Jeremi 51:5 - Sră Goh 2018

⁵ Israel mơ Juda ò kòl sang lòi, Bơh Yàng Tom Trồ bol khai, la Yàng Jehôwa Gơnap Gơnoar; Bulah lơgar bol khai bềng tồi glài iơh bơsak, di đap Bơtau Sàng Goh Israel dê.

Jeremi 51:5 Mawu Ofanana

I Ală Bơtau 6:13

Mơ Añ rơp ơm digùl kòn sau Israel, Añ rơp ò tŭ lơi sang lòi làng bol Añ jê la Israel.”

II Ală Bơtau 21:16

Manase kung lơh gơtuh oă mhàm ò gơs glài, tian gơs Jerusalem kong bềng bơh đah do tus hơ đah ne. Di gah glài mơ khai neh lơh Juda in tìs glài, gen tàng bol khai neh lơh ală bơta iơh di đap Yàng Jehôwa.

Ejra 9:9

Bơh bol hi la ală cau dĭ, bulah behơ̆ Yàng Tom Trồ bol hi dê ò sang lòi bol hi tòm bơta ơm dĭ bol hi dê. Mơya neh ràng tơlik bol hi in bơta kòñ gơboh kơ̆ dơn Kơnràñ dê di đap ală cau bơtau lơgar Persia dê, nàng ai bol hi in rài kis pa, nàng bơtào wơl hìu Yàng Tom Trồ bol hi dê mơ rcang niam wơl ală tiah tơrlah tơrling gơ dê, mơ ai bol hi in dô nơm dơrñang tòm Juda mơ Jerusalem.

Đơs Crih 94:14

Bơh Yàng Jehôwa rơp ò sang lòi làng bol Kơnràñ dê, Kung ò sang sre brê Kơnràñ dê sơl.

Esai 44:21

Ơ Jakôp, kah tĕ ală bơta do, ơ Israel, bơh mê la cau duh broă Añ jê. Añ neh lơh gơs mê, mê la cau duh broă Añ jê; ơ Israel, Añ rơp ò hŭi mê.

Esai 51:15

Bơh Añ la Jehôwa Yàng Tom Trồ bol mê dê, la Bơtau lơnggac dàlềng lơh ryà dà gơ dê nggồr ur ur, Yàng Jehôwa Gơnap Gơnoar Dờng la sơnđan Kơnràñ dê.

Esai 62:12

Bol khai rơp geh sơnđan la “Làng bol Sàng Goh,” la “Ală Cau geh Dong Tơwài Yàng Jehôwa dê”; mơ ai rơp geh sơnđan la “Ƀòn Dờng Cau Jòi Bàn la Dô nơm Ƀòn Dờng Ò Kòl Sang Lòi tai.”

Jeremi 14:19

Ngan, Kơnràñ neh sang jơh Juda ơ? Nùs Kơnràñ neh gơjrañ mañ di Siôn ơ? Ñchi bơh tài Kơnràñ pù lơh bol hi, tian gơs ò sơm bol hi in taih? Bol hi kơp gơn bơta lơngai mơ geh bơta iơh; Kơp gơn tŭ tơngai sơmbòi, mơya tìp bơta rngòt rơm să.

Jeremi 14:9

Ñchi bơh tài Kơnràñ kung be cau lơh sơlồng sơlàng, kung be cau ling pràn kơldang, ò rgơi dong kòl taih? Mơya, ơ Yàng, Kơnràñ gam ơm digùl bol hi, Bol hi geh hòi bơh sơnđan Kơnràñ, Dan bañ sang lòi bol hi!

Jeremi 16:18

Lài ngan Añ rơp tơm wơl bơta iơh bơsak mơ tồi glài bol khai bàr dơ̆ rlau, bơh bol khai neh lơh ƀơ̆ ƀơl ù tiah Añ bơh ală rùp ràk, mơ cèng ală bơta cù kìr bềng lìu tòm sre brê Añ.”

Jeremi 19:4

Tài bơh làng bol neh sang lòi Añ, neh lơh ƀơ̆ ƀơl tiah do tòm tŭ bol khai ơn phan duh khoai yàng ndai in tềng hơ̆, mơ bol khai hala ồng pàng bol khai dê, hala ală bơtau Juda dê kung òhềt git, mơ tài bơh bol khai neh lơh gơtuh bềng mhàm ò gơs glài tềng do.

Jeremi 23:15

Gen tàng, Yàng Jehôwa Gơnap Gơnoar đơs bơh ală cau gơnoar hwơr be do: “Añ rơp ai bol khai in sa crìu bơtang Mơ hùc dà bih khih; Bơh ală cau gơnoar hwơr ơm tòm Jerusalem Neh rsìh bơta ò duh rngòt tòm làm jơh lơgar.”

Jeremi 31:37

Yàng Jehôwa đơs be do: “Dilah hơđang rgơi was sơnoa ală tap trồ, Hala hơđơm rgơi was sơnoa kơnàng plai ù; Gen kung behơ̆, Añ rơp sang lòi jơh jơi bơtiàn Israel Tài bơh ală bơta bol khai neh lơh.” Yàng Jehôwa đơs behơ̆.

Jeremi 46:28

Yàng Jehôwa đơs: “Ơ Jakôp dĭ gơna Añ, mê bañ rngòt, bơh Añ ơm bal mơ mê. Añ rơp tơnroh jơh ală lơgar mơ Añ neh bơtrơh mê tus; ai mê, gen Añ ò tơnroh jơh ò, mơya lơh glài tơmàl mê dô bă song ring, mê ò rgơi ò lơh glài tơmàl ò.”

