Jeremi 52:24 - Sră Goh 2018

²⁴ Kwang at bồ ling kơp gàr bơtau kup Seraya, cau gơnoar dờng ơn phan duh khoai, Jephaniah cau gơnoar oh bal mơ pe nă cau kơp gàr mpồng hìu duh khoai.

Jeremi 52:24 Mawu Ofanana

II Ală Bơtau 23:4

Gen bơtau ai gơnoar sồr cau gơnoar dờng ơn phan duh khoai Hilkia, ală cau gơnoar ơn phan duh khoai, mơ ală cau sền gàr mpồng hìu duh khoai, cèng tơlik bơh hìu duh khoai Yàng Jehôwa jơh ală phan cau ngui neh lơh Baal in, Asera, mơ jơh ală sơmañ hơđang trồ. Khai chu ală phan hơ̆ di bơdìh Jerusalem, tòm ƀlàng sre Kidrôn, mơ cèng bùh gơ tus hơ Betel.

II Ală Bơtau 25:18

Kwang sền gàr bơtau kup cau gơnoar dờng ơn phan duh khoai Seraya, cau gơnoar oh ơn phan duh khoai Sôphôni, mơ pe nă cau kơp gàr mpồng hìu duh khoai,

I Yal Yau 6:14

Ajaria tơnggơs Seraia, mơ Seraia tơnggơs Jehôjadak.

Ejra 7:1

Tơnơ̆ mơ ală bơta hơ̆, tòm rài at bồ Artaserses bơtau Persia dê, Ejra kòn klau Seraya, Seraya kòn klau Ajaria, Ajaria kòn klau Hilkia,

Đơs Crih 84:10

Bơh dô ngai tòm tiah ơm Yàng dê la niam rlau mơ dô rbô ngai tòm tiah ndai. Chan añ gơs cau kơp mpồng hìu Yàng Tom Trồ añ jê, la niam rlau mơ ơm tòm sàl cau iơh bơsak dê.

Jeremi 20:4

Bơh Yàng Jehôwa đơs be do: ‘Añ rơp phi mê lơh gơs bơta rngòt rngơt să tòm mê in mơ jơh ală cau bơyô mê dê sơl; bol khai rơp chơt bơh đào cau sò tơm bol khai dê, mat mê rơp sền gŏ. Añ rơp phi jơh làng bol Juda tòm tê bơtau Babilôn, khai rơp cèng bol khai tus tòm Babilôn gơs dĭ, mơ ngui đào tơnchơt bol khai.

Jeremi 21:1

Do la jơnau Yàng Jehôwa yal Jeremi in, tŭ bơtau Jedekia sồr Pasur kòn klau Malkiah, mơ Sôphôni, kòn klau cau gơnoar ơn phan duh khoai Maaseyah, tus đơs mơ khai lah:

Jeremi 29:25

Yàng Jehôwa Gơnap Gơnoar, Yàng Tom Trồ Israel dê, đơs be do: ‘Mê neh ai sơnđan să he pơyoa sră jơh làng bol Jerusalem in, ai Sôphôni, kòn klau Maaseyah, cau gơnoar ơn phan duh khoai, mơ jơh ală cau gơnoar ơn phan duh khoai in lah:

Jeremi 29:29

Cau gơnoar ơn phan duh khoai Sôphôni neh sền sră do cau gơnoar hwơr Jeremi in iat.

Jeremi 34:21

Añ kung rơp phi Jedekia, bơtau Juda, bal mơ ală kwang at bồ khai dê, tòm tê cau sò tơm mơ cau kơp mòc bơta kis bol khai, hơ̆ la tòm tê mpồl ling bơtau Babilôn neh lik klàs bơh bol mê.’

Jeremi 35:4

Añ cèng bol khai tus hơ hìu Yàng Jehôwa, tòm ơdŭ ală kòn klau Hanan dê, kòn klau Ikdalia, cau Yàng Tom Trồ dê, la ơdŭ rềp mơ ơdŭ ală kwang at bồ, mơ ơm hơđang ơdŭ Maaseya, kòn klau Salum, la cau kơp gàr mpồng.

Jeremi 37:3

Bơtau Jedekia sồr Jehukan, kòn klau Selemia, mơ Sôphôni, kòn klau cau gơnoar ơn phan duh khoai Maaseya, lòt tus hơ cau gơnoar hwơr Jeremi mơ đơs lah: “Dan bơh bol hi hòi dan mơ Jehôwa Yàng Tom Trồ bol he dê.”

Jeremi 52:12

Ngai jơt kơnhai pram, nam dơ̆ jơt sin rài Nebukatnessar, bơtau Babilôn, gen Nebujaradan, kwang at bồ ling sền gàr bơtau, mut tòm ƀòn Jerusalem.

Jeremi 52:15

Gơs pơnah ală cau rƀah ngan tòm làng bol, jơh ală cau gam wơl ơm tòm ƀòn, ală cau neh kong alah bơtau Babilôn, mơ ală cau chài rgơi lơh broă gam wơl, gen Nebujaradan, kwang at bồ ling gàr bơtau, kup cèng tơlik bơh lơgar.

Ñìm Rac 4:16

Să tòm Yàng Jehôwa neh lơh nrah nring bol khai, Kơnràñ ò wèt sền bol khai tai; ò gam gơs bơta ki ngàm di cau gơnoar ơn phan duh khoai, kung ò nđàc di ală cau kra sơl.

Ejekiel 11:7

Gen tàng, Yàng Jehôwa đơs be do: ‘Ƀồc chơt ală cau mơ bol mê neh sang lòi tềng hơ̆ la poac, mơ ƀòn dờng la glah; ai bol mê rơp pal kong ting bơtrơh bơh digùl gơ.

Ejekiel 24:5

Sac rwah tĕ dô nơm niam rlau jơh tòm mpồl. Dap tĕ lòng hơđơm glah; gơm ală pet poac, mơ ryă ală ntìng tòm hơ̆.’

Ejekiel 34:10

Jehôwa Yàng Tom Trồ đơs be do: ‘Añ tòmdră mơ ală cau ê mơ Añ rơp lùp belàt Añ jê bơh di tê bol khai; mơ ò ngui bol khai ròng siam belàt tai, nàng ală cau ê rơp ò gam ròng siam să tòm bol khai tai. Añ rơp dong tă mpồl belàt Añ jê klàs bơh di bơr bol khai nàng belàt ò lơh gơs phan sa bol khai in tai.’