Jeremi 52:9 - Sră Goh 2018

⁹ Cau Kalde kup bơtau mơ lam tus hơ bơtau Babilôn, tòm Ripla tòm lơgar Hamat, tềng hơ̆ bơtau kong bơtau Babilôn cahrña.

Jeremi 52:9 Mawu Ofanana

I Ală Bơtau 8:65

Behơ̆, Salômôn neh bơtào bơta pơjum sa dờng tòm ngai hơ̆, bal mơ jơh mpồl jơnum dờng Israel, làng bol bơh Lebô Hamat jơl tus di croh Ejiptơ, di đap Jehôwa Yàng Tom Trồ bol he dê, tòm poh ngai.

II Ală Bơtau 23:33

Pharaôn Nekô kup jàm khai tòm Ripla, tòm tiah Hamat, tồ khai in ò at bồ tòm Jerusalem tai. Mơ bơklơn lơgar ơn dô rhiang talơng priă mơ dô talơng màh.

II Ală Bơtau 25:6

Mpồl ling Kalde kup bơtau Jedekia, lam tus hơ bơtau Babilôn ơm tòm Ripla; bol khai lơh nền glài bơtau.

II Yal Yau 33:11

Behơ̆ Yàng Jehôwa neh cèng tus ală cau at bồ mpồl ling bơtau Asiri dê, bol khai kup jàm Manase, ơn dô nơm gai kwĕ di muh khai, kơt khai mơ che sreng kòng mơ cèng khai tus hơ Babilôn.

II Yal Yau 8:3

Salômôn lòt tus lơh Hamat Jôbah mơ tòmpìt gơ.

Jeremi 21:7

Yàng Jehôwa đơs: ‘Tơnơ̆ mơ hơ̆, Añ rơp jào Jedekia, bơtau Juda, dĭ gơna mơ làng bol khai dê, hơ̆ la ală cau gam wơl tòm ƀòn dờng, neh klàs bơh pluh plàng, pềs tà, jơgloh rung, Añ rơp phi bol khai tòm tê Nebukatnessar, bơtau Babilôn, tòm tê ală cau sò tơm bol khai dê mơ ală cau kòñ jòi bơta kis bol khai dê. Nebukatnessar rơp tơnchơt bol khai mơ đào, ò pơlai, ò kòñ nđàc, ò git nđàc sơngit.’

Jeremi 39:5

Mơya mpồl ling cau Kalde ting jat, mơ bàn Jedekia tòm ƀlàng Jerikô; gen kup cèng Nebukatnessar bơtau Babilôn in tòm Ripla, tiah Hamat. Tềng hơ̆, bơtau Jedekia kong Nebukatnessar cahrña.

Ñìm Rac 4:20

Cau kong bong mơñà Yàng Jehôwa dê, hơ̆ la nhơm tă bơta kis bol hi dê, neh kong yar tòm dă bol khai dê rau, Bơh ñcau, bol he òs đơs lah: “Hơđơm mƀur Kơnràñ dê bol hi rơp ơm kis digùl ală lơgar.”

Ejekiel 11:10

Bol mê rơp gơpừ bơh đào; mơ Añ rơp cahrña bol mê di tiah nhàr lơgar Israel dê. Gen bol mê rơp git lah Añ la Yàng Jehôwa.

Ejekiel 23:24

Bol khai rơp tus tòmsò mơ ai, cèng ală pềs tà, ală rơndeh lòs tòmlơh, ală rơndeh pơdiang phan, mơ dô mpồl làng bol oă; bol khai rơp rơndap bơta tòmlơh tòmsò mơ ai tòm kòp đah, ngui ală khèl dềt mơ dờng bal mơ ală sơgơn lòs. Añ rơp jào phi ai bol khai in nàng lơh glài, mơ bol khai rơp lơh glài ai jat bơta boh lam bol khai dê.

Khà Làng Bol 13:21

Behơ̆ bol khai lik lòt mơ rwang sền lơgar bơh di ƀlàng ngềt ngơt Jin, tus hơ Rehôp, rềp Lebô Hamat.

Khà Làng Bol 34:11

Nhàr lơgar rơp bơh di Sepham tus hơ Riplah đah mattơngai lik Ain dê mơ lòt tơn rò gah ală kơh mơnơm đah mattơngai lik dàlềng Kineret,

Jôsue 13:5

mơ lơgar làng bol Gebalit, mơ jơh Liban tus hơ đah mattơngai lik, bơh Baal Gat ơm hơđơm mơnơm Hermôn tus di Lebô Hamat,