĕ jơnau Añ!’

Jeremi 13:11

Yàng Jehôwa đơs: “Kung be dô nơm che but gơđềt di but cau, gen Añ lơh jơh hìu Israel mơ jơh hìu Juda gơđềt mơ Añ kung behơ̆, nàng bol khai lơh gơs dô làng bol Añ, dô sơnđan, dô bơta jòng ro, mơ dô bơta gơklŏ Añ in, mơya bol khai ò bài iat.

Jeremi 22:21

Añ neh đơs mơ mê tòm tŭ mê ơm tòm bơta bơtoah bơtoài; mơya mê đơs lah: ‘Añ ò bài iat.’ Do la gùng dà mê bơh tŭ kơnòm să, Mê neh ò dòn jơnau Añ.

Jeremi 22:3

Yàng Jehôwa đơs be do: ‘Lơh tĕ bơta song ngan mơ song ring; dong cau kong kup bơklơn klàs bơh tê cau rồn bơklơn; bañ lơh tìs mơ bañ rồn bơklơn cau ơm tòp, cau kòn đòi hala cau ùr bơnrau, mơ bañ lơh gơtuh mhàm ò gơs glài tòm tiah do.

Jeremi 24:7

Añ rơp ai bol khai in nùs đal git Añ la Yàng Jehôwa. Bol khai rơp lơh gơs làng bol Añ, mơ Añ rơp lơh gơs Yàng Tom Trồ bol khai; bơh bol khai rơp jơh nùs rê wơl mơ Añ.’

Jeremi 31:33

Yàng Jehôwa đơs: “Do la bơta ho bal mơ Añ rơp bơtào bal mơ hìu Israel tơnơ̆ mơ ală ngai hơ̆. Añ rơp ơn bơta boh lam Añ tòm dơngoh bol khai mơ cih tòm nùs bol khai. Añ rơp lơh gơs Yàng Tom Trồ bol khai, bol khai rơp lơh gơs làng bol Añ jê.

Jeremi 32:23

Bol khai neh mut ai lơgar do lơh gơs sre brê, mơya bol khai ò dòn bơr Kơnràñ, ò lòt jat bơta boh lam Kơnràñ dê, ò lơh jat dô bơta lơi tòm ală bơta Kơnràñ neh nting sồr pal lơh jat. Tài behơ̆ tàng Kơnràñ neh dùh ală bơta rung rài do hơđang bol khai.

Jeremi 38:20

Jeremi đơs lah: “Cau rơp ò jào bơtau ò. Dan bơtau dòn tĕ jơnau Yàng Jehôwa tòm bơta añ đơs, gen bơtau rơp geh lơngap lơngai mơ geh kis.

Jeremi 42:6

Bulah bơta niam hala bơta iơh, bol hi rơp lơh jat jơnau Jehôwa Yàng Tom Trồ bol hi dê, la Bơtau mơ bol hi sồr ồng hòi dan; nàng tòm tŭ dòn bơr Jehôwa Yàng Tom Trồ bol hi dê, gen bol hi rơp geh lơngai.”

Sôphôni 3:2

Gơ neh ò iat sap đơs lơi, gơ neh ò dòp bơta lơh niam wơl. Gơ neh ò dòn kơnòm di Yàng Jehôwa, gơ neh ò tus rềp mơ Yàng Tom Trồ gơ dê.

Sacari 6:15

Ală cau ơm ngài rơp tus mơ dong kòl tòm bơta bơt bơtào hìu duh khoai Yàng Jehôwa dê: mơ bol mê rơp git lah Yàng Jehôwa Gơnap Gơnoar Dờng Làm Jơh neh sồr añ tus mơ bol mê. Bơta hơ̆ rơp gơlik tus dilah bol mê ngac ngar dòn bơr lơh jat jơnau Jehôwa Yàng Tom Trồ bol mê dê.

Sacari 7:7

Ò di la ală jơnau Yàng Jehôwa neh kơnòm di ală cau gơnoar hwơr rài yau bơto yal tòm tŭ Jerusalem gơs ală cau ơm tòm gơ ơm tòm bơta pas sơm lơngap lơngai, bal mơ ală ƀòn gùt dar gơ, mơ tòm tŭ Negep mơ Sepelah gơs làng bol ơm ò ơ?’”

Rôma 16:26

mơya, ngai do jơnau song hơ̆ neh geh ràng tơlik bơh ală sră cau gơnoar hwơr, mơ bơh jơnau sồr Yàng Tom Trồ gam sùm sùm dê, tồ jơh ală làng bol in git, nàng cèng bol khai lòt tus hơ bơta dòn mơ bơta dòn bơr.

II Kôrintô 10:5

Bal mơ jơh ală bơta geh yò tơngguh sòdră mơ bơta dòp git Yàng Tom Trồ, mơ kup jơh ală bơta kơlôi sơnơng nàng dòn bơr Bơtau Krist.

