Jeremi 6:16 - Sră Goh 2018

¹⁶ Yàng Jehôwa đơs be do: “Ntào tĕ hơđang ală sơnah gùng, mơ sền; mơ lùp bơh ală gùng rài yau, Ntềng đah gùng niam ơm gen lòt tĕ tòm hơ̆, mơ jòi bàn bơta rlô bòl hwềng soàn bol mê in. Mơya bol khai đơs lah: ‘Bol hi rơp ò lòt tòm gùng hơ̆.’

Jeremi 6:16 Mawu Ofanana

I Ală Bơtau 8:36

gen dan Yàng ơm đang trồ iat tĕ, toh glài ală dĭ gơna Yàng, mơ làng bol Israel Kơnràñ in, tòm tŭ Yàng bơto bol khai in gùng niam hơ̆ la gùng bol khai pal lòt, mơ ai mìu hơđang ù tiah Yàng dê mơ Kơnràñ neh ai làng bol Kơnràñ in lơh gơs sre brê.

II Yal Yau 19:11

Do, Amaria cau gơnoar ơn phan duh khoai rơp lam bồ bol mê tòm ală bơta gơwèt hơ Yàng Jehôwa, mơ Jebadia kòn klau Ismael, cau lam bồ jơi bơtiàn Juda dê, rơp lam bol mê tòm ală bơta gơwèt hơ cau bơtau, mơ cau Lebi rơp duh broă bol mê be ală cau kwang. Lơh khin cha tĕ mơ lơh jat ală jơnau nting sồr do mơ dan Yàng Jehôwa ơm bal mơ ală cau song ring.”

Đơs Crih 116:7

Ơ hwềng soàn añ jê, rê wơl tĕ di tiah rlô bol mê dê, Tài bơh Yàng Jehôwa neh gơwèt niam mơ mê.

Esai 2:5

Ơ hìu Jakôp, tus tĕ, bol he cơnđòa lòt tĕ tòm bơta àng Yàng Jehôwa dê.

Esai 28:12

Kơnràñ neh đơs mơ bol khai lah: “Do la tiah rlô bòl, lòi tĕ ală cau bòl glar rlô bòl: do la tiah ơm ring ngềt.” Mơya bol khai ò bài iat.

Esai 30:21

Bulah bol mê pơrlac đah ma hala đah kiau, tồr bol mê rơp kơno gơs sap đơs đah ngkòi bol mê lah: “Do la gùng, lòt tĕ tòm hơ̆!”

Esai 46:9

Kah tĕ ală bơta bơh yau òr; Añ la Yàng Tom Trồ, mơ ò gơs yàng lơi ndai tai; Añ la Yàng Tom Trồ, mơ ò gơs cau lơi ndròm bal be Añ.

Esai 57:2

mơ bol khai mut tòm bơta lơngap lơngai; bol khai la ală cau lòt tòm bơta song ring; bol khai geh rlô bòl hơđang cơnòng bic bol khai dê.

Esai 8:20

bơh bơta bơto sồr mơ bơh bơta nting sồr ơ?” Ngan, ală cau đơs behơ̆ rơp ò gơs àng drim!

Jeremi 12:16

Dilah bol khai ngac ngar bơtê gùng dà làng bol Añ jê, ai sơnđan Añ mơ srat să lah: ‘Ngan kung be Yàng Jehôwa kis gam sùm sùm!’ Kung be bol khai neh bơto làng bol Añ sơnio Baal mơ srat să, gen bol khai rơp geh bơt bơtào digùl làng bol Añ.

Jeremi 18:12

Mơya bol khai đơs lah: ‘Hơ̆ la bơta ò kwơ! Bol hi kư̆ jat bơta rơndap bol hi dê; mơ kòp nă tòm bol hi rơp lơh jat bơta kră kơldang nùs iơh bol hi dê.’”

Jeremi 18:15

Mơya làng bol Añ neh hŭi Añ; Chu kơlhô rùp ràk ma blac in La rùp ràk lơh bol khai gơtup pừ tòm gùng bol khai dê, Tòm gùng lòt bơh rài yau òr, Lòt tòm gùng òhềt rcang wàs Mơ ò di gùng dờng.

Jeremi 2:25

Kơrmap gàr tĕ jơng mê bañ lòt jơng gòi, Mơ ngko rnồng mê bañ tơhìr! Mơya mê đơs lah: ‘Hơ̆ la ò gơs gơn kơnòm! Bơh añ neh kòñ gơboh ală cau crih mat, Mơ añ rơp jat bol khai.’

Jeremi 22:21

Añ neh đơs mơ mê tòm tŭ mê ơm tòm bơta bơtoah bơtoài; mơya mê đơs lah: ‘Añ ò bài iat.’ Do la gùng dà mê bơh tŭ kơnòm să, Mê neh ò dòn jơnau Añ.

Jeremi 31:21

“Bơtào tĕ ală tềl sơnio gùng, Lơh tĕ bol mê in ală jrong sơnio gùng. Đal git nền ală gùng me, La gùng bol mê neh lòt. Ơ cau ơruh dềt Israel, rê wơl tĕ Rê wơl hơ ală ƀòn dờng bol ai dê!

