Jeremi 6:26 - Sră Goh 2018

²⁶ Ơ làng bol nđàc sơngit Añ jê, soh tĕ bài sơnò kiat, Mơ pơrlac să tòm bùh. Ñìm ƀồc tĕ kung be neh roh kòn dùl nă, Ñìm rac tĕ dô bă sràt bơtang; Bơh cau phà tơnroh nisơna, rơp tus hơđang bol he.

Jeremi 6:26 Mawu Ofanana

Sơnròp Gơlik Gơs 21:16

mơ khai lòt ngài ngài, mơ nggui pơgap dê dô bồng pañ mơ srào mơ đơs lah: “Mbe añ rgơi ơm sền kòn dềt chơt!” Khai nggui tòm toh tềng hơ̆ mơ ñìm rac.

Sră Jop 15:21

Jơnau driau rngòt bềng trồm tồr bol khai; Tòm bơta pas gơs lơngai lơngò, cau tơnroh rơp brồ tus hơđang bol khai.

Sră Jop 2:8

Jop ai dô nơm nsàng mơngàn nàng kwàc să mơ nggui tòm bùh.

Esai 22:12

Tòm ngai hơ̆ Yàng Jehôwa la Yàng Tom Trồ Gơnap Gơnoar Dờng neh hòi bol mê nàng ñìm rac mơ pơt wòl, nàng dŭi sŏ di bồ mơ soh ƀào sơnò kiat.

Esai 22:4

Gen tàng añ đơs lah: “Pleh mat tĕ bơh añ, lòi añ ñìm rac ròc sràt bơtang. Bañ pơnđơl nàng pơndòm pơniang añ, tài bơh bơta tơnroh cau kòñ gơboh làng bol añ jê.”

Esai 3:24

Rơp gơs ƀô iơh ala ƀô bơlhu; che cap ala ồi kơt but; bồ lòl ala sŏ tơrkồn; bài sơnò kiat ala ồi ào kas màng; tềl lơhò ala bơta hàng mơnĕ.

Esai 30:13

Gen tàng tồi glài do rơp gơlik gơs bol mê in kung be dô bă tiah bơcah dê dơrñang jơnhoa neh dàng mơ ồm lề, mơ gơ rơp tơrlơm dô bă nisơna.

Esai 32:11

Rơm să tĕ, bol ai la ală cau ùr ơm lơngai! Rngòt rơm să tĕ, bol ai la ală kòn ùr kơlôi geh hừh nùs! Hồ tĕ ồi ào bol ai dê mơ ơm să kuh; soh tĕ ƀào sơnò kiat gùt dar but.

Jeremi 12:12

Hơđang jơh ală dòr kơlờl tòm ƀlàng bràs; Cau phà kơñau neh tus; Bơh đào Yàng Jehôwa dê loan lơgar do Bơh bồ do tus hơ bồ ne, Ò gơs dô nă lơi geh lơngap lơngai.

Jeremi 13:17

Mơya dilah bol mê ò bài iat, Hwềng soàn añ rơp ñìm òm bơh bơta jòng să bol mê dê. Mat añ rơp ñìm rac sràt bơtang, mơ dà mat añ gơhòr sùm, Bơh mpồl belàt Yàng Jehôwa dê neh kong kup cèng gơs dĭ.

Jeremi 14:17

Mê yal tĕ bol khai in jơnau do: “Lòi mat añ gơhòr dà mat mang mơ ngai ò dơh; Bơh kòn ơruh làng bol añ jê kong pù lơh lề lac, Sồt rmàñ kơnjơ̆ ngan.

Jeremi 15:8

Ală cau ùr bơnrau bol khai dê sơlo gơbơtơl oă, rlau mơ bràs dàlềng dê. Añ neh cèng cau tơnroh tus tòm gùl ngai, Nàng sò tơm di mè ală cau pơnu dê. Añ neh cèng bơta jê sồt mơ rngòt rngơt, dùh hơđang ală mè dô bă nisơna.

Jeremi 18:22

Lòi cau kơno jơnau nggà bơh hìu bol khai dê, Tŭ Kơnràñ sồr cau phà blah nisơna tus hơđang bol khai! Bơh bol khai neh tò trồm nàng kup añ, mơ neh pơt dă jơng añ in,

Jeremi 30:5

“Yàng Jehôwa đơs be do: ‘Bol he neh kơno jơnau driau nggà rngòt rngơt, ò di jơnau lơngap lơngai.

Jeremi 4:11

Tòm tŭ hơ̆, rơp gơs jơnau đơs mơ làng bol do mơ Jerusalem lah: “Càl duh tus bơh Añ rơp khồm ală dòr kơlờl tòm ƀlàng bràs tus hơ làng bol rƀah Añ jê, mơya ò di nàng tòmpơr kòi, hala puh goh kòi.

Jeremi 4:20

Bơta rung rài ting bàn bơta rung rài, jơh tòm lơgar kong srau gòi; Nisơna ală sàl añ jê neh kong tơnroh, Ală bài kơrnìng añ jê gơcrè tòm dô ơthoa lơm!

Jeremi 4:8

Tài bơh bơta do, ală bol mê soh tĕ ƀào sơnò kiat, Ñìm rac mơ pơt wòl lah: Bơta gơhào gơjrañ dờng Yàng Jehôwa dê òhềt pleh ngài bơh di bol hi.”

Jeremi 6:14

Bol khai pồt tiah sồt rmàñ làng bol Añ jê dô bă ơlă ơlai, Mơ đơs lah: ‘Lơngap lơngai! Lơngap lơngai!’ Mơya ò gơs lơngap lơngai dô êt lơi.