Yal Wơl 11:27

bơta lơngai dilah bol mê dòn bơr lơh jat ală jơnau gơnoar sồr Jehôwa Yàng Tom Trồ bol mê dê mơ añ ai bol mê in tòm ngai do,

Yal Wơl 13:4

Jehôwa Yàng Tom Trồ la Bơtau bol mê pal lòt jat, mìng Kơnràñ bol mê pal rngòt, gơnoar sồr Kơnràñ dê bol mê pal prap, jơnau đơs Kơnràñ dê bol mê pal dòn bơr, bol mê rơp duh broă Kơnràñ, mơ ơm kơ̆ mơ Kơnràñ.

Yal Wơl 13:5

Cau gơnoar hwơr hala cau gơs mpau hơ̆ pal kong tơnchơt, tài bơh khai bơto tòmdră mơ Jehôwa Yàng Tom Trồ bol mê dê, la Bơtau neh tă cèng bol mê lik bơh di Ejiptơ mơ tơwài bol mê bơh di lơgar ơm dĭ, khai neh lòng pơrlac bol mê bơh di gùng Jehôwa Yàng Tom Trồ bol mê dê neh sồr bol mê lòt jat. Bol mê pal tă sang bơta iơh bơsak bơh digùl bol mê.

Yal Wơl 30:2

mơ rê wơl hơ Jehôwa Yàng Tom Trồ bol mê dê, bol mê mơ ală kòn sau bol mê dê dòn bơr Kơnràñ jơh nùs jơh hwềng soàn, jat be kòp bơta añ neh sồr bol mê tòm ngai do,

Yal Wơl 30:20

kòñ gơboh tĕ Jehôwa Yàng Tom Trồ bol mê dê, dòn bơr Kơnràñ mơ ntào kơ̆ tòm Kơnràñ; hơ̆ la bơta kis bol mê in mơ ală ngai jŏ jòng tồ bol mê in kis tòm lơgar mơ Yàng Jehôwa neh srat să ai ală ồng pàng bol mê in la Abraham, Isak mơ Jakôp.

Yal Wơl 30:8

Bol mê rơp dòn bơr Yàng Jehôwa tai, mơ lơh jat jơh ală jơnau sồr Kơnràñ dê mơ añ ai bol mê in tòm ngai do,

Yal Wơl 4:10

Kah tĕ ngai mơ bol mê neh ntào di đap Jehôwa Yàng Tom Trồ bol mê dê tòm Hôrep, tòm tŭ Kơnràñ đơs mơ añ lah: “Hòi pơjum tĕ làng bol di đap Añ nàng iat ală jơnau Añ đơs tồ bol khai rgơi bơtê duh rngòt di Añ tòm jơh rài bol khai kis tòm lơgar mơ rgơi bơto ală bơta hơ̆ ală kòn sau bol khai in.”

Yal Wơl 4:40

Prap gàr tĕ ală bơta lơh nền mơ ală bơta sồr lam Kơnràñ dê mơ añ ai bol mê in tòm ngai do, tồ ală bơta rơp gơlik gơs niam bol mê in mơ ală kòn sau bol mê in tơnơ̆ mơ bol mê, nàng bol mê rgơi geh kis jŏ jòng tòm lơgar mơ Jehôwa Yàng Tom Trồ bol mê dê ai bol mê in gam sùm sùm.

Yal Wơl 5:16

Dòn duh tĕ mè bèp bol mê dê jat be jơnau Jehôwa Yàng Tom Trồ bol mê dê neh sồr bol mê, tồ bol mê rgơi kis jŏ mơ bol mê rgơi geh lơngai tòm lơgar mơ Jehôwa Yàng Tom Trồ bol mê dê ai bol mê in.

Yal Wơl 5:29

Dilah làng bol do gơs nùs duh rngòt di Añ sùm, mơ òs prap gàr jơh ală jơnau sồr Añ jê, behơ̆ sồng khai mơ kòn sau bol khai rơp geh lơngai sùm sùm!

Yal Wơl 5:33

Lòt tĕ tòm jơh ală gùng dà mơ Jehôwa Yàng Tom Trồ bol mê dê neh sồr bol mê tồ bol mê in geh kis, geh bơtoah bơtoài mơ geh ơm jŏ jòng tòm lơgar mơ bol mê rơp dòp geh.”

Yal Wơl 6:3

Ơ Israel, ơm iat tĕ mơ kơrhia dòn bơr lơh jat nàng jơh ală bơta rơp gơlik niam bol mê in, mơ bol mê rơp gơlik gơs rơ̆sơmpài ràipơjềng tòm lơgar lìu làc dà toh mơ dà lơwe tòm toh kung be Jehôwa Yàng Tom Trồ ală ồng pàng bol mê dê neh ho mơ bol mê.

Hebrơ 5:9

mơ dơ̆ Kơnràñ neh geh wil tơl rau, gen gơlik gơs tòm ryas bơta dong klàs gam sùm sùm jơh ală cau in dòn bơr Kơnràñ,

I Samuel 15:22

Mơya Samuel đơs lah: “Yàng Jehôwa niam nùs di ală phan ơn chu pơrguc mơ ală phan ơn duh khoai kung be niam nùs di bơta lơh jat jơnau đơs Yàng Jehôwa dê sơl ơ? Bơta dòn bơr la niam rlau mơ phan ơn duh khoai, mơ bơta iat jơnau la niam rlau mơ dơngi ală belàt dam.