Jeremi 42:3

Dan Jehôwa Yàng Tom Trồ ồng dê sơnio bol hi in tềng đah bol khai pal lòt mơ ñchi broă bol hi pal lơh!”

Jeremi 44:16

“Bơh bơta ồng ai sơnđan Yàng Jehôwa đơs mơ bol hi, gen bol hi ò bài iat ò.

Jeremi 50:5

Bol khai wèt mat hơ Siôn, lùp còp bơh gơ, bol khai lòt tus ring lơngai mơ Yàng Jehôwa bơh dô bơta ho bal sùm sùm rơp ò tŭ lơi hŭi.

Jeremi 7:23

Mơya, gơnoar sồr do Añ neh ai bol khai: ‘Iat tĕ jơnau Añ, gen Añ rơp lơh gơs Yàng Tom Trồ bol mê dê, bol mê rơp lơh gơs làng bol Añ jê; mìng lòt tĕ tòm gùng dà Añ neh sồr bol mê, nàng bol mê in geh lơngai lơngò.’

Jeremi 7:24

Mơya bol khai ò dòn bơr, mơ ò ai tồr iat, kư̆ kơldang nùs tòm bơta iơh bơsak nùs kòñ bol khai dê, bol khai cơnđòa lòt tòm bơta kơlôi bơyai is bol khai dê, mơ tơnggòr hơ ngkòi, ò cơnđòa lòt hơđap.

Jeremi 7:3

Yàng Jehôwa Gơnap Gơnoar, Yàng Tom Trồ Israel dê, đơs be do: Rcang niam wơl tĕ ală gùng dà mơ broă lơh bol mê; mơ Añ rơp ơm mơ bol mê tòm tiah do.

Malaci 4:4

“Kah wơl tĕ bơta bơto sồr dĭ gơna Añ jê la Môise, ală bơta sồr lam mơ boh lam mơ Añ neh ai khai in hơđang mơnơm Hôrep, nàng ai jơh làng bol Israel in.

Luka 16:29

Mơya Abraham đơs lah: ‘Bol khai neh gơs Môise mơ ală cau gơnoar hwơr rau; bol khai pal iat bol hơ̆.’

Jang 12:35

Yàng Jesu ho lah: “Bơta àng gam ơm digùl bol mê dô êt jŏ tai. Lòt tĕ tòm tŭ bol mê gam gơs bơta àng, rngòt bơta klam jơngo nisơna jơm gòm bol mê mòn; Cau lơi lòt tòm bơta klam jơngo gen ò git he lòt tiah lơi.

Jang 13:17

Dilah bol mê git ală bơta do mơ lơh jat, gen geh lơngai.

Jang 5:39

Bol mê sền sơwì Sră Goh, bơh kơlôi tòm hơ̆ gơs bơta kis gam sùm sùm; hơ̆ la Sră Goh lơh cơng bơh Añ;

Broă 17:11

Ală cau ơm tềng hơ̆ git jơnau rlau mơ ală cau ơm tòm Tesalônika, bol khai kơno jơnau Yàng dô bă ngac ngar, kòp ngai kung sền sơwì Sră Goh, nàng lòng sền jơnau Pol bơto sồr hơ̆ la ngan hala ò.

Rôma 4:12

mơ kung lơh gơs bèp ală cau kong siat gơltau dê, hơ̆ la ală cau ò di mìng kong siat gơltau lơm ò, mơya kung kis jat krơh bơta dòn Abraham la ồng pàng bol he dê neh gơs lài mơ tŭ òhềt kong siat gơltau.

Yal Wơl 32:7

Kah wơl tĕ ală ngai yau òr, kơlôi tĕ bơh ală rài neh rlau jŏ rau. Lùp tĕ bèp bol mê dê mơ khai rơp yal bol mê in, Lùp tĕ ală cau kwang kra bol mê dê gen bol khai rơp yal tơlik bol mê in.

Kôlôse 2:6

Behơ̆ oh mi neh dòp Krist Jesu la Yàng, gen lơh lòt tĕ tòm Kơnràñ behơ̆ sơl.

Hebrơ 11:2

Ngan kơnòm di bơta dòn mơ ală cau rài yau neh geh lơh cơng niam.

Hebrơ 6:12

tồ oh mi in ò lơh alah, mơya oh mi đòm jat ală cau gơs bơta dòn mơ bơta ơt ơl nàng pơrdòn jơnau ho pơgon.

Ală Kwang Cahrña 2:17

Bulah behơ̆, bol khai ò iat ală cau kwang cahrña bol khai dê, bơh bol khai hàm kòñ jat ală yàng ndai mơ cùn khoai bol gơ. Bol khai mhar ngan sang gùng ală ồng pàng bol khai neh lòt, la ală cau lơh jat ală jơnau gơnoar sồr Yàng Jehôwa dê, bol khai ò đòm krơh ală ồng pàng bol khai dê.