Jeremi 52:11 - Sră Goh 2018

¹¹ Khai sồr kơlwĕ mat Jedekia dê, ai che sreng cap wơl. Bơtau Babilôn cèng Jedekia lòt hơ Babilôn, mơ jàm tòm hìu jàm jơl tus di tŭ khai chơt.

Jeremi 52:11 Mawu Ofanana

Jeremi 21:7

Yàng Jehôwa đơs: ‘Tơnơ̆ mơ hơ̆, Añ rơp jào Jedekia, bơtau Juda, dĭ gơna mơ làng bol khai dê, hơ̆ la ală cau gam wơl tòm ƀòn dờng, neh klàs bơh pluh plàng, pềs tà, jơgloh rung, Añ rơp phi bol khai tòm tê Nebukatnessar, bơtau Babilôn, tòm tê ală cau sò tơm bol khai dê mơ ală cau kòñ jòi bơta kis bol khai dê. Nebukatnessar rơp tơnchơt bol khai mơ đào, ò pơlai, ò kòñ nđàc, ò git nđàc sơngit.’

Jeremi 39:7

Gen, sồr kơlwĕ mat bơtau Jedekia, ngui sreng mơ cap wơl, nàng cèng brê hơ Babilôn.

Ñìm Rac 2:6

Kơnràñ neh lơh tơrlơm ală tum kung be dô nơm suơn; Kơnràñ neh tơnroh cơnòng duh khoai Kơnràñ dê; Yàng Jehôwa neh jùt sang tòm Siôn ngai pơjum sa mơ ngai Saƀat; Tòm bơta gơhào gơjrañ Kơnràñ dê, Kơnràñ neh sang tơlik bơtau mơ cau gơnoar ơn phan duh khoai.

Ejekiel 12:13

Añ rơp dang bơtơng Añ jê nàng kup khai, mơ khai rơp yar dă Añ jê. Añ rơp cèng khai tus hơ Babilôn, la lơgar cau Kalde, mơya khai rơp ò gŏ lơgar hơ̆, mơ khai rơp chơt tềng hơ̆.

Ejekiel 17:16

Jehôwa Yàng Tom Trồ đơs lah: ‘Di ngan kung be Añ kis, khai rơp chơt tòm Babilôn, tòm lơgar gơrê mơ cau bơtau neh ơn khai hơđang sơbàn, la cau bơtau mơ khai neh sền òsơp di jơnau srat să ho nền mơ gơltac bơta ho bal.

Ejekiel 23:24

Bol khai rơp tus tòmsò mơ ai, cèng ală pềs tà, ală rơndeh lòs tòmlơh, ală rơndeh pơdiang phan, mơ dô mpồl làng bol oă; bol khai rơp rơndap bơta tòmlơh tòmsò mơ ai tòm kòp đah, ngui ală khèl dềt mơ dờng bal mơ ală sơgơn lòs. Añ rơp jào phi ai bol khai in nàng lơh glài, mơ bol khai rơp lơh glài ai jat bơta boh lam bol khai dê.