Jeremi 8:19

Iat tĕ! Jơnau driau nggà làng bol nđàc sơngit añ jê, bơh ală tiah ngài ngan tòm lơgar, lah: “Yàng Jehôwa ò gam ơm tòm Siôn ơ? Bơtau khai dê ò gam ơm mơ khai ơ?” “Ñchi bơh tài bol khai bơrcek Añ gơjrañ, mơ rùp pac sềr bol khai dê Mơ rùp ràk làng bơdìh dê taih?”

Jeremi 8:21

Bơh bơta jê sồt làng bol añ jê, añ kung jê sồt; Añ moat jrùng jê sồt mơ rngòt rngơt sơmbat kup añ.

Jeremi 9:1

Ôih! Kơp kòñ bồ añ la dô nơm croh dà, Mat añ la dô nơm tồ dà cat dà mat! Nàng añ in ñìm sùm mang mơ ngai Bơh làng bol añ jê gơkòl tơnchơt.

Jeremi 9:10

Añ rơp ñìm rac pơt wòl bơh ală mơnơm, mơ ñìm rac ròc moat jrùng bơh ƀlàng ñhơt ƀlàng ngềt ngơt dê, Tài bơh gơ neh kong sang lòi srau gòi, tian gơs ò gơs cau lơi lòt gan, mơ ò gam kơno sap kơnrồ, Sềm trồ bal mơ phan poan jơng neh dô lik jơh.

Ñìm Rac 1:16

Behơ̆ tàng añ ñìm rac; mat añ gơhòr dà mat; Bơh cau pơndòm pơniang neh ngài bơh añ, ò gơs cau lơi ai wơl bơta khin cha añ in. Kòn sau añ kong ơm is, bơh cau sò tơm neh pha rlau.

Ñìm Rac 1:2

Khai ñìm rac sràt bơtang tòm trồ mang, dà mat hòr hơđang tơrmồ khai dê. Digùl ală cau khai kòñ gơboh ò gơs cau lơi pơndòm pơniang khai. Jơh ală cau bơyô khai dê tòmdră wơl mơ khai, bol khai gơlik gơs ală cau sò tơm khai dê.

Ñìm Rac 2:11

Mat añ siar roh bơh hòr dà mat, klung añ gơ nggồr; Klung klòm añ gơtuh tơlik tòm ù, tài bơh bơta tơnroh làng bol añ jê. Ală cau kơnòm dềt mơ kòn se, bòl glar òsô tòm ală gùng tòm ƀòn dờng.

Ñìm Rac 3:16

Kơnràñ neh tồl sề añ hơđang lŭ sơngào; mơ lơh añ in bic tơrkồn tòm bùh.

Ñìm Rac 3:48

Mat añ gơhòr dà mat be hiòng, tài bơh bơta tơnroh làng bol añ jê.

Ñìm Rac 4:10

Tê bơta nđàc sơngit ală cau ùr dê, gơm sin ală kòn tòm he dê, Lơh gơs phan sa bol khai in tòm bơta tơrlah tơrlơm làng bol añ jê.

Ñìm Rac 4:3

Bulah ală so rhau kung ai toh tơmpô kòn he; Mơya làng bol añ jê gơlik gơs jàñ bơsak kung be sềm làkđa ơm tòm ƀlàng ngềt ngơt.

Ñìm Rac 4:6

Bơta tồi glài làng bol añ jê dờng rlau mơ bơta tồi glài Sôdôm dê, La ƀòn kong tơrlah tơrling tòm dô ơthoa, ò gơs dô nơm tê lơi ơn hơđang gơ.

Amôs 8:10

Añ rơp pơrlac bơta pơjum sa bol mê dê gơlik gơs bơta pơt wòl, mơ jơh ală bơta đơs chò bol mê dê gơlik gơs bơta ñìm rac. Añ rơp cèng bài sơnò kiat tơntròñ jơh tơl nă bol mê in, mơ koah bồ bol mê dê. Añ rơp lơh gơ in gơlik gơs kung be bơta ñìm ƀồc bơh roh kòn klau dô nă, mơ bơta lồi dut gơ dê kung be dô ngai sràt bơtang.”

Jôna 3:6

Tòm tŭ bơtau Ninibe kơno jơnau hơ̆, khai ñă bơh hơđang sơbàn khai dê, hồ ào jrùh cau bơtau dê, soh ƀào sơnò kiat mơ nggui tòm bùh.

Sacari 12:10

“Mơ Añ rơp tuh tơlik Hwềng bơta nđàc mơ bơta rac dan hơđang hìu Dabit mơ hơđang làng bol Jerusalem. Bol khai rơp sền gŏ Bơtau mơ bol khai neh srơp, mơ bol khai rơp ñìm rac bơh Kơnràñ kung be cau ñìm rac bơh dô nă kòn dùl, mơ ñìm rac sràt bơtang bơh Kơnràñ, kung be cau moat jrùng jê sồt bơh dô nă kòn klau tơnhoa he dê.

Luka 7:12

Dơ̆ neh tus rềp di mpồng ƀòn dờng, ne, cau tùng tơlik dô nă cau chơt, la kòn klau dô nă mè khai dê, la ùr bơnrau; gơs oă cau tòm ƀòn dờng lòt bal mơ khai.

Jakơ 4:9

Moat jrùng tĕ, rac ròc mơ ñìm rac tĕ; gơl tĕ bơta ñŏ gơlik bơta ñìm, gơl tĕ bơta hòn chò gơlik bơta moat jrùng.

Jakơ 5:1

Tŭ do, ơ oh mi la ală cau pas sơm! Ñìm rac tĕ, hòi driau tài bơh ală bơta rung rài rơp tuh hơđang bol mê.