Jeremi 6:15 - Sră Goh 2018

¹⁵ Bol khai lơh broă bềng bơta ƀàssìl, mơ tìs glài iơh rmơh; Mơya bol khai ò git ƀàssìl. Bol khai ò dum mat ƀàssìl dô êt lơi. Gen tàng bol khai rơp gơpừ digùl ală cau gơpừ. Di di tŭ Añ lơh glài bol khai, bol khai rơp kong tuh tơlup.” Yàng Jehôwa đơs behơ̆.

Jeremi 6:15 Mawu Ofanana

Sơnròp Gơlik Gơs 19:34

Ngai hìng bi đơs mơ oh lah: “Do, mang ti añ neh bic mơ bèp rau, mang do he tơñô tơrnòm bèp in tai, gen ai lòt bic tĕ bal mơ khai nàng lòi gơs sơntìl bèp dê.”

Lik Ejiptơ 32:34

Tŭ do, lòt tĕ, lam làng bol lòt tus di tiah Añ neh đơs, mơ cau gơnrơh Añ jê rơp lòt lài mơ mê. Bulah behơ̆, tòm tŭ tus di tŭ tơngai lơh glài gen Añ rơp lơh glài tài bơh tồi glài bol khai dê.”

Jơnau Pơnđik 29:1

Cau lơi kong lah pơrhơng sùm, gam kơldang bồ, rơp kong roh gơcoh nisơna, ò rgơi geh sơmbòi.

Esai 10:4

Bol khai mìng kun tơnliah să digùl ală cau ơm jàm, hala gơpừ digùl ală cau gơkòl tơnchơt. Bơh jơh ală bơta hơ̆, bơta gơjrañ Kơnràñ dê kung ò wèt ngài, tê Kơnràñ dê gam pò tơlik.

Esai 3:9

Muh mat bol khai lơh cơng tòmdră wơl mơ bol khai; bol khai ràng tơlik tồi glài bol khai dê be Sôdôm neh lơh; bol khai ò rgơi pồn gơ. Bòl glar bol khai in! Bơh bol khai neh cèng bơta rung rài hơđang să tòm bol khai.

Jeremi 14:15

Gen tàng, Yàng Jehôwa đơs be do bơh ală cau gơnoar hwơr ai sơnđan Añ mơ đơs hwơr, bulah Añ òhềt sồr, mơ bol khai đơs lah: “Đào tà mơ bơta jơgloh rung rơp ò tus hơđang tiah do.” Să tòm ală cau gơnoar hwơr hơ̆ rơp kong tơnroh bơh đào tà mơ bơta jơgloh rung.

Jeremi 18:23

Ơ Yàng Jehôwa, Kơnràñ git jơh kai gơrmơ̆i bol khai dê nàng tơnchơt añ. Dan bañ toh bơta iơh bơsak bol khai dê, Bañ jùt tồi glài bol khai dê bơh di đap mat Kơnràñ; Lòi bol khai gơtup pừ di đap Kơnràñ; Dan lơh di bol khai tòm ngai gơhào gơjrañ Kơnràñ dê!

Jeremi 23:12

Gen tàng gùng bol khai Rơp kung be tiah ntiar tòm klam jơngo, Rơp kong bơtrơh mơ gơtup gơpừ, Bơh Añ rơp tơndùh bơta rung rài hơđang bol khai, Di sơnam lơh glài bol khai dê.” Yàng Jehôwa đơs behơ̆.

Jeremi 3:3

Behơ̆ tàng mìu nhàc neh kòl krơ̆ wơl, mơ mìu bồ sơnam kung ò tus. Mơya mê gam pò bìng liang kung be cau ùr dri tơlàr; Ò git ƀàssìl.

Jeremi 44:10

Bol khai ò tơnliah să jơl tus ngai do, ò duh rngòt, ò lòt jat bơta boh lam gơnoar sồr Añ neh ơn di đap bol mê mơ ồng pàng bol mê dê.’

Jeremi 5:29

Yàng Jehôwa đơs: “Añ rơp ò lơh glài bol khai bơh ală bơta hơ̆ ơ? Mơ Añ rơp ò cèng bơta sal tê hơđang dô nơm lơgar behơ̆ ơ?

Jeremi 5:9

Añ rơp ò lơh glài bơh ală bơta hơ̆ ơ? mơ Añ rơp ò cèng bơta sal tê lơh glài, hơđang dô nơm lơgar behơ̆ ơ? Yàng Jehôwa đơs behơ̆.

