Jeremi 6:30 - Sră Goh 2018

³⁰ Bol khai kòl sơnđan la ‘priă neh sang tơlik,’ Bơh Yàng Jehôwa neh sang tơlik bol khai.”

Jeremi 6:30 Mawu Ofanana

II Ală Bơtau 17:20

Yàng Jehôwa neh sang lòi jơh jơi bơtiàn Israel, lơh glài bol khai mơ phi bol khai tòm tê ală cau phà tơnroh, jơl tus Kơnràñ bơtrơh tơlik bol khai bơh di đap mat Kơnràñ.

Đơs Crih 119:119

Jơh ală cau iơh bơsak tòm plai ù Yàng kòp bol khai be phan sang gòi; Tài behơ̆ añ kòñ gơboh di ală jơnau sồr kràñ cê Kơnràñ dê.

Đơs Crih 53:5

Ne, bol khai rngòt rngơt ngan, tian gơs òhềt tŭ lơi gơs behơ̆, Bơh Yàng Tom Trồ rơp rsìh ntìng cau ò duh rngòt; Bol khai rơp kong ƀàssìl, bơh Yàng Tom Trồ neh sang lòi bol khai.

Jơnau Pơnđik 25:4

Tă tĕ è bơh di priă, gen cau chài lơh priă geh dô nơm phan ngui;

Esai 1:22

Priă ai dê neh gơlik gơs be è lòs, tơrnòm bơkah ai dê neh crài bal mơ dà.

Esai 1:25

Añ rơp tơrwơl tê tòmdră mơ ai, Añ rơp tŏ tiar mơ lơh ai in gơs goh bơh di jơh ală bơta kung be è lòs, mơ tă sang jơh ală bơta ƀơ̆ ƀơl ai dê.

Jeremi 14:19

Ngan, Kơnràñ neh sang jơh Juda ơ? Nùs Kơnràñ neh gơjrañ mañ di Siôn ơ? Ñchi bơh tài Kơnràñ pù lơh bol hi, tian gơs ò sơm bol hi in taih? Bol hi kơp gơn bơta lơngai mơ geh bơta iơh; Kơp gơn tŭ tơngai sơmbòi, mơya tìp bơta rngòt rơm să.

Jeremi 23:33

“Dilah làng bol do, cau gơnoar hwơr hala cau gơnoar ơn phan duh khoai, lùp mê lah: ‘Ơnòng kơnjơ̆ Yàng Jehôwa dê la ñchi?’ Ho tĕ lah: ‘Ơnòng kơnjơ̆ hơ̆ la bol mê,’ Yàng Jehôwa đơs: ‘Añ rơp sang lòi bol mê.’

Jeremi 7:1

Bơh di Yàng Jehôwa gơs jơnau đơs mơ Jeremi lah:

Jeremi 7:29

Siat tĕ sŏ mơ sơrbì gơ ngài; Ai sap ñìm rac hơđang ală dòr kơlờl! Bơh Yàng Jehôwa neh pơndang sang mơ sang lòi jơi bơtiàn do, La jơi bơtiàn neh bơrcek bơta gơjrañ Kơnràñ dê.’”

Ñìm Rac 5:22

Kơnràñ neh sang lòi jơh bol hi, bơh Kơnràñ gơjrañ di bol hi oă ir.

Sră Ôse 9:17

Tài bơh bol khai ò iat jơnau Kơnràñ, Yàng Tom Trồ añ jê rơp sang lòi bol khai; bol khai rơp gơlik gơs ală cau nrah nring tòm ală lơgar.

Sacari 11:8

Tòm dô kơnhai Añ neh tơlik pe nă cau ê. Mpồl belàt cù kìr di Añ, mơ Añ sơlo ngai sơlo ò jai kong tai bơh di bol gơ.

Mathiơ 5:13

“Bol mê la boh ù dê, mơya dilah roh ƀă, gen ai ñchi nàng lơh gơ in bă wơl taih? Gơ ò diơng ngui tai, mìng sang hơ bơdìh mơ cau jă dê gơ.

Rôma 11:1

Behơ̆ añ đơs lah: Yàng Tom Trồ neh sang lòi làng bol Kơnràñ sơl? Ò di behơ̆ ò! Bơh să tòm añ la cau Israel, bơh kòn sau Abraham dê, mơ jơi bơtiàn đah Benjamin.