Jeremi 6:8 - Sră Goh 2018

⁸ Ơ Jerusalem, dòp tĕ bơta bơto tơnggit, hala Añ rơp sang lòi ai tòm ngkòr ngkàc, Mơ lơh ai in gơlik gơs tiah rhàng srau, dô bă tiah ò gơs cau ơm.”

Jeremi 6:8 Mawu Ofanana

Đơs Crih 2:10

Behơ̆, ơ ală cau bơtau, jak chài tĕ; Ơ ală kwang cahrña tòm dunnia, dòp tĕ bơta bơto sồr.

Đơs Crih 50:17

Bơh mê gơjrañ kơuềng di bơta lơh glài tơmàl, Ală jơnau đơs Añ jê mê sang lòi đah ngkòi mê dê.

Đơs Crih 94:12

Ơ Yàng Jehôwa, lơngai cau lơi in geh Kơnràñ lơh glài tơmàl, Mơ geh Kơnràñ bơto bơta boh lam Kơnràñ dê.

Jơnau Pơnđik 19:20

Jak iat jơnau bơto sồr, mơ dòp bơta bơto tơngkah, gen lồi dut kòn rơp jak chài.

Jơnau Pơnđik 4:13

Sơmbat kơ̆ tĕ ală jơnau bơto sồr, bañ sang lòi; Kơrmap gàr gơ, bơh gơ la bơta kis kòn dê.

Jeremi 17:23

Mơya, bol khai ò bài iat, ò bài ơn tồr kơno; bol khai kơldang ngko mơ ò bài iat Añ mơ ò bài dòp jơnau nting sồr.’

Jeremi 2:15

Ală klìu triă neh ơluh ơhùm tòmdră mơ khai, Bol gơ ơluh ơhùm dờng ngan, Mơ gơlơh ù tiah khai dê gơlik gơs ngềt ngơt. Ală ƀòn dờng khai gơkòl tơnroh gơprah, ò gơs cau ơm.

Jeremi 31:19

Bơh tơnơ̆ mơ tŭ añ lòt tìs nrah, añ neh gơjrañ sang glài; Tơnơ̆ mơ tŭ añ neh git wă, añ tur di ntơh añ jê. Añ neh kong ƀàssìl ƀàsso mơ sền òsơp, Añ kong sền òsơp bơh pah rài kơnòm să añ jê.’

Jeremi 32:33

Bol khai ò wèt mat mơ Añ, mơya wèt ngkòi. Bulah Añ neh bơto sồr bol khai, guh gòñ mơ bơto tơngkah, mơya bol khai ò bài iat, ò dòp bơta bơto sồr.

Jeremi 4:14

Ơ Jerusalem, rào goh tĕ nùs bol mê dê bơh bơta iơh bơsak, Tồ mê in geh dong tă. Nđò jŏ mê lòi bơta bơyai iơh ơm tòm dơlam mê taih?

Jeremi 7:20

Gen tàng Jehôwa Yàng Tom Trồ đơs be do: “Bơta gơjrañ mơ bơta gơhào gơjrañ dờng Añ jê rơp tuh hơđang lơgar do, hơđang jơi kòn mơnus mơ phan poan jơng, hơđang chi che tòm ƀlàng mơ plai bơkào ù tiah dê, gơ rơp chu pơrguc mơ ò tŭ lơi đơp chơt.”

Jeremi 7:28

Mê pal yal bol khai in lah: ‘Do la làng bol ò iat jơnau Jehôwa Yàng Tom Trồ bol khai dê, mơ ò bài dòp bơta bơto pơnniam. Bơta song ngan neh roh rau, neh tă tơlik bơh bơr bol khai.

Jeremi 7:34

Mơ Añ rơp tơnlồi sap bơta chò hòp mơ bơta hòn chò, sap cau bơrtơu pa mơ ƀan pa tòm ală ƀòn dờng Juda dê mơ tòm ală gùng ƀòn dờng Jerusalem dê, bơh lơgar do rơp gơlik gơs tiah lòi srau gòi.”

Jeremi 9:11

“Añ rơp lơh Jerusalem in gơlik gơs dô gơnru tơrlah tơrlơm, Trồm ơm so rhau dê; Mơ lơh ală ƀòn dờng Juda dê gơlik gơs tiah lòi srau, ò gơs cau ơm.”

Ejekiel 23:18

Tòm tŭ khai lơh gơs ùr dri dô bă loh làng behơ̆ mơ ràng tơlik să kuh khai dê, añ kung pơrlac sang khai tòm bơta gơjrañ mañ kung be añ neh pơrlac sang bi ùr khai dê behơ̆ sơl.

Sră Ôse 2:5

Ngan behơ̆, mè bol khai dê neh lơh dri tơlàr, mơ bun deh bol khai tòm bơta ƀàssìl ƀàsso. Bơh khai đơs lah: ‘Añ rơp lòt jat ală cau klau añ kòñ gơboh la ală cau ai añ in phan sa dà hùc, sơnò belàt mơ bài, mơñà mơ tơrnòm.’

Sră Ôse 9:12

Bulah bol khai ròng siam kòn sau, Añ rơp tơnroh bol khai, jơl tus ò gam gơs dô nă lơi. Bòl glar ngan bol khai in tòm tŭ Añ lik bơh bol khai!

Lebi 26:34

Gen ù tiah rơp geh ơm lơngai tòm ală nam rlô gơ dê tòm jơh tŭ tơngai gơkòl sang lòi srau gòi mơ bol mê ơm tòm lơgar ală cau sò tơm di bol mê; gen ù tiah rơp ơm rlô lơngai tòm ală nam Saƀat gơ dê.

Sôphôni 3:7

Añ neh đơs is lah: “Ngan ƀòn dờng rơp duh rngòt di Añ, mơ gơ rơp dòp bơta bơto lơh niam wơl, tiah gơ dê rơp ò kong tơnroh, gơ rơp ò roh jơh ală bơta Añ neh cèng tus hơđang gơ.” Mơya bol khai sơlo lin rlau tai lơh ală bơta iơh rmơh.

Yal Wơl 32:29

Dilah bol khai la jak chài gen bol khai pal git wă bơta do; bol khai pal git loh làng bơh bơta lồi dut bol khai dê la mbe lơi!