Jeremi 6:13 - Sră Goh 2018

¹³ “Bơh tòm bol khai bơh cau dềt rlau jơh tus di cau dờng rlau jơh, kòp nă cau la hàm hà jòi cồng nha ò song ring, mơ cau gơnoar hwơr jơl tus cau gơnoar ơn phan duh khoai, jơh tơl nă lơh lòt ma blac.

Jeremi 6:13 Mawu Ofanana

Esai 28:7

Mơ ală cau do kung gơsèng bơh tơrnòm ño, gơpơyơng bơh tơrnòm pràn: Cau gơnoar ơn phan duh khoai mơ cau gơnoar hwơr lòt gơtòmsèng bơh tơrnòm pràn, bơñul ñô tơrnòm ño; bol khai sơwing bồ tài bơh tơrnòm pràn, bol khai lu li tòm tŭ sền ală bơta gơtơnggŏ, bol khai gơtup tìs tòm tŭ cahrña.

Esai 57:17

Tài bơh bơta hàm hà iơh bơsak bol khai dê Añ neh gơhào gơjrañ; Añ neh pòng lơh bol khai, mơ Añ neh pồn mat tòm tŭ gơjrañ, mơya khai kư̆ lòt tòm ală gùng jat nùs is bol khai dê.

Jeremi 14:18

Dilah añ lik lòt tòm ƀlàng sre, Gen gŏ ală cau kong tơnchơt bơh đào; Dilah añ mut tòm ƀòn dờng, Gen gŏ ală cau kòp jê bơh jơgloh rung. Ală cau gơnoar hwơr mơ ală cau ơn phan duh khoai kư̆ lơh broă kă bro làm lơgar mơ ò gơs bơta git wă.”

Jeremi 17:11

Cau lơi geh pas gơs ò jat bơta song ring, Kung be sềm tap tra krơm tap mơ gơ ò tap; Tus di nggùl rài, khai kong roh jơh, mơ tòm ngai lồi dut khai gơlik gơs cau bơrngơl gơla.

Jeremi 2:26

Be dô nă cau ntung kơñau ƀàssìl, tòm tŭ gơkòl kup geh, Behơ̆ sơl hìu Israel kung rơp gơkòl ƀàssìl, Bol khai, ală cau bơtau bol khai dê, ală cau kwang bol khai dê, Ală cau gơnoar ơn phan duh khoai bol khai dê, mơ ală cau gơnoar hwơr bol khai dê, kung rơp ƀàssìl behơ̆.

Jeremi 2:29

Ñchi bơh tài bol mê yoam tòmdră mơ Añ taih? Jơh ală bol mê neh pơrlơ̆ dră tòmdră mơ Añ.” Yàng Jehôwa đơs behơ̆.

Jeremi 2:8

Ală cau gơnoar ơn phan duh khoai kung ò lùp: ‘Ntềng đah Yàng Jehôwa taih?’ Ală cau bơto bơta boh lam kung ò git Añ. Ală cau ê gàr neh pơrlơ̆ dră di Añ. Ală cau gơnoar hwơr ai sơnđan Baal mơ đơs hwơr, mơ lòt jat ală bơta ò gơs kwơ.”

Jeremi 22:17

Mơya mat mơ nùs mê Mìng jòi cồng nha ƀơ̆ ƀơl, Lơh gơtuh mhàm cau ò gơs glài, Mơ lơh bơta rồn bơklơn iơh rmơh.’”

Jeremi 23:10

Tòm lơgar bềng lìu ală cau rềs àr bơrnàn; Tài bơh bơta srat sơntơm gen ù tiah gơlik moat jrùng; Ală ƀlàng ñhơt tòm ƀlàng ngềt ngơt ro rañ. Cau gơnoar hwơr lòt jat gùng iơh, ngui gơnoar bol khai tòm bơta ò song ring;

Jeremi 23:11

Yàng Jehôwa đơs: “Bơh cau gơnoar hwơr mơ cau gơnoar ơn phan duh khoai ò duh rngòt, Tian gơs Añ gŏ bơta iơh bơsak bol khai dê tòm hìu Añ;

Jeremi 27:15

Yàng Jehôwa đơs: ‘Añ ò tŭ lơi sồr bol khai, mơya bol khai ai sơnđan Añ đơs hwơr blac; tồ Añ in bơtrơh bol mê, mơ lồi dut bol mê kong tơnroh, bol mê bal mơ ală cau gơnoar hwơr đơs hwơr bol mê in.’”

