Jeremi 6:23 - Sră Goh 2018

²³ Bol khai jơh tơl nă at àtak mơ đào, bol khai iơh bơsak ngan, ò gơs nùs nđàc sơngit. Sap bol khai nggồr kung be dàlềng, Bol khai hào hơđang ală ơseh; rcang rơndap sèng kung be cau ling lòt tòmlơh Mơ tòmdră mơ ai, Ơ kòn ùr Siôn!”

Jeremi 6:23 Mawu Ofanana

Esai 10:32

Di di ngai hơ̆ bol khai rơp ơm dơh wơl tòm Nôp, bol khai rơp pò tê tòmdră mơ mơnơm kòn ùr Siôn dê, mơ tòmdră mơ dòr Jerusalem dê!

Esai 13:18

Àtak bol khai dê rơp tơnchơt ală cau pơnu, bol khai ò nđàc sơngit di kòn se, gar mat bol khai ò nđàc di ală kòn dềt.

Esai 17:12

Ơ hơh! Ală làng bol gal lơh nggồr nggàc ngan, gơ ntơr kung be dàlềng nggồr! Ơ hơh! Ală lơgar driau dờng nggồr nggàc ngan, bol khai driau nggà kung be ală dà hòr pràn!

Esai 19:4

Añ rơp phi cau Ejiptơ tòm gơnoar cau tòm iơh bơsak, mơ dô nă cau bơtau iơh bơsak rơp at bồ bol khai,” Yàng Jehôwa la Yàng Gơnap Gơnoar Dờng đơs behơ̆.

Jeremi 25:32

Yàng Jehôwa Gơnap Gơnoar đơs be do: ‘Sền tĕ, bơta rung rài neh rsìh làm jơh, Bơh lơgar do tus hơ lơgar ne; Mơ càl rbut dờng neh gơlơnggac. Bơh tiah ngài rlau jơh plai ù dê.’

Jeremi 25:9

do, Añ rơp sồr ală jơi bơtiàn đah đang bal mơ dĭ gơna Añ la Nebukatnessar, bơtau Babilôn, tus tòmdră mơ lơgar do, tòmdră mơ làng bol gơ dê, mơ ală lơgar ơm gùt dar. Añ rơp tơnroh jơh bol khai, lơh bol khai in gơlik gơs bơta cù kìr, dơñŏ tơnhial, mơ tơrlah tơrling sùm sùm.

Jeremi 30:14

Ală cau kòñ gơboh mê neh hŭi mê, Ò kơlôi rcang mê in dô êt lơi; Bơh Añ neh lơh mê kong sồt kung be cau sò tơm lơh, Lơh glài mê kung be cau rhung rhang lơh glài, Tài bơh bơta tìs glài mê dờng ngan, Tồi glài mê oă ngan.

Jeremi 4:13

Ne, khai rơp guh kung be dô puk mhwal, Rơndeh tòmlơh khai ò gơkrơi kung be càl wàl bong, Ơseh khai sơrbac sơrbang be klàng bung. Dồn sa rƀah bol hi in, bơh bol hi gơkòl tơnroh!

Jeremi 4:16

Yal tơnggit tĕ ală lơgar in, “Gơs bol khai tềng do! Yal tĕ Jerusalem in lah: ‘Cau gơrwàng tus bơh tiah ngài, driau nggà tòmdră mơ ală ƀòn dờng Juda dê.

Jeremi 4:29

Tŭ kơno ntas ling hào ơseh, mơ ling pañ sơna, Jơh ală cau tòm ƀòn dờng ntoat dô; Bol khai mut tòm rlau chi, hào hơđang ală pơnai lŭ; Jơh ală ƀòn dờng kong sang lòi, Ò gơs dô nă cau ơm tòm ală ƀòn dờng hơ̆.

Jeremi 5:16

Ding kam bol khai tòm toh kung be bơtô ƀồc pò tơlik; Jơh ală bol khai la ală cau ling jak tòmlơh.

Jeremi 50:41

Ne, dô làng bol tus bơh đah đang; dô lơgar dờng mơ oă cau bơtau, bơh ală tiah ngài ngan plai ù dê geh chồl tus.

Jeremi 50:42

Bol khai at àtak mơ tà, bol khai jàñ bơsak ò gơs nùs nđàc sơngit. Sap bol khai kung be dàlềng nggồr; Bol khai hào ơseh mơ tus, ơm jat tap sèng rcang nàng tòmlơh. Ơ, kòn ùr Babilôn.

Jeremi 6:4

Rcang tĕ bơta kơlìn tòmdră mơ gơ! “Ñă, mơ bol he brồ lơh tĕ di tŭ trồ gùl ngai! Bòl glar bol hi in bơh ngai mòr lồi, Mƀur trồ mho dê neh jòng!

Jeremi 8:16

Ntas sap ơseh hòi neh kơno bơh Dan; kơno sap ơseh tòmlơh ơhih, làm jơh ù tiah lơnggơr; Bơh bol khai neh tus, sa loan ù mơ ală phan gơlik bơh ù, sa loan ƀòn mơ jơh làng bol ơm tòm gơ.

Ejekiel 21:31

Añ rơp tuh bơta gơjrañ dờng Añ jê hơđang bol mê mơ khồm ồs bơta gơjrañ Añ jê hơđang bol mê, Añ rơp jào phi bol mê tòm tê ală cau iơh rmơh ngan, jak chài tòm bơta tơnroh.

Yal Wơl 28:49

Yàng Jehôwa rơp cèng tus dô nơm làng bol bơh di tiah ngài lòt tus tòmdră mơ bol mê, bơh di ală tiah lồi plai ù, kung be dô nơm sềm klàng bung bơh đang par mù tus hơđơm, dô nơm làng bol mơ bol mê ò git wă jơnau đơs bol khai dê,