Jeremi 51:50 - Sră Goh 2018

⁵⁰ Bol mê la cau neh pleh klàs bơh đào, Lòt tĕ, bañ dơh wơl! Bơh tiah ngài, pal kah tĕ Yàng Jehôwa, Mơ kơlôi sơnơng tĕ bơh Jerusalem!

Jeremi 51:50 Mawu Ofanana

Đơs Crih 122:6

Hòi dan tĕ Jerusalem in geh bơta ring lơngai! “Dan cau lơi kòñ gơboh di mê gen geh bơtoah bơtoài!

Esai 48:20

Lik tĕ bơh di Babilôn! Dô tĕ bơh di cau Kalđe! Ai tĕ jơnau driau chò mơ yal jơnau do, mơ yal tơnggit tĕ tus di ală tiah lồi dut plai ù; Đơs tĕ lah: “Yàng Jehôwa neh tơwài Jakôp, la cau duh broă Kơnràñ dê.”

Esai 51:11

Behơ̆ làng bol Yàng Jehôwa neh tơwài rơp rê wơl mơ lòt tus hơ Siôn bal mơ bơta đơs chò; bơta hòn chò gam sùm sùm rơp geh tơndau hơđang bồ bol khai. Bol khai rơp dòp geh bơta hòn chò mơ chò hòp, bơta moat jrùng mơ bơta pơt wòl rơp dô ngài.

Esai 52:2

Guh tĕ, rtuh tĕ să tòm bol mê bơh thul ơmul, Ơ Jerusalem tiah gơkòl kup cèng. Ơ kòn ùr Siôn la cau kòl kup cèng, hồ tĕ che kơt bơh di ngko ai dê.

Jeremi 31:21

“Bơtào tĕ ală tềl sơnio gùng, Lơh tĕ bol mê in ală jrong sơnio gùng. Đal git nền ală gùng me, La gùng bol mê neh lòt. Ơ cau ơruh dềt Israel, rê wơl tĕ Rê wơl hơ ală ƀòn dờng bol ai dê!

Jeremi 44:28

Mìng dô êt cau geh klàs bơh pềs tà tòm lơgar Ejiptơ rê wơl hơ lơgar Juda; mơ jơh ală cau Juda gam wơl, la ală cau neh tus ơm tòm lơgar Ejiptơ rơp git jơnau cau lơi la tòm toh, jơnau Añ hala jơnau bol khai dê.

Jeremi 50:8

Dô tĕ bơh Babilôn, lik klàs bơh lơgar cau Kalde, lòt tĕ kung be be dam lam bồ mpồl!

Jeremi 51:45

Ơ làng bol Añ, lik lòt tĕ bơh digùl gơ, Kòp nă pal dong is să he, Klàs bơh bơta gơjrañ dờng Yàng Jehôwa dê!

Jeremi 51:6

Dô tĕ bơh digùl Babilôn, Kòp nă dong klàs tĕ bơta kis he dê! Bañ tài bơh tồi glài gơ mơ kong chơt roh. Bơh do la tŭ tơngai sal tê Yàng Jehôwa dê, Kơnràñ tơm wơl gơ in di pal.

Ejekiel 6:9

Tòm bol mê la ală cau geh klàs hơ̆ rơp kah wơl Añ digùl ală làng bol mơ bol khai neh kong kup cèng, mbe lơi Añ neh jê sồt moat jrùng bơh nùs bơrsèl tơnhial bol khai dê, neh pơrlac sang bơh Añ, mơ bơh gar mat bơrsèl tơnhial bol khai dê, neh wèt hơ ală rùp ràk bol khai dê. Gen bol khai rơp cù kìr di să tòm he bơh ală bơta tồi glài iơh bơsak mơ bol khai neh tìs. Bơh jơh ală broă ngkòr ngkàc mơ bol khai neh lơh.

Daniel 6:11

Tŭ hơ̆, ală cau bơtào kai gơrmơ̆i ne, gŏ Daniel ơm hòi dan mơ rac dan bơta nđàc di đap Yàng Tom Trồ.

Yal Tơlik 18:4

Añ kơno dô jơnau ndai bơh đang trồ đơs lah: “Ơ làng bol añ jê, lik tĕ bơh di khai, tồ bol mê ò gơs pơnah bal tòm ală tồi glài khai dê mơ ò kòl tòm bơta rung rài khai dê;