Jeremi 7:19 - Sră Goh 2018

¹⁹ Yàng Jehôwa đơs: “Añ la cau bol khai bơrcek di sơl? Hơ̆ ò di să tòm bol khai, cèng wơl bơta jê sồt bol khai in ò ơ?”

Jeremi 7:19 Mawu Ofanana

Ejra 9:7

Bơh tòm ală ngai ồng pàng bol hi dê jơl tus di ngai do, bol hi neh ndơp tòm bơta tồi glài, mơ bơh ală bơta tồi glài bol hi, mơ ală cau bơtau, mơ ală cau gơnoar ơn phan duh khoai bol hi dê neh kong jào ală bơtau tòm lơgar in, tơnroh mơ đào mơ kong kup cèng, kong cau phà kơñau mơ kong ƀàssìl be neh gơs ngai do.

Sră Jop 35:6

Dilah ồng gơs glài, gen ñchi ồng bơtào nàng tòmdră mơ Kơnràñ taih? Dilah ală bơta tồi glài ồng dê bơtơl oă ngan, gen ñchi bơta ồng lơh Kơnràñ in taih?

Esai 1:20

Mơya dilah bol mê tòmdră mơ sang lòi, gen bol mê rơp gơkòl đào sa loan, bơh bơr Yàng Jehôwa dê neh đơs behơ̆.”

Esai 1:24

Behơ̆ tàng Yàng Jehôwa la Yàng Jehôwa Gơnap Gơnoar Dờng Làm Jơh, la Bơtau Gơnap Gơnoar Dờng Làm Jơh Israel dê, đơs be do: “Ngan Añ rơp tuh bơta gơjrañ dờng Añ jê hơđang ală cau sò tơm Añ jê, mơ sal tê di ală cau sò tơm di Añ!

Esai 45:16

Jơh ală cau chài lơh rùp ràk rơp kong ƀàssìl mơ kong sền òsơp; bol khai rơp lòt bal tòm bơta kòl sền òsơp.

Jeremi 15:9

Cau ùr neh tơnggơs poh nă kòn, neh lơbơn òsô. Tă nhơm lồi; Mattơngai khai neh ñơp tŭ trồ ngai; Khai kong dơñŏ tơnhial mơ ƀàssìl ƀàsso; Ai ală cau gam wơl bol khai dê, Añ rơp jào đào ală cau sò tơm bol khai in.” Yàng Jehôwa đơs behơ̆.

Jeremi 2:17

Ò di bol mê neh cèng bơta hơ̆ tus hơđang să tòm bol mê in, Bơh neh sang lòi Jehôwa Yàng Tom Trồ mê, Tŭ Kơnràñ neh lam bol mê tòm gùng lòt ơ?

Jeremi 2:19

Bơta iơh bơsak mê dê rơp lơh glài mê, Bơta pơrlơ̆ dră mê dê rơp lah pơrhơng mê, sền mơ git tĕ lah hơ̆ la bơta iơh mơ hòi bơtang ngan bơh bol mê neh sang lòi Jehôwa Yàng Tom Trồ mê dê, tòm mê ò gơs nùs duh rngòt di Añ.” Yàng la Yàng Jehôwa Gơnap Gơnoar đơs behơ̆.

Jeremi 20:11

Mơya Yàng Jehôwa ơm bal mơ añ kung be dô nă cau ling jak pal rngòt; Gen tàng ală cau kup kơryan añ rơp gơtup pừ, mơ bol khai rơp ò geh pha lin. Bơh bol khai rơp kong ƀàssìl dờng ngan Bol khai rơp ò geh cồng nha, Bơta sền òsơp bol khai dê sùm sùm Ò gơs tŭ lơi hŭi.

Jeremi 22:22

Jơh ală cau ê belàt bol mê rơp kong càl khồm pơrdô ngài, Ală cau kòñ gơboh mê rơp kong kup cèng pơrdô; Gen mê rơp kong bơta ƀàssìl mơ rngòt rngơt, Bơh jơh ală broă iơh mê dê.

Jeremi 25:7

Yàng Jehôwa đơs: ‘Mơya bol mê ò iat Añ, mơ ai broă lơh bơh tê bol mê bơrcek Añ gơjrañ, mơ toès wơl bơta rung rài he in.’

Jeremi 3:25

Lòi bol hi bic tòm bơta ƀàssìl bol hi dê, mơ lòi bơta bơrsèl tơnhial jơm bol hi! Bơh bol hi bal mơ ồng pàng bol hi dê Neh tìs glài mơ Jehôwa Yàng Tom Trồ bol hi dê, Bơh tŭ gam kơnòm jơl tus di ngai do; Bol hi ò lơh jat jơnau Jehôwa Yàng Tom Trồ bol hi dê.”

Jeremi 44:3

tài bơh glài iơh bol khai neh bơrcek Añ gơjrañ, lòt chu kơlhô mơ duh khoai ală yàng ndai mơ bol khai, bol mê bal mơ ồng pàng bol mê kung òhềt tŭ lơi git.

Jeremi 8:19

Iat tĕ! Jơnau driau nggà làng bol nđàc sơngit añ jê, bơh ală tiah ngài ngan tòm lơgar, lah: “Yàng Jehôwa ò gam ơm tòm Siôn ơ? Bơtau khai dê ò gam ơm mơ khai ơ?” “Ñchi bơh tài bol khai bơrcek Añ gơjrañ, mơ rùp pac sềr bol khai dê Mơ rùp ràk làng bơdìh dê taih?”

Jeremi 9:19

Bơh dô jơnau ñìm rac geh kơno bơh Siôn lah: ‘Mbe bol he kong roh rui! Bol he jơh hir ƀàssìl ƀàsso! Tài bơh bol he pal sang lòi lơgar; tài bơh bol khai neh phà tơrlah ală tiah ơm bol he dê!’”

Ejekiel 16:26

Ai neh lơh bơta dri tơlàr mơ ală cau Ejiptơ la cau gơp ƀòn ai dê gơs bềng nùs hàm kòñ poac să, mơ ai neh bơrcek Añ gơhào gơjrañ bơh bơta dri tơlàr sơlo ngai sơlo oă ai dê.

I Kôrintô 10:22

Hala bol he kòñ lơh Yàng in ƀoah pơrñat ơ? Bol he pràn rlau mơ Kơnràñ ơ?

Yal Wơl 32:16

Bol khai lơh Kơnràñ in ƀoah pơrñat bơh ală yàng lơgar ndai, mơ lơh Kơnràñ in gơjrañ mañ bơh ală broă iơh rmơh.