Jeremi 32:32

tài bơh bơta iơh bơsak mơ kòn sau Israel mơ kòn sau Juda neh lơh nàng bơrcek Añ gơjrañ, bol khai, cau bơtau, kwang at bồ, cau gơnoar ơn phan duh khoai, cau gơnoar hwơr, cau Juda mơ làng bol Jerusalem sơl.

Jeremi 42:1

Tŭ hơ̆ ală cau at bồ mpồl ling, Jôhanan kòn klau Kareah, Jesania, kòn klau Hôsaya, mơ jơh làng bol, bơh cau dềt tus cau dờng,

Jeremi 5:31

Ală cau gơnoar hwơr đơs hwơr blac, Ală cau gơnoar ơn phan duh khoai jat jơnau gơnoar sồr cau gơnoar hwơr! Làng bol Añ kòñ gơs bơta behơ̆ sơl. Mơya ñchi bol mê rơp lơh tòm tŭ lồi dut tus taih?”

Jeremi 8:10

Gen tàng, Añ rơp jào bau ùr bol khai dê cau ndai in, Mìr sre bol khai dê cau phà tòmpìt in; Tài bơh, bơh cau dềt rlau jơh tus cau dờng rlau jơh, jơh tơl nă hàm hà cồng nha ò song ring; Bơh cau gơnoar hwơr jơl tus cau gơnoar ơn phan duh khoai, jơh tơl nă lơh lòt ma blac lơm.

Ñìm Rac 4:13

Hơ̆ la tài bơh tồi glài ală cau gơnoar hwơr khai dê, mơ bơta iơh bơsak ală cau gơnoar ơn phan duh khoai khai dê. Bol khai neh lơh gơtuh mhàm ală cau song ring digùl ƀòn dờng khai dê.

Ejekiel 22:12

Digùl ai, cau dòp ală phan loă nàng lơh gơtuh mhàm; ai ai cau càn jền mơ sa cồng kơnjơ̆ ngan, mơ ai kơnòm di bơta sa kơrlơm cau ơm rềp mơ he mơ dòp cồng nha ò song ring. Mơ ai neh hŭi Añ, Jehôwa Yàng Tom Trồ đơs behơ̆.

Ejekiel 33:31

Bol khai tus mơ mê jat be bol khai òs tus; bol khai nggui di đap mê mơ iat ală jơnau mê dê, mơya bol khai ò bài lơh jat ală jơnau hơ̆. Bơr bol khai yal tơlik bơta dòn duh, mơ nùs bol khai ya hàm hà cồng nha ò song ring.

Mice 3:11

Ală cau kwang lam bồ gơ dê cahrña bơh sa loă, ală cau gơnoar ơn phan duh khoai gơ dê bơto sồr bơh jền priă, mơ ală cau gơnoar hwơr gơ dê đơs hwơr bơh priă; bulah behơ̆ bol khai kơnòm di sơnđan Yàng Jehôwa mơ đơs lah: “Ngan gơs Yàng Jehôwa ơm digùl bol he, bơta rung rài rơp ò tus hơđang bol he!”

Mice 3:5

Do la jơnau Yàng Jehôwa đơs bơh ală cau gơnoar hwơr neh lam làng bol Añ jê tìs nrah, la cau hòi driau lah: “Ring lơngai!” Tòm tŭ bol khai ò gơs phan lơi nàng sa, gen bol khai yal tơnggit bơta kơlìn tòmdră mơ cau lơi ò cèng phan lơi bol khai in sa.

Luka 16:14

Ală cau Pharisi la cau hàm kòñ jền priă, kơno ală jơnau hơ̆ gen dơñŏ tơnhial di Kơnràñ.

I Timôthe 3:3

Ò tơhìr tơrnòm alak, ò lơh rhung rhang, mơya pal sơrmah sơrmài; ò jòi jơnau, mơ ò hàm hà jền priă;

II Pier 2:1

Mơya, kung be tòm làng bol neh gơs cau gơnoar hwơr ma blac bơtào tơngguh, gen kung rơp gơs cau bơto ma blac tòm oh mi sơl; bol khai rơp bơto òm ală gùng duh khoai tìs mơ tơnroh cau, tian gơs pơndang sang Yàng neh rwat bol khai; bol khai cèng is bơta roh rui mhar ngan să tòm bol khai in.

II Pier 2:3

Bol khai rơp bơh nùs hàm hà mơ ngui jơnau blac pơrlồm nàng sa kwì di oh mi, mơya bơta lơh nền glài di bol khai bơh lài òr ò di òbat tus, mơ bơta roh rui ơm gơn bol khai kung be cau ò bic.