Jeremi 51:6 - Sră Goh 2018

⁶ Dô tĕ bơh digùl Babilôn, Kòp nă dong klàs tĕ bơta kis he dê! Bañ tài bơh tồi glài gơ mơ kong chơt roh. Bơh do la tŭ tơngai sal tê Yàng Jehôwa dê, Kơnràñ tơm wơl gơ in di pal.

Jeremi 51:6 Mawu Ofanana

Đơs Crih 94:1

Ơ Yàng Jehôwa la Yàng Tom Trồ, bơta sal tê gơrê mơ Kơnràñ, Ơ Yàng Tom Trồ, bơta sal tê gơrê mơ Kơnràñ, dan tơlik mat Kơnràñ dê.

Jơnau Pơnđik 13:20

Gơtòmklac mơ cau jak chài, gơlik gơs jak chài; Mơya lơh yô mơ cau tùl gơla rơp kong roh gơprah.

Esai 48:20

Lik tĕ bơh di Babilôn! Dô tĕ bơh di cau Kalđe! Ai tĕ jơnau driau chò mơ yal jơnau do, mơ yal tơnggit tĕ tus di ală tiah lồi dut plai ù; Đơs tĕ lah: “Yàng Jehôwa neh tơwài Jakôp, la cau duh broă Kơnràñ dê.”

Esai 63:4

Bơh ngai sal tê gơ ơm tòm nùs Añ, mơ nam dong tơwài Añ jê neh tus.

Jeremi 25:14

Mơ tai, rơp gơs oă lơgar mơ ală cau bơtau dờng kup cau Kalde gơs dĭ, mơ Añ rơp tơm wơl bol khai in jat broă bol khai lơh, mơ jat broă tê bol khai neh lơh.’”

Jeremi 25:16

Bol khai rơp ñô, rơp lòt gơsèng, mơ lu sơnrang, tài bơh pềs tà mơ Añ rơp sồr tus digùl bol khai.”

Jeremi 27:7

Jơh ală lơgar rơp dòn duh khai, kòn khai, sau khai, jơl tus di tŭ tơngai lơgar khai di neh tus; tŭ hơ̆ oă lơgar mơ ală bơtau dờng rơp kup khai dòn duh wơl.

Jeremi 46:10

Ngai hơ̆ la ngai Yàng Jehôwa, Yàng Tom Trồ Gơnap Gơnoar; Hơ̆ la ngai sal tê, Kơnràñ rơp sal tê cau sò tơm di Kơnràñ. Đào rơp loan jơl tus hòm, Hùc mhàm bol khai jơl tus rài tơhìr; Bơh Yàng Jehôwa la Yàng Tom Trồ Gơnap Gơnoar, Gơs bơta ơn phan duh khoai tòm lơgar đah đang, di gah hiòng Ơphrat.

Jeremi 48:6

Dô pleh tĕ! Dong klàs bơta kis he! Kung be dô nơm alàng brê tòm ƀlàng bràs!

Jeremi 50:15

Hòi driau tĕ tòmdră mơ gơ jơh ală đah. Gơ neh kong alah, Ală theng gơ neh tơrlơm, Ală dơrñang gơ neh tơlup. Bơh do la bơta sal tê Yàng Jehôwa dê! Sal tê tĕ gơ; Lơh gơ in kung be gơ neh lơh.

Jeremi 50:28

Iat tĕ sap đơs ală cau ntoat dô, la sap ală cau neh dô klàs bơh lơgar Babilôn, nàng yal tơlik tòm Siôn bơta sal tê Yàng Jehôwa Yàng Tom Trồ bol he dê, sal tê bơh hìu duh khoai Kơnràñ dê.

Jeremi 50:31

Yàng, la Yàng Jehôwa Gơnap Gơnoar, đơs: “Ơ làng bol pơnhừ să ne! Añ tòmdră mơ mê; Bơh ngai mê neh tus, Hơ̆ la tŭ Añ rơp lơh glài mê.

Jeremi 50:8

Dô tĕ bơh Babilôn, lik klàs bơh lơgar cau Kalde, lòt tĕ kung be be dam lam bồ mpồl!