Jeremi 50:20

Yàng Jehôwa đơs: “Tòm ală ngai hơ̆ mơ tòm tŭ hơ̆, cau rơp jòi bơta iơh Israel dê, mơ rơp ò gơs dô nơm glài tai; jòi tồi glài Juda dê, mơ rơp ò gŏ dô nơm glài lơi tai ò; bơh Añ rơp toh glài ală cau tòm mpồl bol khai mơ Añ neh lòi wơl.”

Jeremi 51:19

Mơya sre brê Jakôp dê gen ò di be bol khai, Bơh să tòm Kơnràñ la Bơtau neh crơng gơs ală phan, Ai Israel la jơi bơtiàn sre brê Kơnràñ dê. Sơnđan Kơnràñ la Yàng Jehôwa Mpồl Ling.”

Ejekiel 8:17

Gen Kơnràñ đơs mơ añ lah: “Ơ kòn mơnus, mê neh gŏ bơta hơ̆ sơl? Hơ̆ di sơl la dô bơta ò tơl ƀơ̆ iơh mơ hìu Juda ơm lơh ală bơta cù kìr behơ̆ tềng do ơ? Bol khai pal lơh ală bơta iơh bơsak bềng lìu tòm lơgar nàng kư̆ bơrcek Añ gơjrañ ơ? Sền tĕ bol khai ai ntê chi ơn rềp di muh bol khai dê!

Ejekiel 9:9

Kơnràñ đơs mơ añ lah: “Bơta tồi glài hìu Israel mơ Juda dê la dờng ngan ò git lơh; lơgar gơs bềng mhàm hòr mơ ƀòn dờng gơs bềng bơta ò song ring. Bol khai đơs lah: ‘Yàng Jehôwa neh sang lòi lơgar do; Yàng Jehôwa ò wèt sền ò.’

Sră Ôse 1:10

“Bulah behơ̆, ntum khà làng bol Israel dê rơp kung be bràs di gah dàlềng, ò rgơi was, ò rgơi kòp; tŭ hơ̆, di tiah Añ neh đơs mơ bol khai lah: ‘Bol mê ò di la làng bol Añ jê,’ bol khai rơp geh sơnđan la ‘Ală kòn Yàng Tom Trồ kis gam sùm dê.’

Sră Ôse 2:1

“Đơs tĕ mơ oh mi mê la Ammi, mơ lŏ ùr mê la Ruhamah.

Sră Ôse 2:3

Dilah ò gen Añ rơp hồ tă jơh ồi ào khai dê, lòi khai ơm kuh be ngai khai pa deh; Añ rơp lơh khai in gơlik gơs be ƀlàng ngềt ngơt, be ù rañ rsơh, mơ lòi khai in chơt tơhìr.

Sră Ôse 4:1

Ơ làng bol Israel, iat tĕ jơnau Yàng Jehôwa dê, bơh Yàng Jehôwa lơh nền glài làng bol tòm lơgar do, tài bơh tòm lơgar do ò gơs bơta dòn song, ò gơs bơta kòñ gơboh, kung ò gơs bơta git wă Yàng Tom Trồ tòm tiah do.

Sră Ôse 4:2

Tềng hơ̆ mìng gơs bơta srat rma, bơta blac pơrlồm, bơta tơnchơt cau, bơta ntung kơñau, mơ bơta rềs àr bơrnàn; bol khai sang lòi jơh ală bơta boh lam, kư̆ lơh gơhòr mhàm sùm ò dơh.

Mice 7:18

Ñcau la Yàng Tom Trồ tòm toh be Kơnràñ, ò kòp tồi glài mơ toh bơta tìs nrah làng bol gam wơl la sre brê Kơnràñ. Kơnràñ ò prap bơta gơjrañ sùm sùm, tài bơh Kơnràñ niam nùs yal tơlik bơta kòñ nđàc.

Mice 7:20

Kơnràñ rơp yal tơlik bơta dòn song mơ Jakôp, mơ yal tơlik bơta song ngan mơ Abraham, jat be Kơnràñ neh ho pơgon mơ ồng pàng bol he dê, bơh tòm ală ngai yau òr.

Sacari 12:6

Tòm ngai hơ̆, Añ rơp lơh ală cau kwang at bồ Juda in gơlik gơs kung be dô nơm bơnhă ồs ơm digùl dô gơnru lòng, kung be dô nơm sơmpòl ồs ơm digùl ală cap kòi. Bol khai rơp chu pơrguc đah ma mơ đah kiau, jơh ală làng bol ơm gùt dar; mơ tŭ hơ̆ Jerusalem rơp geh cau ơm tai tòm tiah gơ dê, tòm Jerusalem.”

Sacari 12:8

Tòm ngai hơ̆, Yàng Jehôwa rơp cang kìng ală cau ơm tòm Jerusalem, tian gơs ală cau lơbơn rlau jơh tòm gùl bol khai rơp gơlik gơs kung be Dabit, mơ hìu Dabit rơp gơlik gơs kung be Yàng Tom Trồ, kung be cau gơnrơh Yàng Jehôwa dê ơm di đap bol khai.

Sacari 2:12

Yàng Jehôwa rơp dòp geh Juda lơh gơs sre brê Kơnràñ dê tòm lơgar sàng goh, mơ dô dơ̆ tai Kơnràñ rơp sac rwah Jerusalem.

I Samuel 12:22

Bơh sơnđan dờng ryŭ Yàng Jehôwa dê gen Kơnràñ rơp ò sang lòi làng bol Kơnràñ dê, tài bơh Kơnràñ neh niam nùs dòp rò bol mê lơh gơs làng bol Kơnràñ dê.