Jeremi 6:6 - Sră Goh 2018

⁶ Bơh Yàng Jehôwa Gơnap Gơnoar đơs be do: “Kơl tĕ ală chi khai dê; mơ bơt bơtào tiah gơrwàng tòmdră mơ Jerusalem! Do la ƀòn pal kong lơh glài; Digùl gơ ò gơs bơta lơi rlau mơ ală bơta rồn bơklơn.

Jeremi 6:6 Mawu Ofanana

Esai 37:33

Behơ̆ tàng, do la jơnau Yàng Jehôwa đơs bơh bơtau Asiri: ‘Khai rơp ò mut tòm ƀòn dờng do, kung ò pañ dô nơm kam lơi tềng do, khai rơp ò ngui khèl nàng tus di đap gơ, kung ò bơt dơrñang gơrwàng gùt dar gơ.

Jeremi 20:8

Kòp dơ̆ añ đơs gen pal ai jơnau hòi driau; añ pal driau lah: “Jàñ bơsak mơ phà tơnroh!” Bơh jơnau Yàng Jehôwa dê lơh añ in jơh ngai kong bơtat bơtròh mơ dơñŏ tơnhial.

Jeremi 22:17

Mơya mat mơ nùs mê Mìng jòi cồng nha ƀơ̆ ƀơl, Lơh gơtuh mhàm cau ò gơs glài, Mơ lơh bơta rồn bơklơn iơh rmơh.’”

Jeremi 32:24

Ne, ală theng gơrwàng kơ̆ cê neh geh bơt gùt dar ƀòn nàng tòmpìt ai gơ. Tài bơh pềs tà, jơgloh rung, pluh plàng, gen tàng ƀòn kong phi tòm tê cau Kalde tòmlơh mơ bol khai. Bơta Kơnràñ đơs neh gơlik gơs, be Kơnràñ neh gŏ!

Jeremi 32:31

Ƀòn dờng do neh lơh kai Añ in gơhào gơjrañ, bơh tŭ pa bơtào gơs jơl tus ngai do. Gen tàng, Añ kòñ tă tơlik gơ ngài bơh di đap Añ,

Jeremi 33:4

Bơh ală hìu gơrê bal mơ ƀòn do mơ hìu gơlang bơtau Juda dê, cau neh phà tơrlah nàng bơt wơl gơlang theng kơ̆ cê nàng tòmdră wơl mơ pềs tà mơ phan tòmlơh cau sò tơm dê, gen Jehôwa, Yàng Tom Trồ Israel dê đơs be do:

Jeremi 39:1

Nam dơ̆ sin rài Jedekia, bơtau Juda, kơnhai jơt, Nebukatnessar, bơtau Babilôn, tus bal mơ jơh mpồl ling khai dê, gơrwàng ƀòn Jerusalem.

Jeremi 5:29

Yàng Jehôwa đơs: “Añ rơp ò lơh glài bol khai bơh ală bơta hơ̆ ơ? Mơ Añ rơp ò cèng bơta sal tê hơđang dô nơm lơgar behơ̆ ơ?

Jeremi 5:9

Añ rơp ò lơh glài bơh ală bơta hơ̆ ơ? mơ Añ rơp ò cèng bơta sal tê lơh glài, hơđang dô nơm lơgar behơ̆ ơ? Yàng Jehôwa đơs behơ̆.

Ejekiel 4:2

Lồc behơ̆ gơrwàng gơ; rơndap bơta gơrwàng tòmdră mơ gơ, bơt dô nơm dơrñang gùt dar gơ; bơtào sàl ling tòmlơh mơ gơ, mơ ơn ală phan phà tơrlah dơrñang gùt dar gơ.

Ejekiel 5:5

Yàng Jehôwa đơs be do: “Do la Jerusalem, Añ neh ơn gơ digùl ală làng bol, bal mơ ală lơgar ơm gùt dar gơ.

Daniel 11:15

Gen bơtau đah đang rơp tus gơrwàng gùt dar mơ tòmpìt geh dô nơm theng ling kơ̆ cê. Mpồl ling đah đơm ò tơl pràn nàng ntào jai, bulah mpồl ling jak rlau jơh bol khai dê kung ò tơl pràn nàng tòmdră.

Sôphôni 3:1

Bòl glar ngan ƀòn gơkòl lơh ƀơ̆ ƀơl in! Ƀòn dờng jak rồn bơklơn!

Luka 19:43

Bơh ală ngai rơp gơlik tus mê in, la tŭ ală cau sò tơm lơh dơrñang gơrwàng gùt dar mê, mơ rềt kơ̆ mê bơh kòp đah.