Jeremi 52:30 - Sră Goh 2018

³⁰ Nam dơ̆ bàr jơt pe rài bơtau hơ̆, Nebujaradan, kwang at bồ ling kơp gàr bơtau, kup cèng poh rhiang poan jơt pram nă cau Juda. Jơh ală la poan rbô prau rhiang nă.

Jeremi 52:30 Mawu Ofanana

II Ală Bơtau 25:11

Kwang sền gàr bơtau Nebujaradan kup cèng pơrdô jơh ală làng bol gam wơl tòm ƀòn, bal mơ jơh ală cau neh sang mpồl ling mơ lòt jat bơtau Babilôn mơ mpồl làng bol gam wơl.

II Ală Bơtau 25:8

Ngai poh kơnhai pram; nam dơ̆ jơt sin rài bơtau Nebukatnessar, bơtau Babilôn, kwang sền gàr bơtau Nebujaradan, dĭ gơna bơtau Babilôn, tus hơ Jerusalem.

Jeremi 39:9

Nebujaradan, cau lam bồ mpồl ling kơp gàr bơtau, kup ală làng bol gam ơm wơl tòm ƀòn, mơ ală cau kong alah, bal mơ ală cau gam ơm wơl tòm lơgar, cèng pơrdô hơ lơgar Babilôn.

Jeremi 52:15

Gơs pơnah ală cau rƀah ngan tòm làng bol, jơh ală cau gam wơl ơm tòm ƀòn, ală cau neh kong alah bơtau Babilôn, mơ ală cau chài rgơi lơh broă gam wơl, gen Nebujaradan, kwang at bồ ling gàr bơtau, kup cèng tơlik bơh lơgar.

Jeremi 52:29

Nam dơ̆ jơt phàm rài Nebukatnessar, bơh ƀòn Jerusalem kup cèng phàm rhiang pe jơt bàr nă cau.

Jeremi 6:9

Yàng Jehôwa Gơnap Gơnoar đơs be do: “Bol khai rơp dòñ jơh ală cau Israel gam wơl kung be cau dòñ plai ño; be cau tơrgòm pic plai ño, tơrwơl tê pic tai hơđang ală ntê gơ dê.”