Jeremi 51:11

Mòn sơmplàñ tĕ kam, tơmbềng tĕ ding kam! Yàng Jehôwa neh chồl nùs ală cau bơtau tòm Medi, bơh Kơnràñ neh lơh nền tơnroh Babilôn. Bơh do la bơta sal tê Yàng Jehôwa dê, Kơnràñ sal tê bơh hìu duh khoai Kơnràñ dê.

Jeremi 51:36

Gen tàng Yàng Jehôwa đơs: “Ne, Añ rơp dong tò mê, Sal tê ala mê in; Añ rơp lơh soat dàlềng gơ Mơ lơh soat ală croh dà gơ dê.

Jeremi 51:45

Ơ làng bol Añ, lik lòt tĕ bơh digùl gơ, Kòp nă pal dong is să he, Klàs bơh bơta gơjrañ dờng Yàng Jehôwa dê!

Jeremi 51:50

Bol mê la cau neh pleh klàs bơh đào, Lòt tĕ, bañ dơh wơl! Bơh tiah ngài, pal kah tĕ Yàng Jehôwa, Mơ kơlôi sơnơng tĕ bơh Jerusalem!

Jeremi 51:56

Tài bơh cau tơnroh neh tus tòmdră mơ khai Tòmdră mơ Babilôn. Ală cau pràn kơldang gơ dê kong kup, Àtak bol khai dê neh pă; Bơh Yàng Jehôwa la Yàng Tom Trồ sal wơl, Kơnràñ rơp tơm wơl wil tơl.

Jeremi 51:9

‘Bol he jơh nùs sơmbòi Babilôn in, Mơya gơ ò geh bòi. Sang lòi tĕ gơ, Kòp nă rê wơl tĕ hơ lơgar tòm he dê; Bơh bơta cahrña gơguh tus hơđang trồ Gơguh tus hơ ală tap trồ.’

Ñìm Rac 3:64

Khoai Yàng Jehôwa, dan tơm wơl bol khai in bơta bol khai neh lơh, jat be broă tê bol khai neh lơh.

Khà Làng Bol 16:26

Khai bơto pơrhơng mpồl jơnum mơ đơs lah: “Ruc tĕ ngài bơh di ală sàl ơm ală cau iơh bơsak do! Bañ ƀư phan lơi gơrê bal mơ bol khai, rngòt bol mê rơp kong tơnroh tài bơh tồi glài bol khai dê.”

Yal Wơl 32:25

Tòm gùng kong tơnroh bơh đào, mơ tòm dơlam hìu gơs bơta rngòt rngơt, cau pơnu mơ cau ơruh, kòn gam pô mơ cau kra sŏ kò kung behơ̆ sơl.

Yal Wơl 32:41

tòm tŭ Añ tồl mat đào àng gơcrà Añ jê mơ tê Añ at gơtòm bơta cahrña; Añ rơp sal wơl di ală cau sò tơm di Añ mơ tơm wơl di ală cau gơjrañ kơuềng di Añ.

Yal Wơl 32:43

Hòn chò tĕ, ơ ală lơgar bal mơ làng bol Kơnràñ dê bơh Kơnràñ rơp sal wơl bơh mhàm ală cau duh broă Kơnràñ dê; Kơnràñ rơp sal wơl di ală cau sò tơm Kơnràñ mơ lơh gơs bơta tơwài glài lơgar làng bol Kơnràñ in.

I Timôthe 5:22

Bañ sơrbac sơrbang ơn tê hơđang cau lơi, bañ ƀư di broă tồi glài cau ndai dê, kơrmap tĕ să he sàng goh.

Yal Tơlik 16:19

Ƀòn dờng tơrlah gơlik gơs pe pơnah, mơ ală ƀòn ală làng bol dê tơrlah tơrling jơh, mơ Yàng Tom Trồ kah wơl Babilôn dờng gen ai gơ in ñô mơngàn bơta gơjrañ dờng gơhào khuh ngan Kơnràñ dê.