Jeremi 52:12 - Sră Goh 2018

¹² Ngai jơt kơnhai pram, nam dơ̆ jơt sin rài Nebukatnessar, bơtau Babilôn, gen Nebujaradan, kwang at bồ ling sền gàr bơtau, mut tòm ƀòn Jerusalem.

Jeremi 52:12 Mawu Ofanana

Sơnròp Gơlik Gơs 37:36

Ală cau kă bro Midian cèng Jôsep tus hơ lơgar Ejiptơ, tac khai mơ Pôtiphar, kwang ling sền gàr Pharaôn dê.

II Ală Bơtau 24:12

Gen Jehôyakin, bơtau Juda, jào să tòm khai bơtau Babilôn in, bal mơ mè khai, ală dĭ gơna khai, ală kwang at bồ ling, mơ ală kwang kơndời khai dê. Bơtau Babilôn kup khai cèng jàm tòm nam dơ̆ phàm rài Bơtau Babilôn at bồ.

II Ală Bơtau 25:8

Ngai poh kơnhai pram; nam dơ̆ jơt sin rài bơtau Nebukatnessar, bơtau Babilôn, kwang sền gàr bơtau Nebujaradan, dĭ gơna bơtau Babilôn, tus hơ Jerusalem.

Ejra 5:12

Mơya tài bơh ală ồng pàng bol hi dê neh lơh Yàng Tom Trồ ơm hơđang trồ in gơjrañ tian gơs Kơnràñ neh jào phi bol khai tòm tê Nebukatnessar cau Kalde, bơtau Babilôn, bơtau hơ̆ neh tơnroh hìu duh khoai do mơ kup cèng pơrdô làng bol tus hơ Babilôn.

Nehemi 2:3

Gen añ đơs mơ bơtau lah: Dan bơtau in kis sùm sùm! Mbe rgơi muh mat añ ò moat jrùng, tòm tŭ ƀòn dờng la tiah gơs bơtô ƀồc ồng pàng añ ơm srau gòi mơ ală mpồng gơ dê neh kòl tơnroh bơh ồs taih?

Đơs Crih 79:1

Ơ Yàng Tom Trồ, ală làng bol bơdìh neh mut tòm sre brê Yàng dê, Lơh ƀơ̆ ƀơl Hìu Duh Khoai Sàng Goh Yàng dê, Mơ lòi Jerusalem in gơlik gơs lề lac.

Jeremi 1:3

kung neh đơs mơ khai tòm rài Jehôyakim, kòn klau Jôsia, bơtau Juda dê, jơl tus lồi sơnam dơ̆ jơt dùl rài bơtau Jedekia, kòn klau Jôsia, bơtau Juda dê, hơ̆ la sơnam cau tòm Jerusalem kong kup gơs dĭ tòm kơnhai dơ̆ pram.

Jeremi 32:29

Ală cau Kalde tòmlơh mơ ƀòn do rơp tus, ơn ồs mơ chu gơ, chu tơn ală hìu mơ cau neh ơn kơlhô Baal in hơđang rkàng hìu, mơ ơn phan pơdơng ñô ală yàng ndai, nàng bơrcek Añ gơjrañ.

Jeremi 39:11

Nebukatnessar, bơtau Babilôn, ai gơnoar sồr Nebujaradan, cau lam bồ mpồl ling kơp gàr bơtau dê, bơh broă Jeremi lah:

Jeremi 39:9

Nebujaradan, cau lam bồ mpồl ling kơp gàr bơtau, kup ală làng bol gam ơm wơl tòm ƀòn, mơ ală cau kong alah, bal mơ ală cau gam ơm wơl tòm lơgar, cèng pơrdô hơ lơgar Babilôn.

Jeremi 52:14

Jơh mpồl ling cau Kalde, neh lòt bal mơ cau kwang at bồ ling kơp gàr bơtau, phà tơrlah jơh ală dơrñang ƀòn gùt dar Jerusalem.

Jeremi 52:29

Nam dơ̆ jơt phàm rài Nebukatnessar, bơh ƀòn Jerusalem kup cèng phàm rhiang pe jơt bàr nă cau.

Daniel 1:1

Tòm nam dơ̆ pe rài Jehôyakim bơtau Juda dê, Nebukatnessar, bơtau Babilôn lòt tus gơrwàng Jerusalem.

Daniel 2:14

Tòm tŭ Ariôk la cau kwang at bồ mpồl ling sền gàr cau bơtau lik lòt nàng tơnchơt ală cau jak chài Babilôn dê, gen Daniel ai bơta jak chài git wă nàng tòmbơhbơr mơ khai.

Sacari 8:19

Yàng Jehôwa Gơnap Gơnoar Dờng Làm Jơh đơs be do: “Bơta ơt sa tòm kơnhai poan, kơnhai pram, kơnhai poh, mơ kơnhai jơt rơp gơlik gơs tŭ tơngai hòn chò mơ chò hòp, mơ la ală ngai pơjum sa lơngai lơngò hìu Juda in. Behơ̆ tàng kòñ gơboh bơta song ngan mơ bơta lơngap lơngai.”