Jeremi 6:14 - Sră Goh 2018

¹⁴ Bol khai pồt tiah sồt rmàñ làng bol Añ jê dô bă ơlă ơlai, Mơ đơs lah: ‘Lơngap lơngai! Lơngap lơngai!’ Mơya ò gơs lơngap lơngai dô êt lơi.

Jeremi 6:14 Mawu Ofanana

II Samuel 17:3

mơ añ rơp lam jơh làng bol rê wơl mơ ồng be dô nă cau ƀan rê wơl hơ hìu bau klau khai dê. Bơta chơt dô nă cau mơ ồng neh ting jat hơ̆ rơp lơh jơh tơl nă rê wơl; jơh làng bol rơp ò kong jê sồt.”

Esai 1:6

Bơh kơndòl jơng jơl tus di bồ, ò gơs tiah lơi gam niam, mìng gơs tềl sồt, tềl brơp, mơ tềl sồt mhàm ur pù lơh, òhềt rañ, hala pồt sơm, hala bong mơñà nàng geh rài bơta jê sồt.

Esai 30:10

Bol khai đơs mơ ală cau sền bơta gơtơnggŏ lah: “Bañ sền tai!” mơ đơs mơ ală cau gơnoar hwơr lah: “Bañ đơs hwơr bol hi in ală bơta di ngan! Yal tĕ bol hi in ală jơnau bơkah tồr, đơs hwơr tĕ bơh ală bơta ò gơs ngan.

Esai 30:26

Mat kơnhai rơp àng kung be mattơngai, mơ bơta àng mattơngai dê rơp àng poh dơ̆ rlau, be bơta àng poh ngai wil tơl, tòm ngai Yàng Jehôwa pùt ală tiah sồt làng bol Kơnràñ dê mơ sơmbòi tềl sồt mơ Kơnràñ neh lơh di bol khai bơh nhơm khồm Kơnràñ dê.

Jeremi 14:13

Gen añ đơs lah: “Ô! Yàng Jehôwa, do ală cau gơnoar hwơr đơs mơ bol khai lah: ‘Bol mê rơp ò gŏ đào tà, hala mê rơp ò gơs jơgloh rung; mơya añ rơp ai bol mê in bơta lơngap lơngai song ngan tòm tiah do.’”

Jeremi 14:17

Mê yal tĕ bol khai in jơnau do: “Lòi mat añ gơhòr dà mat mang mơ ngai ò dơh; Bơh kòn ơruh làng bol añ jê kong pù lơh lề lac, Sồt rmàñ kơnjơ̆ ngan.

Jeremi 23:17

Bol khai kư̆ yal mơ cau sền òsơp di Añ lah: ‘Yàng Jehôwa đơs, bol mê rơp geh lơngap lơngai.’ Kung đơs mơ ală cau cơnđòa jat bơta kơldang nùs he dê lah: ‘Ò gơs bơta rung rài lơi rơp gơtơntus hơđang bol mê.’

Jeremi 28:3

Tòm bàr sơnam wil tơl, jơh ală phan ngui hìu Yàng Jehôwa dê mơ Nebukatnessar, bơtau Babilôn, neh tă tơlik bơh tiah do cèng tus hơ Babilôn, gen Añ rơp cèng rê wơl tòm tiah do.’

Jeremi 4:10

Gen añ đơs: “Ôih! Khoai Jehôwa Yàng Tom Trồ! Ngan Yàng neh pơrlồm làng bol do mơ Jerusalem, mơ đơs lah: ‘Bol mê rơp geh lơngap lơngai,’ bulah đào neh ơm di ngko bol hi!”

Jeremi 5:12

Bol khai neh pơndang sang Yàng Jehôwa, Mơ đơs lah: “Kơnràñ rơp ò lơh bơta lơi! Bơta rung rài rơp ò tus hơđang bol he; mơ bol he rơp ò sền gŏ đào hala bơta jơgloh rung.”

Ñìm Rac 2:14

Ală cau gơnoar hwơr ai yal ai in ală bơta ma blac mơ gơtơnggŏ blac pơrlồm. Bol khai ò yal tơlik tồi glài ai, nàng tơm wơl bơta lơngai lơngò bol ai dê, Mơya mìng yal ai in git ală jơnau đơs hwơr ma blac mơ tìs nrah.

Ejekiel 13:10

Tài bơh, ngan bol khai neh lam làng bol Añ jê lòt tìs nrah tòm tŭ đơs lah: ‘Ring lơngai,’ mơya ò gơs bơta ring lơngai dô êt lơi; mơ tòm tŭ làng bol bơt dô nơm dơrñang, bol khai pih cùr bò hơđang gơ.

Ejekiel 13:16

hơ̆ la ală cau gơnoar hwơr Israel dê neh đơs hwơr mơ Jerusalem, sền ală bơta gơtơnggŏ ring lơngai gơ in tòm tŭ ò gơs ring lơngai, Jehôwa Yàng Tom Trồ đơs behơ̆.”’

Ejekiel 13:22

Tài bơh bol ai neh ai bơta đơs blac lơh gơplơ̆ nùs cau song ring tòm tŭ Añ ò lơh bol khai in moat jrùng, mơ tài bơh bol ai chồl nùs cau iơh bơsak nàng bol khai ò rê wơl bơh di ală gùng iơh bol khai dê tồ dong klàs bơta kis bol khai dê,

Ejekiel 14:9

Dilah cau gơnoar hwơr gơkòl pơrlồm ơniai mơ đơs dô jơnau, gen Añ, Yàng Jehôwa neh lòi cau gơnoar hwơr hơ̆ gơkòl pơrlồm ơniai, mơ Añ rơp pò tê tòmdră mơ khai, mơ tơnroh khai bơh digùl làng bol Israel Añ jê.

Mice 2:11

Dilah gơs dô nă cau đơs blac pơrlồm tus đơs lah: “Añ rơp bơto bol mê in bơh tơrnòm mơ phan ñô lơh bơñul,” gen cau hơ̆ rơp lơh gơs cau bơto làng bol do in!

Mice 3:5

Do la jơnau Yàng Jehôwa đơs bơh ală cau gơnoar hwơr neh lam làng bol Añ jê tìs nrah, la cau hòi driau lah: “Ring lơngai!” Tòm tŭ bol khai ò gơs phan lơi nàng sa, gen bol khai yal tơnggit bơta kơlìn tòmdră mơ cau lơi ò cèng phan lơi bol khai in sa.

I Tesalônika 5:3

Tòm tŭ cau đơs: “Ring lơngai mơ lơngap lơngai,” gen bơta tơnroh nisơna tus hơđang bol khai be bơta jê deh gơtơntus cau ùr bun in, mơ bol khai ngan ò geh pleh klàs ò.

II Pier 2:1

Mơya, kung be tòm làng bol neh gơs cau gơnoar hwơr ma blac bơtào tơngguh, gen kung rơp gơs cau bơto ma blac tòm oh mi sơl; bol khai rơp bơto òm ală gùng duh khoai tìs mơ tơnroh cau, tian gơs pơndang sang Yàng neh rwat bol khai; bol khai cèng is bơta roh rui mhar ngan să tòm bol khai in.