Jeremi 6:25 - Sră Goh 2018

²⁵ Bañ lik lòt tòm ƀlàng sre, Hala lòt tòm gùng, Bơh cau sò tơm gơs dô nơm đào, bơta rngòt rngơt gơs tòm kòp đah.”

Jeremi 6:25 Mawu Ofanana

II Yal Yau 15:5

Tòm ală ngai hơ̆, ò gơs cau lơi rgơi lòt hala rê tòm bơta ring lơngai, tài bơh bơta bòl glar mơ sơlồng sơlàng tòm jơh ală làng bol ơm làm bă tiah.

Sră Jop 18:11

Bơta rngòt rngơt tơn iu bol khai gùt dar, ting jat kòp cơnđòa khai dê.

Đơs Crih 31:13

Ngan, añ kơno jơnau đơs joh lah oă cau dê; Làm jơh gùt dar gơs bơta rngòt rngơt, Tòm tŭ bol khai tòmbơyai sò tơm di añ, kòñ tơnroh bơta kis añ jê.

Esai 1:20

Mơya dilah bol mê tòmdră mơ sang lòi, gen bol mê rơp gơkòl đào sa loan, bơh bơr Yàng Jehôwa dê neh đơs behơ̆.”

Jeremi 14:18

Dilah añ lik lòt tòm ƀlàng sre, Gen gŏ ală cau kong tơnchơt bơh đào; Dilah añ mut tòm ƀòn dờng, Gen gŏ ală cau kòp jê bơh jơgloh rung. Ală cau gơnoar hwơr mơ ală cau ơn phan duh khoai kư̆ lơh broă kă bro làm lơgar mơ ò gơs bơta git wă.”

Jeremi 20:10

Bơh añ neh kơno ală jơnau đơs chều oă cau dê, Kìr rngòt kòp bă tiah! “Yă tĕ khai! Bol he yă tĕ khai!” Ală cau bơyô dềt mềr añ jê kơp kòñ añ gơtup pừ, bol khai đơs lah: “Digơlan khai rơp gơkòl pơrlồm, gen bol he rơp pha lin rlau mơ khai, Mơ sal tê di khai.”

Jeremi 30:5

“Yàng Jehôwa đơs be do: ‘Bol he neh kơno jơnau driau nggà rngòt rngơt, ò di jơnau lơngap lơngai.

Jeremi 4:10

Gen añ đơs: “Ôih! Khoai Jehôwa Yàng Tom Trồ! Ngan Yàng neh pơrlồm làng bol do mơ Jerusalem, mơ đơs lah: ‘Bol mê rơp geh lơngap lơngai,’ bulah đào neh ơm di ngko bol hi!”

Jeremi 4:5

Yal tơlik tĕ tòm Juda, yal tơnggit tĕ tòm Jerusalem lah: “Uh tĕ kơlwòk làm lơgar, driau dờng tĕ mơ đơs lah: ‘Pơjum dô bă bal tĕ, mơ bol he lòt lă mut tòm ală ƀòn dờng kơ̆ cê!’

Jeremi 46:5

Ñchi bơta Añ neh gŏ taih? Bol khai rngòt rngơt, ruc wơl; Ală ling kong lơh gơprah gơpring, sơrbac sơrbang ntoat dô ò sền wơl đah ngkòi. Bơta rngòt rngơt làm jơh gùt dar, Yàng Jehôwa đơs behơ̆.

Jeremi 49:29

Tòmpìt ală sàl mơ mpồl phan poan jơng bol khai Tă cèng jơh ală bài kơrnìng mơ ală phan, Cèng jơh ală làkđa bol khai dê bol mê in, Mơ cau rơp kơno driau dờng: ‘Bơta rngòt rngơt gùt dar!’”

Jeremi 49:5

Yàng, la Yàng Jehôwa Gơnap Gơnoar, đơs: “Ne, Añ rơp cèng bơta rngòt rngơt Bơh kòp bă tiah tus hơđang ai; Kòp nă tòm bol ai rơp kong bơtrơh mơ ntoat dô, ò gơs cau lơi tơrgòm wơl ală cau ntoat dô.

Jeremi 8:14

Ñchi bơh tài bol he gam nggui taih? Pơjum tĕ bal mơ gơp, bol he mut lă tòm ală ƀòn kơ̆ cê, mơ kong roh rui tềng hơ̆! Bơh Jehôwa Yàng Tom Trồ bol he dê neh lơh nền bol he in kong roh rui, neh ai bol he in hùc dà bih khih, Bơh bol he neh tìs glài tòmdră mơ Yàng Jehôwa.

Jeremi 8:15

Bol he kơp kòñ bơta lơngap lơngai, Mơya jòi bàn bơta ò niam; Kơp gơn tŭ tơngai sơmbòi, Mơya bơta rngòt rngơt tus.

Ñìm Rac 2:22

Kơnràñ neh hòi jà ală cau sò tơm añ jê bơh ală tiah gùt dar, kung be dô ngai pơjum sa chò hòp. Mơ tòm ngai gơjrañ dờng Yàng Jehôwa dê, ò gơs cau lơi geh klàs hala gam kis. Hơ̆ la ală cau añ neh deh mơ ròng siam, cau sò tơm añ jê neh tơnroh jơh.

Ejekiel 21:17

Añ kung rơp tàp tê, Añ rơp lơh hừh bơta gơjrañ dờng Añ jê. Să tòm Añ la Yàng Jehôwa đơs behơ̆.”

Ejekiel 7:18

Bol khai rơp soh ƀào sơnò kiat, mơ rơp soh bơta rngòt rngơt. Muh mat bol khai dê rơp kong jơm gòm mơ bơta ƀàssìl ƀàsso, mơ bồ bol khai rơp kong koah.

Luka 19:43

Bơh ală ngai rơp gơlik tus mê in, la tŭ ală cau sò tơm lơh dơrñang gơrwàng gùt dar mê, mơ rềt kơ̆ mê bơh kòp đah.