Jeremi 51:58 - Sră Goh 2018

⁵⁸ Yàng Jehôwa Gơnap Gơnoar đơs be do: “Dơrñang theng Babilôn bulah kơ̆ cê ngan, Rơp kòl pơnring tus di ù, Mpồng gơ dê bulah jơnhoa ngan, Rơp kong ồs sa jơh, Behơ̆ gen, ală làng bol kong bòl glar mơ ò geh ñchi lơi, Ală lơgar lơh broă ồs in, mơ gơkòl lơgah lơgañ.”

Jeremi 51:58 Mawu Ofanana

Đơs Crih 127:1

Dilah Yàng Jehôwa ò bơt bơtào hìu, Gen ală cau chài bơt hìu lơh broă bòl glar ò kwơ. Dilah Yàng Jehôwa ò sền gàr ƀòn dờng, Gen cau drơng mang kơp gàr ò kwơ.

Esai 13:2

Bơtào tĕ bồng bi hơđang bồ mơnơm kơlờl, hòi tĕ dờng jơnau mơ bol khai; kwài tĕ tê lơh tềl bol khai in mut tòm ală mpồng dờng ală cau ryŭ ryơm dê!

Esai 47:13

Ai neh glar să bơh ală jơnau jòi lùp! Lòi ală cau sền trồ, sền sơmañ, kơnhai pa hơđang trồ mơ yal lài ală bơta rơp gơlik tus, ñă ntào dong tă ai klàs bơh di ală bơta rơp gơlik tus hơđang ai.

Esai 65:23

Bol khai rơp ò lơh broă gơlik ò kwơ, bol khai tơnggơs kòn sau nàng kong bơta rung rài; bơh bol khai la dô nơm làng bol geh Yàng Jehôwa ai lơngai lơngò, bol khai bal mơ ală kòn sau bol khai dê.

Jeremi 50:15

Hòi driau tĕ tòmdră mơ gơ jơh ală đah. Gơ neh kong alah, Ală theng gơ neh tơrlơm, Ală dơrñang gơ neh tơlup. Bơh do la bơta sal tê Yàng Jehôwa dê! Sal tê tĕ gơ; Lơh gơ in kung be gơ neh lơh.

Jeremi 51:30

Ală cau ling jak tòmlơh Babilôn dê ơm ò tòmlơh tai, bol khai ơm wơl tòm ală theng kìng crŭ; bơta pràn bol khai dê neh roh jơh, bol khai gơlik gơs be ală cau ùr. Ală hìu ơm kong chu tòm ồs, Kai mpồng neh kong tơrpă.

Jeremi 51:44

Añ rơp lơh glài Bel tòm Babilôn, Rơp tă phan khai neh loan lik bơh bơr khai dê; Ală lơgar rơp ò ràn tus mơ khai tai. Dơrñang theng Babilôn kung rơp tơrlah tơrlơm!

Jeremi 51:64

mơ đơs tĕ lah: ‘Babilôn rơp gơkram behơ̆! Gơ rơp ò bơtào guh wơl, tài bơh bơta rung rài mơ Añ rơp tơndùh hơđang gơ.’” Jơnau Jeremi tus tềng do la jơh.

Jeremi 51:9

‘Bol he jơh nùs sơmbòi Babilôn in, Mơya gơ ò geh bòi. Sang lòi tĕ gơ, Kòp nă rê wơl tĕ hơ lơgar tòm he dê; Bơh bơta cahrña gơguh tus hơđang trồ Gơguh tus hơ ală tap trồ.’

Jeremi 9:5

Bol khai jơh tơl nă pơrlồm cau gơp ƀòn he, mơ ò gơs dô nă cau lơi đơs jơnau song. Bol khai bơto lơmpiat bol khai đơs blac, Pơnđơl pràn lơh bơta iơh, mơ kalke nàng gơjrañ sang glài.

Ñìm Rac 5:5

Bơh yô neh ơn di ngko bol hi dê, cau ting jat bàn bol hi; bol hi neh bòl glar rau, bol hi ò geh rlô bòl!

Habakuk 2:13

Ò di la bơh Yàng Jehôwa Gơnap Gơnoar Dờng Làm Jơh neh lơh nền bơta bòl glar lơh broă làng bol dê mìng kung be lòng sing ồs, mơ ală lơgar kong bòl glar lơh broă ò kwơ ò ơ?