Jeremi 7:14 - Sră Goh 2018

¹⁴ gen tàng Añ rơp lơh hìu do, hơ̆ la hìu geh hòi bơh sơnđan Añ, la hìu mơ bol mê gơn kơnòm, mơ tiah Añ neh ai bol mê in bal mơ ồng pàng bol mê in, kung be Añ neh lơh Silô.

Jeremi 7:14 Mawu Ofanana

II Ală Bơtau 25:9

Khai chu hìu duh khoai Yàng Jehôwa, gơlang bơtau dê, mơ ală hìu tòm ƀòn dờng Jerusalem; chu pơrguc jơh ală hìu dờng.

II Yal Yau 7:21

Mơ bulah hìu duh khoai do la niam màng ryŭ ngan, jơh ală cau lòt gan rơp ai lơh krơi mơ đơs lah: ‘Ñchi bơh tài Yàng Jehôwa neh lơh dô bơta behơ̆ lơgar do in mơ hìu duh khoai do in taih?’

Đơs Crih 78:60

Kơnràñ sang lòi hìu ơm Kơnràñ dê tòm Silô, Hơ̆ la sàl Kơnràñ neh ơm digùl jơi kòn mơnus.

Esai 64:11

Hìu duh khoai sàng goh mơ gơklŏ bol hi dê la tiah ồng pàng bol hi dê jòng ro Kơnràñ, neh kong chu mơ ồs; mơ jơh ală tiah dờng màng bol hi in neh kong phà tơnroh.

Jeremi 12:7

Añ neh sang hìu Añ; Neh sang lòi sre brê Añ; Neh jào phi làng bol mơ nùs Añ kòñ gơboh Tòm tê cau sò tơm khai dê.

Jeremi 23:39

tài behơ̆, Añ rơp hŭi ngan bol mê; Añ rơp sang bol mê ngài bơh di Añ, mơ ƀòn Añ neh ai bol mê mơ ồng pàng bol mê in, ngài bơh di đap Añ.

Jeremi 26:18

“Mice ơm tòm Môreset, la cau đơs hwơr bơh rài Ejekia, bơtau Juda, neh đơs mơ jơh làng bol Juda lah: Yàng Jehôwa Gơnap Gơnoar đơs be do: ‘Siôn rơp kong troă kung be sre, Jerusalem rơp gơlik gơs kung be gơnru lŭ, Mơnơm Hìu duh khoai rơp gơlik gơs tiah brê dơr.’

Jeremi 26:4

Mê pal đơs bol khai in lah: Yàng Jehôwa đơs be do: ‘Dilah bol mê ò bài iat Añ, ò lòt jat bơta boh lam Añ neh ơn di đap bol mê;

Jeremi 7:10

Lồc behơ̆ bol mê tơlik mat mơ Añ tòm hìu do, la tiah geh tơmoh bơh sơnđan Añ, mơ đơs lah: “Bol hi neh geh dong tă rau!” Tồ mìng pơnjat sùm lơh ală bơta cù kìr hơ̆ ơ?

Jeremi 7:12

‘Behơ̆ tŭ do, lòt tus tĕ hơ tiah ơm yau Añ jê tòm Silô, tềng hơ̆ Añ neh ơn sơnđan Añ dơ̆ sơnròp, mơ sền gŏ ñchi Añ neh lơh gơ in, tài bơh bơta iơh bơsak làng bol Israel Añ jê.’

Jeremi 7:4

Bañ dòn kơnòm di ală jơnau blac pơrlồm lah: “Do la hìu duh khoai Yàng Jehôwa dê, hìu duh khoai Yàng Jehôwa dê, hìu duh khoai Yàng Jehôwa dê.”

Ñìm Rac 2:7

Yàng Jehôwa neh sền òsơp cơnòng duh khoai Kơnràñ dê, mơ ò dòp tiah sàng goh Kơnràñ dê; Kơnràñ neh jào tòm tê cau sò tơm ală dơrñang gơlang bơtau khai dê; dô bơta nggồr nggàc tòm hìu Yàng Jehôwa dê kung be tòm ngai pơjum sa.

Ñìm Rac 4:1

Mbe lơi màh gơlik lu li, mbe lơi màh ngan neh gơtòmgơl! Ală pơnai lŭ sàng goh ơm nrah nring tòm ală bơr gùng!

Ejekiel 23:31

Ai neh lòt jat gùng bi ùr ai dê, gen tàng Añ rơp ơn mơngàn khai dê tòm tê ai.’

Ejekiel 24:21

‘Đơs tĕ mơ hìu Israel: Jehôwa Yàng Tom Trồ đơs be do: Do, Añ rơp lơh ngkòr ngkàc tiah sàng goh Añ jê, bơta jòng să bơh gơnoar pràn mê dê, mat mê gơboh gơbài, la bơta nùs mê hàm kòñ. Ală kòn klau kòn ùr bol mê dê mơ bol mê neh lòi wơl bơh ngkòi rơp gơpừ bơh đào.

Yal Wơl 12:5

Mơya bol mê pal jòi jat tiah mơ Jehôwa Yàng Tom Trồ bol mê dê rơp sac rwah bơh digùl jơh ală jơi bơtiàn bol mê dê nàng ơn sơnđan Kơnràñ dê tềng hơ̆ lơh gơs tiah ơm sùm Kơnràñ dê. Bol mê pal lòt tus tiah hơ̆;

Yal Wơl 28:52

Bol khai rơp gòm gơrwàng gùt dar jơh ală ƀòn dờng tòm làm jơh lơgar bol mê dê jơl tus di tŭ ală dơrñang jơnhoa kơ̆ cê mơ bol mê dòn kơnòm rơp tơrlah jơh.