Jeremi 52:3 - Sră Goh 2018

³ Ngan, Jerusalem mơ Juda lơh Yàng Jehôwa in gơjrañ ngan, tian gơs Kơnràñ bơtrơh tơlik bol khai bơh di đap Kơnràñ. Jedekia bơtào tòmdră mơ bơtau Babilôn.

Jeremi 52:3 Mawu Ofanana

Sơnròp Gơlik Gơs 4:14

Do, ngai do Yàng neh bơtrơh tơlik añ bơh dê ù do, añ rơp ò gŏ mat Yàng tai. Añ rơp dô lòt nrah nring tòm ù: behơ̆ rơp gơs cau lơi tìp mơ añ, khai rơp tơnchơt añ.”

Sơnròp Gơlik Gơs 4:16

Kain lik bơh di đap Yàng Jehôwa, mơ ơm tòm lơgar Not, tòm đah mattơngai lik Eden dê.

II Samuel 24:1

Dô dơ̆ tai, bơta gơjrañ Yàng Jehôwa dê hìt tòmdră mơ Israel. Kơnràñ chồl nùs Dabit tòmdră mơ bol khai, mơ đơs lah: “Lòt tĕ kòp khà làng bol Israel mơ Juda.”

I Ală Bơtau 10:9

Pal jòng ro Jehôwa Yàng Tom Trồ bơtau dê, bơh Kơnràñ niam nùs bơtào bơtau hơđang sơbàn Israel dê! Tài bơh Yàng Jehôwa kòñ gơboh Israel sùm sùm, gen Kơnràñ neh bơtào bơtau lơh gơs bơtau at bồ jat bơta song ngan mơ song ring.”

II Ală Bơtau 17:18

Gen tàng, Yàng Jehôwa gơhào gơjrañ ngan di làng bol Israel, mơ bơtrơh tơlik bol khai bơh di đap mat Kơnràñ; mìng gam wơl jơi bơtiàn Juda lơm.

II Ală Bơtau 17:20

Yàng Jehôwa neh sang lòi jơh jơi bơtiàn Israel, lơh glài bol khai mơ phi bol khai tòm tê ală cau phà tơnroh, jơl tus Kơnràñ bơtrơh tơlik bol khai bơh di đap mat Kơnràñ.

II Ală Bơtau 17:23

jơl tus di tŭ Yàng Jehôwa neh bơtrơh tơlik bol khai bơh di đap Kơnràñ, tòm toh be Kơnràñ neh yal lài bơh ală cau gơnoar hwơr dĭ gơna Kơnràñ dê. Behơ̆, Israel kong cèng pơrdô ngài bơh lơgar, ơm dĭ tòm lơgar Asiri jơl tus di ngai do.

II Ală Bơtau 24:20

Bơh Jerusalem mơ làng bol Juda neh lơh Yàng Jehôwa in gơhào gơjrañ, tian gơs Kơnràñ bơtrơh tơlik bol khai bơh di đap mat Kơnràñ. Jedekia pơrlơ̆ dră di bơtau Babilôn.

II Yal Yau 36:13

Khai kung tòmdră mơ bơtau Nebukatnessar la bơtau neh sồr khai srat să ho nền tòm sơnđan Yàng Tom Trồ dê. Khai kơldang bồ mơ kơldang nùs ò bài rê wơl hơ Yàng Jehôwa la Yàng Tom Trồ Israel dê.

Ejra 4:15

tồ bơtau sồr cau sền sơwì tòm ală sră yal broă kòp nam bơh ồng pàng bơtau dê. Bơtau rơp jòi bàn tòm ală sră yal broă kòp nam, bơtau rơp jòi gŏ lah ƀòn dờng do la dô nơm ƀòn dờng jak tòmdră, òs lơh bòl glar di ală cau bơtau mơ ală kơnhwàl lơgar, hơ̆ la dô bă tiah jak pơrlơ̆ dră bơh tòm rài yau. Tài bơh hơ̆ tàng ƀòn dờng do neh lòi srau gòi.

Jơnau Pơnđik 28:2

Tài bơh lơgar tìs glài iơh gen tàng gơs oă cau bơtau; mơya kơnòm di dô nă cau gơs dơngoh git wă at bồ, lơgar rơp ntào kơ̆ jŏ jòng.

Cau Bơto 10:16

Dồn sa mê in, ơ lơgar tòm tŭ cau bơtau mê dê gam kơnòm dềt, mơ ală cau kwang at bồ ñô sa tòm tŭ àng drim!

Esai 19:4

Añ rơp phi cau Ejiptơ tòm gơnoar cau tòm iơh bơsak, mơ dô nă cau bơtau iơh bơsak rơp at bồ bol khai,” Yàng Jehôwa la Yàng Gơnap Gơnoar Dờng đơs behơ̆.

Esai 3:1

Do, Yàng la Yàng Jehôwa Gơnap Gơnoar Dờng, Bơtau at bồ hơđang rlau jơh rơp tă tơlik bơh di Jerusalem mơ Juda bơta dong kòl mơ ală bơta dòn kơnòm: Kơnràñ rơp tă jơh ală phan sa mơ dà hùc bol khai dê.

Esai 36:5

Mê kơlôi lah mìng jơnau đơs gòi rgơi tòmgơl bơta rơndap tòmlơh mơ bơta pràn tòmlơh sơl ơ? Mê kơnòm di ñcau mơ tòmdră mơ añ taih?

Jeremi 15:1

Gen Yàng Jehôwa đơs mơ añ lah: “Bulah Môise mơ Samuel ntào di đap Añ, mơya nùs Añ kung ò wèt mơ làng bol do. Bơtrơh tơlik tĕ bol khai ngài bơh di mat Añ, mơ lòi bol khai lòt!

Jeremi 7:15

Mơ Añ kung sang tơlik bol mê bơh di đap mat Añ, kung be Añ neh sang tơlik jơh oh mi bol mê dê, hơ̆ la jơh ală jơi bơtiàn Epraim dê.’