Jeremi 8:12

Bol khai neh lơh broă ƀàssìl ngan, bol khai tìs bơta cù kìr, mơya bol khai ò git ƀàssìl ƀàsso bol khai ò gơlơh dum mat sơl. Behơ̆ gen tàng, bol khai rơp gơpừ bal mơ ală cau gơtup pừ. Tus di ngai Añ lơh glài bol khai, bol khai rơp kong tuh tơlup.’” Yàng Jehôwa đơs behơ̆.

Jeremi 8:9

Ală cau jak chài rơp gơkòl ƀàssìl, bol khai rơp gơdô nùs, mơ gơkòl kup cèng. Bơh di tŭ bol khai neh sang lòi jơnau Yàng Jehôwa dê; ñchi bơta jak chài gam ơm tòm bol khai taih?

Ejekiel 13:14

Añ rơp sòr tơrlah dơrñang mơ bol mê neh pih mơ cùr bò, mơ rơp tơmù gơ tus di ù, tian gơs mpòl mơnàng gơ. Tòm tŭ gơpừ tơrlah, bol mê rơp kong tơnroh tòm dơlam gơ, mơ bol mê rơp git lah Añ la Yàng Jehôwa.

Ejekiel 2:4

Jơi bơtiàn dờng nùs mơ kơldang bồ. Añ sồr mi lòt tus hơ bol khai. Đơs tĕ mơ bol khai lah: ‘Do la jơnau đơs Yàng Jehôwa Gơnap Gơnoar Hơđang Rlau Jơh dê.’

Ejekiel 24:7

Bơh mhàm mơ khai neh lơh gơhòr gam ơm tòm dơlam gơ; Khai neh ơn gơ hơđang dô pơnai lŭ mpòl; khai ò tuh gơtòm ù nàng bồr gơ mơ ù.

Sră Ôse 4:5

Mê rơp gơtup pừ tòm trồ ngai, mơ ală cau gơnoar hwơr kung gơtup pừ bal mơ mê tòm trồ mang sơl. Behơ̆ Añ rơp tơnroh mè mê dê.

Sră Ôse 9:7

Ală ngai lơh glài neh tus rau! Ală ngai sal tê neh tus rau! Israel ñìm nggà. Cau gơnoar hwơr gơlik bơrngơl gơla, cau gơs hwềng Yàng gơlik sơnrang sơnrồng, tài bơh tồi glài bol mê dê la kơnjơ̆ ngan, mơ bơta sòdră bol mê dê la dờng.

Mice 3:6

Gen tàng trồ mang rơp tus hơđang bol mê, ò gơs bơta gơtơnggŏ, mơ bơta klam jơngo, ò gơs jơnau yal tơlik. Mattơngai rơp ñơp hơđang ală cau gơnoar hwơr, mơ trồ ngai rơp gơlik jơngo hơđang bol khai.

Mice 7:4

Cau niam rlau jơh tòm bol khai la kung be lò mrơt, cau song ring rlau jơh la iơh rlau mơ pơnggàr lò. Ngai ală cau kơp gàr bol khai dê, hơ̆ la ngai bơta lơh glài bol khai dê neh tus rau. Tŭ do bơta sơlồng sơlàng bol khai dê neh tus rềp rau.

Sôphôni 2:1

Ơ làng bol ò git ƀàssìl ƀàsso, pơjum bal tĕ, pơjum bal tĕ,

Sôphôni 3:5

Yàng Jehôwa ơm digùl gơ la song ring, Kơnràñ ò lơh bơta lơi tìs. Kòp àng drim Kơnràñ cahrña song ring Kơnràñ dê, kòp rìng àng kư̆ dòn song, mơya cau ò song ring ò git ƀàssìl.

Sacari 13:4

Tòm ngai hơ̆, kòp nă cau gơnoar hwơr rơp ƀàssìl bơh bơta gơtơnggŏ đơs hwơr khai dê; khai rơp ò soh ồi ào mơ sơnò be cau gơnoar hwơr nàng pơrlồm cau tai.

Mathiơ 15:14

Lòi tĕ dò bol khai; bol khai la cau jơngo mơ lam gùng. Dilah cau jơngo lam cau jơngo, gen jơh bàr nă rơp dùh tòm trồm tơrluh.”

Philip 3:19

Bơta lồi dut bol khai dê la bơta roh rui, yàng bol khai dê la kơndul, bơta gơklŏ bol khai dê hơ̆ la bơta ƀàssìl ƀàsso bol khai dê, bol khai mìng kơlôi bơh broă dunnia dê lơm.