Jeremi 7:17 - Sră Goh 2018

¹⁷ Mê ò gŏ bơta bol khai neh lơh tòm ală ƀòn Juda dê mơ tòm ală gùng Jerusalem ơ?

Jeremi 7:17 Mawu Ofanana

Jeremi 1:16

Añ rơp yal tơnggit bơta cahrña Añ tòmdră mơ bol khai, bơh bơta iơh bol khai neh lơh; tài bơh bol khai neh sang lòi Añ, chu kơlhô ală yàng ndai in, mơ duh khoai broă tê he lơh gơs.

Jeremi 32:29

Ală cau Kalde tòmlơh mơ ƀòn do rơp tus, ơn ồs mơ chu gơ, chu tơn ală hìu mơ cau neh ơn kơlhô Baal in hơđang rkàng hìu, mơ ơn phan pơdơng ñô ală yàng ndai, nàng bơrcek Añ gơjrañ.

Jeremi 32:32

tài bơh bơta iơh bơsak mơ kòn sau Israel mơ kòn sau Juda neh lơh nàng bơrcek Añ gơjrañ, bol khai, cau bơtau, kwang at bồ, cau gơnoar ơn phan duh khoai, cau gơnoar hwơr, cau Juda mơ làng bol Jerusalem sơl.

Jeremi 44:17

Mơya bol hi ngan rơp lơh wil tơl ală jơnau neh lik bơh bơr bol hi, rơp chu kơlhô mơ ơn phan ơn ưnngài yàng ùr hơđang trồ, kung be bol hi bal mơ ồng pàng bol hi, cau bơtau, cau kwang at bồ bol hi neh lơh tòm ală ƀòn Juda dê mơ tòm ală gùng ƀòn dờng Jerusalem; Tài bơh tŭ hơ̆ bol hi gơs ƀañ nàng sa hòm să he, geh lơngai, ò gŏ rung rài lơi.

Jeremi 44:4

Ngan, Añ neh ơt ơl sồr ală dĭ gơna Añ la ală cau gơnoar hwơr, lòt tus mơ bol mê mơ đơs lah: ‘Bañ lơh bơta cù kìr mơ Añ gơjrañ hơ̆.’

Jeremi 44:6

Gen tàng bơta gơjrañ mơ bơta gơjrañ dờng Añ jê neh tuh tơlik kung be ồs chu ală ƀòn Juda dê mơ ală gùng ƀòn dờng Jerusalem dê; mơ bol gơ kong phà tơrlah ngềt ngơt jơl tus ngai do.

Jeremi 6:27

“Añ neh bơtào mê lơh gơs cau lòng mơ cau kơnềng lơh goh digùl làng bol Añ, Nàng mê rgơi git mơ lòng gùng dà bol khai dê.

Jeremi 7:16

Ai mê, bañ hòi dan ala bơh làng bol do in; bañ bơh bol khai mơ ai jơnau rac dan hòi dan, kung bañ hòi dan ala mơ Añ, bơh Añ rơp ò iat mê.

Jeremi 7:18

Kòn dòñ lòng, bèp sing ồs, mơ ală cau ùr bơcă kơmbuh, nàng lơh ƀañ ơn bơtau ùr hơđang trồ, mơ bol khai tuh phan ơn pơdơng ñô ală yàng ndai in, nàng bơrcek Añ gơjrañ.”

Ejekiel 14:23

Mê rơp geh pơndòm pơniang tòm tŭ mê gŏ gùng dà mơ bơta lơh lòt bol khai dê, bơh mê rơp git lah Añ neh ò lơh bơta lơi ò bồ gơ in ò,’” Jehôwa Yàng Tom Trồ đơs behơ̆.