Jeremi 6:11 - Sră Goh 2018

¹¹ Mơya Añ bềng bơta gơjrañ Yàng Jehôwa dê, Añ bòl glar bơh gơ ơm tòm Añ. “Tuh tơlik tĕ gơ hơđang ală kòn dềt tòm gùng, mơ hơđang ală cau pơnu tơrgòm bal di sơl; jơh bau klau mơ bau ùr rơp gơkòl kup cèng, cau kra mơ ală cau jòng sơnam.

Jeremi 6:11 Mawu Ofanana

Esai 40:30

Bulah ơruh pơnu rơp bòl rơp glar, bulah ală klau pơnu rơp gơtup pừ.

Jeremi 15:17

Añ ò nggui tòm mpồl cau ñŏ kơnhơl, Kung ò lơh añ in hòn chò; Añ nggui is dô nă bơh tê kơnjơ̆ Kơnràñ ơn hơđang añ; bơh Kơnràñ neh tơmbềng añ mơ bơta gơjrañ.

Jeremi 15:6

Yàng Jehôwa đơs lah: “Mê neh sang lòi Añ, Mê neh lòt ruc hơ ngkòi, Gen tàng Añ neh pò tê tòmdră mơ tơnroh mê. Añ neh làp dil bơta nđàc sơngit.

Jeremi 18:21

Behơ̆ gen, dan Kơnràñ phi tĕ ală kòn bol khai dê tòm bơta jơgloh rung, Sơrbì bol khai tòm gơnoar pềs tà dê. Lòi bau ùr bol khai dê roh kòn mơ gơlik gơs ùr bơnrau, Lòi bau klau bol khai dê kong chơt pluh, Ai ală cau klau pơnu bol khai dê kong sreh mơ đào tòm tiah tòmlơh.

Jeremi 20:9

Dilah añ đơs: “Añ rơp ò đơs bơh Kơnràñ tai, hala ai sơnđan Kơnràñ mơ đơs tai,” gen tòm dơlam nùs añ kung be ồs sa hơng, gơkrơ̆ kơ̆ tòm ntìng añ, Mơ añ bòl glar bơh ơm mŏ mŏ, mơ añ ò jai kong tai.

Jeremi 5:9

Añ rơp ò lơh glài bơh ală bơta hơ̆ ơ? mơ Añ rơp ò cèng bơta sal tê lơh glài, hơđang dô nơm lơgar behơ̆ ơ? Yàng Jehôwa đơs behơ̆.

Jeremi 7:20

Gen tàng Jehôwa Yàng Tom Trồ đơs be do: “Bơta gơjrañ mơ bơta gơhào gơjrañ dờng Añ jê rơp tuh hơđang lơgar do, hơđang jơi kòn mơnus mơ phan poan jơng, hơđang chi che tòm ƀlàng mơ plai bơkào ù tiah dê, gơ rơp chu pơrguc mơ ò tŭ lơi đơp chơt.”

Jeremi 9:20

Ơ ală cau ùr, iat tĕ jơnau Yàng Jehôwa, Lòi tĕ tồr bol ai dòp jơnau bơr Kơnràñ đơs. Bơto tĕ ală kòn ùr bol ai in dô bơta ñìm rac; Kòp nă bơto tĕ cau gơp ƀòn he rac ròc!

Jeremi 9:21

Bơh bơta chơt neh tus di mpồng dềt bol he dê, gơ neh mut tòm ală gơlang bol he dê, Tơnchơt ală kòn dềt tòm ală gùng, Mơ cau pơnu ơruh digùl hìu drà.

Ñìm Rac 1:15

Yàng Jehôwa neh sang lòi ală cau ling jak tòmlơh bơh digùl añ. Kơnràñ neh yal tŭ tơngai tòmdră mơ añ, jă trơm ală cau pơnu añ. Yàng Jehôwa jă trơm ală cau ơruh dềt Juda dê, kung be cau pat tơrnòm ño.

Ñìm Rac 2:21

Ală cau kơnòm să mơ cau kra bic tòm ù hơđang ală gùng. Ală ùr ơruh mơ klau pơnu añ jê neh gơpừ bơh đào. Tòm ngai gơjrañ dờng Kơnràñ dê, Kơnràñ neh tơnchơt bol khai, sreh tơnchơt ò nđàc sơngit.

Ejekiel 24:21

‘Đơs tĕ mơ hìu Israel: Jehôwa Yàng Tom Trồ đơs be do: Do, Añ rơp lơh ngkòr ngkàc tiah sàng goh Añ jê, bơta jòng să bơh gơnoar pràn mê dê, mat mê gơboh gơbài, la bơta nùs mê hàm kòñ. Ală kòn klau kòn ùr bol mê dê mơ bol mê neh lòi wơl bơh ngkòi rơp gơpừ bơh đào.

Ejekiel 3:14

Chòp Yàng Hwềng cèng añ guh mơ cèng añ tus tiah ndai, mơ añ lòt tòm bơta sràt bơtang mơ tòm bơta gơjrañ mañ tòm hwềng añ, gơs tê Yàng Jehôwa dê ơn hơđang añ pràn kơldang.

Ejekiel 3:3

Kơnràñ đơs mơ añ lah: “Ơ kòn mơnus, sa tĕ pồt sră do mơ Añ ai mê in mơ tơmbềng tĕ kơndul mê bơh gơ.” Behơ̆ añ neh sa gơ, mơ tòm bơr añ gơ lơngồt kung be dà lơwe.

Ejekiel 9:6

Sreh tơnchơt tĕ ală cau kra, cau pơnu mơ cau ơruh, cau ùr mơ cau kơnòm, mơya bañ ƀư di dô nă cau lơi neh gơs tềl di bìng liang. Rơp sơntòm tĕ bơh di tiah sàng goh añ jê.” Behơ̆ ală cau hơ̆ rơp sơntòm bơh di ală cau kra ơm di đap hìu duh khoai.

Mice 3:8

Mơya đah mơ añ, añ geh bềng lìu gơnap gơnoar, bal mơ Hwềng Yàng Jehôwa dê, bal mơ bơta song ring mơ gơnoar pràn, nàng yal tơlik Jakôp in bơh bơta lơh tìs khai dê, mơ Israel in bơh tồi glài khai dê.

Luka 17:34

Añ đơs mơ bol mê, tòm mang hơ̆, rơp gơs bàr nă cau tòm dô nơm cơnòng bic, dô nă geh cèng lòt, ai dô nă gơkòl lòi wơl.

Broă 17:16

Tŭ hơ̆, Pol ơm gơn Sila mơ Timôthe tòm ƀòn dờng Athen, khai gơjrañ ngan tòm tŭ gŏ tòm ƀòn dờng hơ̆ bềng lìu ală rùp ràk.

Broă 18:5

Tòm tŭ Sila mơ Timôthe tus bơh lơgar Masedoan, Pol ơn jơh tŭ tơngai khai dê nàng bơto yal jơnau Yàng dê, mơ lơh cơng bơh cau Juda in lah Yàng Jesu la Bơtau Krist.

Broă 4:20

Bơh bol hi ò rgơi ò đơs bơh ală bơta he neh gŏ mơ kơno.”

Yal Tơlik 16:1

Añ kơno dô jơnau dờng bơh di hìu duh khoai đơs mơ poh nă cau gơnrơh lah: “Lòt tĕ, tuh poh nơm mơngàn bơta gơjrañ dờng Yàng Tom Trồ dê tòm ù.”