Jeremi 7:11 - Sră Goh 2018

¹¹ Behơ̆ hìu do, la tiah geh tơmoh bơh sơnđan Añ, gơlik gơs trồm cau ntung kơñau di đap bol mê ơ? Bol mê git, să tòm Añ neh sền gŏ ală bơta hơ̆,’ Yàng Jehôwa đơs behơ̆.

Jeremi 7:11 Mawu Ofanana

II Yal Yau 6:33

gen dan Kơnràñ ơm iat bơh hơđang trồ la tiah ơm sùm Kơnràñ dê, mơ lơh gơlik gơs bơta làng bol bơdìh neh dan mơ Kơnràñ, tồ jơh ală làng bol tòm plai ù rgơi git sơnđan Kơnràñ dê mơ rngòt di Kơnràñ kung be làng bol Israel Yàng dê neh lơh, mơ nàng bol khai rgơi git la sơnđan Kơnràñ dê neh geh hòi dan rac dan tòm hìu do mơ añ neh bơt.

Esai 1:12

Tòm tŭ bol mê tus tơlik mat di đap Añ, Ñcau lùp ală phan do bơh tê bol mê? Bañ jă trơm ƀlàng jơng hìu Añ jê tai.

Esai 56:7

Gen Añ rơp cèng ală cau hơ̆ guh hơđang mơnơm sàng goh Añ jê, mơ lơh bol khai in bềng bơta hòn chò tòm hìu hòi dan Añ jê. Ală phan ơn chu pơrguc mơ ală phan ơn pơdơng duh khoai bol khai dê rơp geh dòp hơđang cơnòng duh khoai Añ jê; bơh hìu Añ rơp geh sơnđan la dô nơm hìu hòi dan jơh ală làng bol in.”

Jeremi 2:34

Di tiang ào mê dê sơl kung gŏ mhàm ală cau rƀah ò gơs glài, bulah bol mê ò kup bol khai tò ƀlong hìu cau, mơya la tài bơh ală bơta iơh hơ̆.

Jeremi 23:24

Yàng Jehôwa đơs: “Gơs cau lơi rgơi pồn să tòm ală tiah ndơp nàng Añ in ò rgơi gŏ bol khai ơ?” Yàng Jehôwa đơs: “Hơ̆ ò di ngan Añ bềng lìu ală tap trồ mơ ù tiah ơ?

Jeremi 29:23

Tài bơh bol khai neh lơh bơta tồi glài iơh rmơh tòm Israel, neh tìs glài rềs àr bơrnàn mơ bau ùr ală cau gơp ƀòn he, mơ neh ai sơnđan Añ đơs ală jơnau ma blac mơ Añ ò tŭ lơi sồr bol khai. Să tòm Añ la Bơtau git loh mơ lơh cơng bơh bơta hơ̆.” Yàng Jehôwa đơs behơ̆.

Jeremi 7:10

Lồc behơ̆ bol mê tơlik mat mơ Añ tòm hìu do, la tiah geh tơmoh bơh sơnđan Añ, mơ đơs lah: “Bol hi neh geh dong tă rau!” Tồ mìng pơnjat sùm lơh ală bơta cù kìr hơ̆ ơ?

Ejekiel 35:13

Mê neh ngui bơr nàng jòng să tòmdră mơ Añ, mơ neh đơs oă jơnau tòmdră mơ Añ, mơ Añ neh kơno gơ.’

Daniel 9:18

Ơ Yàng Tom Trồ añ jê, dan wèt tồr mơ iat, dan pò mat mơ sền bơta tơnroh gơprah ƀòn dờng neh geh tơmoh mơ sơnđan Kơnràñ dê! Bol hi rac dan mơ Kơnràñ ò di tài bơh bol hi la song ring, mơya la kơnòm di bơta nđàc sơngit dờng ơnàng Kơnràñ dê.

Mathiơ 21:13

Kơnràñ đơs mơ bol khai lah: “Gơs jơnau cih lah: ‘Hìu Añ pal sơnđan la hìu hòi dan,’ mơya bol mê lơh hìu hơ̆ gơlik gơs trồm ală cau ntung kơñau.”

Jơnau Niam Jat Mak 11:17

Lồc behơ̆ Kơnràñ bơto sồr lah: “Neh gơs jơnau cih lah: ‘Hìu Añ pal sơnđan la hìu hòi dan jơh ală làng bol in,’? Mơya bol mê neh lơh hìu hơ̆ in gơs trồm ală cau ntung kơñau dê.”

Jang 2:16

Kơnràñ đơs mơ cau tac sềm ntòp lah: “Cèng tơlik tĕ ală phan do bơh tềng do, bañ lơh hìu Bèp Añ jê gơlik gơs hìu kă bro.”

Hebrơ 4:13

Ò gơs phan lơi rgơi pồn ndơp di đap Yàng Tom Trồ, mơya jơh ală phan geh crơng gơs rơp ràng tơlik mơ gơ pò di đap mat Kơnràñ mơ bol he pal yal broă he dê.